مشكلة في حوض الاسماك
يا اخوان .. عندي مشكلة غريبة في حوض الاسماك
اولا انا اربي سمك الزينة من حوالي 4 سنوات وكان عندي حوض كبير اربيهم فيه
بس لما نقصت اعدادهم وواجهت صعوبة في تنظيف الحوض كل مرة .. قررت اشتري حوض اضغر
نقلت الاسماك في الحوض الجديد وهو من النوع الي حجمه صغير الى حد ما
وينقفل من الاعلى وفيه لمبة على طول الحوض .. ومشي الحال كم شهر
لكن في الفترة الاخيرة .. لاحظت ان الحوض تتحول المويا الي فيه للون الاخضر بسرعة كبيرة
يعني انظفه اليوم بعد يومين يبدا يصير اخضر وكل يوم اللون يزيد لحد ماتنعدم الرؤية في الحوض
وطبعا اضطر اغير المويا وانضفه من جديد .. واخيرا نقلتهم لحوض اخر
لكن ابغى اعرف اش سبب تغير المويا للون الاخضر بهذي السرعه
ظنت في الاول ان الحصى الي في الحوض لونه يتحلل وطلعته .. واستمرت المشكلة
ونفس الشي بالنسبة لبعض الاحجار الي كانت محطوطة فيه للزينة خرجتها .. لكن المشكلة مستمرة في الحوض ..
وسؤالي هو ياترى ايش السبب ؟؟ .. لانه من ناحية النظافة انظفه مضبووووط
ومن ناحية الاكل اعطيهم اكل غير ملون ..
ممكن احد يقول لي فين المشكلة ؟
|