ياجماعه عطوني حل بس ابي حل واحد على ايدكم

[ماكسيموس]

السلام عليكم
شباب انا عندي كوكاتو بلو اي المشكله ان كل بين فتره والثانيه يصير فيه اسهال عزكم الله
اعطيه الدواء تتحسن حالته جم يوم وبعدين يرد نفس الحاله لون الاسهال عزكم الله بني وغير متماسك والدواء الي معطيني اياه يرش بالماء مده خمس ايام وفعلا تتحسن حالته لكن بعدين اترد تتدهور من جديد علما بأنه صارله على هالحال اكثر من 4 شهور وراجعت البيطري اكثر من بيطري مايدرون اشفيه
وفي مشكله ثانيه بالرجل والمنقار المنقار لونه اسود وفيه خط ابيض واضح والرجل فيها لون ابيض على اطراف الاصابع ومن تحت الرجل بقعه دائريه لونها وردي اليمنى بقعه وحده واليسرى بقعتين ورديتين
اسم الدواء للاسهال عزكم الله ( هلال-تريل )
واسم الدواء الي خذيته من صيدليه بشريه (LAMISIL) اهوا رش
وشريت له فيتامين (دال 3) مثل ما لقيته في احد المواضيع الموجوده في المنتدى كان في موضوع عن المناقير ووصف في الموضوع وصفة فيتامين دال لكن للحين مالقيت اي تحسن في حالة الكوكاتو
ياجماعه ابي مساعدتكم ترا انا حدي تعبت
احب اضيف بالنهايه ان انا عندي خمس طيور غيره واخاف لا ينقل لهم العدوى او انا خايف ان من كثرتهم قاعده اتزيد الامراض
ابي حل بسرعه
ومشكورين

[medo88medo]

ماكسيموس

هناك طريقه وحيده تستطيع فيها علاج طيرك
لابد ان تجد طبيب جيد يستطيع ان يصف لك حالة الطير
وايش سبب الاسهال هذا مهم جدا حتى تتفادى المرض لا يكفي العلاج فقط
بل المهم مسببات المرض

وهناك مثل"اذا عرف السبب بطل العجب"

وعلى فكره انا مستغرب من طبيب يصف لك الدواء بدون مايخبرك عن سبب المرض

ونصيحه اعزل الطير عن باقي الطيور حتى تتاكد من حالة الطير ويتعافى تماما
واتمنى لك ولطيرك دوام الصحه وتاعافيه

وهناك ملاحظه قبل ان اختم المشاركه ولكنها مهمه جدا:
"بعض الناس تعاني من حساسيه تجاه شيء معين مثل ,البيض , السمك , الموز"
عندما نتناول هذه الاطعمه يشعر الجسم بالتحسس نذهب للطبيب نتعالج فتذهب ونحمد الله على الصحه والعافيه"
ولكن عندما نعود وتتناول نفس الاطعمه ماذا يحصل ؟ نعم احسنت تعود مره اخرى

الان بيت القصيد: الطير لايكفي الذهاب به الى الطبيب فقط وانما معرفه مايسبب الحساسيه للبعد عنها تماما لان مناعة الطير اضعف من الانسان بكثير
فاحرص على سلامة طيرك

[ماكسيموس]

اهوا لو في دكتور زين بالكويت كنت رحت له بس مافي والله
والاكل نظيف ومافيه ولا شي واكل طيور عادي يعني
اي بس ابي اعرف شسالفه والله انا مو عارفها للحين

[ماكسيموس]

ارجو انكم تلقولي حل
انا رحت لاكثر من بيطري بالكويت وولا واحد عطاني اجابه شافيه كلهم يقولون لي مافيه ولا شي!!!!!!!!
الي يقولي من الوقفه اي مو الطير طول عمر واقف اخليه يطير يعني اربعه وعشرين ساعه !! والي يقولي فطريات والي يقول هذا شي عادي !!!!!!!!!!!!!
ابصراحه انا مو فاهم شسالفه لان كل واحد من هالبيطريين عطاني كلام مختلف عن الثاني كل واحد يقولي شي
ارجوكم رجاء ساعدونييييييييييييييييييييي