امازوني بلوفرنتد

[ALNAHEEM]

السلام عليكم

شريت قبل اسبوع امازوني بلوفرنتد جاكو

الطير كان اليف بالمحل ولعوب بالقفص مع مجموعه تقريبا 10 طيور

هو الوحيد الي لفت انتباهي بحركته بالقفص

ومن صار بالبيت وهو بس يشرب وياكل بدون اي حركه داخل القفص

اليوم طلعته من القفص وكان مرره وحش ويعض بس على خفيف

على كلام راعي المحل عمره 10 شهور

الحجل لونه ازرق رقمه : AR5 CLP2968

ايش نصايحكم عن طريقة التربية ؟

[ابوسهيل]

اخي العزيز مهما كان الطائر لعوب واليف ويصفر عند مالكه الاول
راح يتوقف عن كل شي مجرد تغيير المكان والمالك الجديد
اعطيه فترة يتاقلم فيها على البيت الجديد وفر له العناية الكاملة
ولا تحاول تمسكه او تعمل اي شي معاه غير الاكل والشرب ونظافة القفص والتشميس
بين فترة والثانية حاول تعطيه الاكل بيدك وشوف ردة فعله ومدى استجابته وان شاء الله ماتطوول
اتمنى ان اكون افدتك ولو بجزء يسير
وفالك التوفيق

[أسيــــر]

الف مبروك
عليك الطير اخوي
ومثل موضح خبيرنا وحبيبنا بوسهيل
ونتظر منك طرح الصور ان امكن وصوره للحجل لتاكد من عمر الطير

[شرارة]

الامزوني صعب التاقلم وبطيى في التعود على صاحبه الجديد

ويبيله وقت عكس الكاسكو سريع التاقلم

على كل حال

اهم شي في هل مرحله لاتحاول تضايق الطير باي شكل

حطله الاكل المعتاد الحبوب والاكلات الاخرا مثل الفواكة والشغلات اللي يحبها قدمها له من يدك مباشره

افتح له القفص طول اليوم خليه يطلع ويدخل على راحته عشان يطمئن ويرتاح باسرع وقت

شي ممتاز ومطمأن انك شفته بعينك لعوب ونشيط عند صاحبه الاول وهذي شي يفرح

معناته مجرد وقت وراح يرجع نشاطه وحركته وتفاعله معاك ومع اهل البيت

مجرد وقت وممكن يطول بس عادي خليك هادي معاه ولاتستعجل

الامزوني يبيله من شهرين الا اربع اشهر عشان يتاقلم وممكن اقل او اكثر على حسب معاملتك معاه


اتمنى لك التوفيق



.

[ALNAHEEM]

يعطيكم العافية

اليوم كان نشيط ويلعب داخل القفص ويحاول يرد علي

طبعاً سميته ... ريو ,,, وكل ما مريت من عنده انادي عليه

اليوم اعطيه دوار الشمس وياخذ من يدي

وبعد ما شبع اكل فتحت القفص وامسح على جسمه ولايقول شي ولله الحمد

فيه خوف شوي وانا راح اخله الين ما يروح الخوف منه وابدا التدريب