رجل البلبل مصابه ( صور )

[يانكا]

السلام عليكم ورحمه الله وبركاته

امس انتبهت لرجل البلبل فيها قشور وسوداد عند المفصل وعلى طول يرفعها او يكون واقف عليها بس تكون معوجه مع ان صحته حلوه ونشيط ولله الحمد

ملاحظه
الطير في الفتره الاخيره ينتف ريشه حتى بعد ماطلع له جديد

عاش ولله الحمد عندي 8 سنوات ويمكن عمره يتجاوز التسع السنين مادري كم عمره قبل ماخذه بس كان كبير الله اعلم

خلال الشهرين الماضيين بصراحه بسبب تواجد اختي لزياره اهملت في تنظيفه لانها دايم تطلعني برا البيت وفي العاده كل اسبوع انظف القفص وسبحه

بس خلال هذي الفتره نظفته مرتين

واللي زاد الوضع سوء اخوي عطاني طير بادجي مريض وكان محتاج لعنايه والبلبل حقي غيور كثير

فبالكاد كنت العبه خمس دقايق في اليوم وكان يزعل اذا شافني اهتم بالبادجي ويسوي حركات غريبه ويبتعد عني احيانا


فما ادري اذا كانت الاصابه هذي بسبب قلت الاستحمام خلال هذي الفتره او بسبب الغيره اذى نفسه او بسبب العمر او بسبب ثاني

انا قلت هذي الاشياء علشان يكون عندكم علم في الاجواء المحيطه فيه حاليا


وهذي صور له ياريت تنصحوني جزاكم الله خير