اسعفوني بنوع مناسب من الليتر وعطوني تجاربكم

[اخت امل]

شوفي جربي tidy cats
وراح تدعيلي الكيس لونة اصفر ومرسوم علية قطتن لونهم رصاصي ولون
التراب من جوة مايل للسواد جربية وقوليلي بس نصية لاتستعملي توماس
مو زين جبتة مرة لبساسي وتوبت.

[اينوياشا 11]

انا استخدم نفس نوعك الصيني بس اضيف معه الكرستال واغير الرمل كل اسبوع والحمد لله ما في ايريحه والليتر بوكس ريحه احلى من ريحه اكلها*

[الدلع]

مشكورين حبايبي على ردودكم الله يجزاكم كل خير ويفرج لكم جميعا سابقكم ولاحقكم
فعلا النوعية هي السبب فذا الريحة المزعجة لأني اشتريت توماس وجربته وما شاء الله ممتاز وما عليه كلام أما الكرستال فشريته بس لما حطيته في الصندوق قامت بستي ام 3 شهور تاكله مدري وش تحسبه وبغت تموت الله يصلحها لوما الله سبحانه نجاها وكنت موجودة عندها كان راحت عندها حب استطلاع ومدوخة لي راسي وانا ألاحق وراها كل شي تبي تروح له وتستكشفه ولو كان خطير
بس عندي سؤال عن الكرستال أتمنى الي يعرف يفيدني :
س / هل الكرستال يستخدم لوحده ولا يخلط معه رمل ثاني لأن فيه ناس يخلطونه مع التوماس
س / اذا كان لوحده كيف يصير شكله بعد ماتستخدمه البسة لأني لاحظت ان بعض حبيباته كبيره ولا تنزل مع المصفى يعني اذا جيت اطلع الفضلات بتقعد حبات كبيره ما تنزل
أبدا وكلا وألف لا للويسكاس لأن سمعته عندالناس مو زينه عشان كذا مقتصرة على الدراي فود شركة رويال كانين فقط مع أكل البيت
نصيحة لا أحد يقرب من النوع الصيني ( المشكلة غالي مقارنة برداءته )
charm ياسلام سلم على غرفة البسس الخاصة والله يستاهلون الله يحفظهم لك أما من ناحية النوع الي تستخدمينه فما أعرفه ولا أدري هو موجود عندنا أو لا
اخت أمل بالنسبة للنوع الي ذكرتيه ملاحظه كثير يستخدمونه ويمدحونه وعلى العموم أبدوره بس خلينا حاليا على توماس لأني مرتاحة عليه وقريت على النت ان الكيس الكبير من توماس أصلي أكثر من الكيس الصغير ولا أدري هل هذي دعاية لتمشية البضاعة ولا فعلا حقيقة
الله يرضى عليكم أنا في انتظار ردكم على اسئلتي بخصوص الكرستال وشكرا لكم
اينوياشا 11 انا استخدمه لوحده ومسألة التنظيف والتغيير حريصة عليها بالمرة
الحمد لله تخلصت من المشكلة وما راح أكرر نفس الرمل الصيني لا بلحاله ولا معه كرستال لأنه جتني عقدة منه وكرهته

[امال شاعر]

بالنسبه لي توماس فعلا الكيس الكبير افضل من الصغير

انتي لو لاحظتي التراب يختلف في الحجم والصغير بيصير زي التراب لو قعد ثلاث ايام من تحت

والكبير بيتكتل ومايعمل ريحه كثير زي الكيس الصغير رغم انه نفس الماركه والكبير اوفر بكثير

[بسبس مياو]

تبي الكلام الأكيد خذه مني
انا مجربه كل انواع الرمل اللي بالسوق
افضل نوع على الإطلاق هو الصيني ling yan واللي يقولك مش كويس اكيد اكيد ما جربه
وعلى فكره هو اغلى نوع وهذي صورته

http://www.cutecats.cc/data/products/32_thumb.jpg

ممتاز في التكتل ومنع الروايح...
شوف غالبا كل انواع الرمل كويسة نسبيا في تكتل البراز...بس البول ماراح يتكتل وبيصير مثل التراب يتفتت
ويبقى مع الرمل النظيف فتضطر تغير كل الرمل ....اما هذا النوع فهو الوحيد اللي يكتل البول ويخليه مثل الحجر
انا ما استعمل غيره...واحيانا ينعدم من السوق فأضطر اشتري توماس او اي نوع ثاني

وما ادري اذا كنت تقصد نفس النوع الصيني اللي اقصده انا....لو كنت تقصده فغريب جدا !!!
الرمل اكثر من ممتااااز ولا ماتلاقي سعره غالي
توماس امريكي وسعره ارخص بكثير...ماصار غالي الا لأنه ممتاز....ويخلص من السوق بسرعة

واتحدى اي رمل غيره يكتل البول...مافي ابد مستحيل...بالنسبة لي اهم شي نظافة الرمل
لو بقايا البول ترسبت مع الرمل النظيف ممكن يجيب الحشرات وامراض للقطة
علشان كذا الصيني ممتاز

توماس حلو في عزل الروائح وتكتل البراز ..اما البول فأبدا مايتكتل فيه ويصير تراب
كمان في نوع فريش ستيب..جربته وهو مثل توماس مايكتل البول بس يمنع الريحة لكن تضطر تغير الرمل كل كم يوم
كمان جربت نوع اسمه كاتي وايت لونه من برا اخضر...نفس توماس وفريش ستيب

لا تاخذ الا الصيني ممتاز جدا وراح تدعيلي...كمان هو اغلى منهم كلهم مع ان كميته اقل
انا ما اغيره الا اذا فضى الليتر بوكس من الرمل...يجلس شهر مايتغير واكثر بعد
لأنك ماتحتاج تغيره لأنه نظيف وكل الفضلات تتكتل فيه براز او بول
انا كنت احب توماس لأني ماكنت اعرف ling yan بس بعد ماجربته عرفت الفرق

[الدلع]

جزاكم الله خير حبايبي
امال شاعر حلو يعني سالفة الكيس الكبير صحيحة اجل ابحرص آخذ منه المرة الجاية بإذن الله
بسس مياو .. انا بنية ولست وليد
اي والله هذا هو النوع الي استخدمته اول شي وماش ما جاز لي واتهزأت بسببه الله لا يجزى العدو خير
شوفي الله يرضى عليك ومن خلال تعاملي معه فالكيس صغير ما يسوى وبسرعه يخلص لأنه يكتل البول بحجم كبير بعكس التوماس تطلع كتلة بنفس كمية البول يعني الصيني تطلع كتلة كبيرة وثقيلة كأن فيها طين وحواليه حبيبات الرمل وبعد يتبعثر في الرمل ومدري يمكن الرمل الي عندي غير الي عندك
من خلال تجربتي ذا اليومين مع التوماس لاحظت شي انتي لا تصفين التوماس بسرعة بعد ما تطلع البسة من الصندوق مباشرة اصبري شوي ثم شيليه بتلاقين البول تكتل وفي شي ثاني اتوقع عام على التوماس وغيره ويسبب تبعثر كتلة البول واختلاطها بالرمل وهي ادخال المصفاة للرمل بقوة دخليها بهدوء والامور تمشي تمام
شاكرة لك مرورك وطرح تجربتك واحترم رأيك بس بصراحة اذا عافت نفسي شي صعب ارجع له وانا لاقية غيره احسن منه

[بسبس مياو]

[]ههههههه..سوري حبيبتي فكرتك ولد
عموما انتي شوفي اللي يريحك...انا ارتاح للرمل الصيني ورمل ثاني اسمه فريشن ايزي لونه بنفسجي
انا يهمني تكتل البول وهالشي مالقيته الا في هذول..وكمان يعزل الريحة

شوفي هذا الموضوع راح يفيدك اكيد...فيه اغلب انواع الرمل وخصائصها

http://www.2zoo.com/vb/showthread.php?t=107465

[الدلع]

عادي حبيبتي الموضوع ما يستاهل تتأسفين عليه بس حبيت التنبيه فقط
بصراحة ما الومك لأن اللقب شوي مبهم بس والله مشكلة لو رضى ولد ان ذا اللقب يكون له
مشكورة على العودة وتزويدي بالرابط جزاك الله خير و كاتبة الموضوع وجميع اعضاء المنتدى
استفدت منه ولقيت المعلومات الخاصة بالكرستال بارك الله فيك

[الكينق20011]

انا مع كلام اختي بسبس مياو انا استخدم الصيني ومرة عاجبني

[لعييييون روووووزه]

توماس روعه رغم اني ما اغيرلهاالتراب الا بعد اسبوعين بس على طول اشيل الوساخه منه