بعد غياب طويل .. رجعت لكم بحوضي المزروع الجديد

[انجل مان]

السلام عليكم .


ما اشتقتولي


خلونا ندخل بصلب الموضوع على طول !

بصراحه قبل فتره شفت حوض اخونا يوسف ! وكيف ابدع بالزراعه ! وكيف تطور الحوض من مرحله الى اخرى ..

وايضا مع تطور المحلات واستعياب الناس لهذه الهوايه الرائع واصبح هناك العديد من الهاويين والمبدعين !

ولا ننسى وسائل التواصل الاجتماعيه او السوشال ميديا اللي قرب الناس اكثر وفتحت عقولهم على اشياء ومنها الهوايات بشتى انواعها ،خصوصا تربيه اسماك الزينه والاهتمام بها !

طبعا انا اربي الاسماك قبل 10 سنين او اكثر .. وفرخت وانتجت اغلب انواع اسماك الزينه .. لكن كنت بعيد عن فكره اني اقتني حوض مزروع خصيصا ويكون كل الاهتمام بالزراعه !

طبعا بالمطقه اللي انا فيها ما فيه محلات متخصصه وانحصلت واحد بتلاقيه اسعار فلكيه وبتحطم هوايه والسبب التكلفه العاليه !!

لكن فيه بعض المواقع البيع .. (( م راح اذكر آسماء )) .. لكن مواقع بيع عالميه .. ولا تصفحتها ولقيت عندهم كل ما احتاجه بصراحه ! وسعره رخيص واشياء لم تصل الينا من قبل ! فكنت اول من يقتنيها تقريباً

استمريت على هالحال 3 سنين تقريبا ! الين ما فاجئني اخوي يوسف بالحوض الاكثر من رائع تبعه !

فقلت اذا كل شي متوفر عندي ليه ما اجرب ازرع الحوض ومن هنا بدآت الانطلاق ..


وكنت متحمس كثير ! وحصلت كل ما اريده ولله الحمد واستوردت اشياء ولله الحمد وراح حط لكم الصور


اولا : اساسيات الزراعه .. كانت من شركه تترا المعروفعه اكيد واشتريت هالاشياء منهم :-




هذا عباره عن الطبقه الاولى وهي المغذيات اللازمه للنباتات المائيه ..



وهذي للطبقه الثانيه ..



وهذا الانتل ستيك ضروري لتدعيم جذور النباتات



وهذا بلانت ستارت .. وهو عباره عن كبسولات لبدايه النباتات بالحوض




وهذا اسطوانه صغيره لثاني اكسيد الكربون .. لكن انا ما شريته ولا استخدمته استخدمت بديل عنه راح احط لكم صورته ..





وهذي عباره عن كبسولات ثاني اكسيد الكربون .. طريقه عملها مثل الفوار لما تمس الماء تتفاعل فورا وبتطلق غاز ثاني اكسيد الكربون !! سعره رخيص جدا جدا مقارنه بالاسطوانات !
وغير كذا كل علبه فيها 100 كبسوله واعتقد كافه لمده 100 يوم ! وهذا شي جميل جدا !

واوفر واسهل من الاسطوانات وشغلتها شغله .. شكرا لاخوانا الصينين دائما يخترعون اشياء تسهل الحياه علينا

والحين مع صور الحوض الجميل













هنا زرعت الجافا موس .. باعلى الخشبه عشان تنمو عليها يكون شكلها اجمل ..



هذي الصوره من بعيد وتلاحظون الارضيه فيها جافا موس مزروع بمسافات متباعده عشان مع الوقت تنمو ويملاء ارضيه الحوض كامله ..





طبعا الحوض صارله تقريبا اسبوعين من التآسيس .. واضفت الاسماك والجافا موس من تقريبا 4 ايام !

طبعا اعذروني على ردائه الصور .. لكن بالطبيعه اجمل بكثير جداا !!

الاسماك الموجوده حالياً :-

آنجل .. نيون تترا .. زيبرا دانيو .. كلاون لوتش .. قلاس فيش .. وكريستال شريمب

اتمنى عجبكم الحوض واللي عنده اي سؤال او استفسار يتفضل ..

وشكرا