ببغائي الأفريقي مريض ولايأكل الفاكهة .. وش الحل تكفون ؟

[alssiad2001]

السلام عليكم ورحمة الله وبركاتة ...

يا شباب عندي ببغاء أفريقي شريتة قريب قبل 5 أيام يوم الجمعة تحديداَ ..

المهم قبل 3 أيام رحتبة لعيادة فيفا البيطرية كشف علية الدكتور وسواله تحليل " إفلونزا الطيور "

والحمد لله الولد سيلم من هالناحية لكنة " مزكم " أعطاة الدكتور كبسولة وأعطاني بودرة لونها

أبيض وطلب مني خلطها بالماء يومياَ مرة حتى سبعة أيام وقال لازم ياكل تفاح وبرتقال وخس وذرة

ومن هالأمور .. المهم الولد عيا لا ياكل الفواكة والذرة .. يقطع وصلة من هالتفاح ثم يرميها وراسة

يابس إلا يبي بذور عباد الشمس .. اليوم بديت أشوف في فمة وعلى فتحات الأنف سايل مخاطي

مادري وش أسوي فية .. وش الحل ؟؟

إية وأزيدكم من الشعر بيت الولد مايسولف ولا يصفر ولا شيء .. مادري هو بسبب الزكام ولا ماحد

عاجبة ؟؟
بعدين شيء ثاني .. هل الطيور تأثر على المرأة الحامل ؟؟؟

[abuachooch]

السلام عليكم
اطلع على هذا الموضوع
http://www.2zoo.com/vb/showthread.php?t=6419

[alssiad2001]

الأخ / abuachooch

إطلعت على موضوعك وجزاك الله خير وفعلاَ فكرة حلوة جداَ لتدريب الطائر على أكل الفاكهة ..

بس مادري أبداَ الأن ولا لما يشفى الطير من الزكام هذا أولاَ ..

ثانياَ باقي تسأولاتي بالنسبة للزكام والأدوية اللي عطاني ياها الدكتور . وإن الطير ما يصفر .. وهل هو بسبب المرض .. وهل يأثر

الطائر على المرأة الحامل .. ما أدري إذا عندك إجابة أو أحد من الشباب يساعدني ؟؟

والف شكر على ردك أخوي

[FAWAZ]

وعليكم السلام ورحمة الله وبركاته.....

حياك الله اخوي وكيف الحال .....

طيب انت شريته وهو تعبان يعني!! .... المهم صار الي صار ..

سواله تحليل انفلونزا الطيور ؟؟؟ غريبه

انت تقول سايل مخاطي من خشمه وفمه بعد ؟؟؟؟؟ انت متأكد من فمه سائل مخاطي؟؟

طيب مع احترامي لدكتور فيفا الكريم احب اظيف بعض الاشياء...

احيانا يكون عنده رشح او التهاب بالحلق وهذا يكون واظح لما يفتح فمه الدكتور الفاهم يعرف انه التهاب بالحلق هذا شي ....

انت لاحظت في جفونه مثل اللون الاحمر وكنها مورمه!!!
وذا كان فيه سيلان بالانف هذا مرض ثاني مالها اي علاقه بلانفلونزا وهذا مرض يصيب الانف والاذن والحنجره يشخصونه كثير من الدكاتره على انه انفلونزا وهذا اكبر غلط...

ويمكن يكون السائل المخاطي من الانف نتيجة احتقان والتهاب الشعب الهوائيه , وهذا له تأثير خطير على الطير وهو يبدا بسيط وسهل العلاج ويصعب بعدين ...
اعراضه .... سيلان بالانف وتلاحظ فمه مفتوح لما يتعب !!! وهذا دليل انه يتنفس من فمه مو من خشمه لانه مصكر ....

كيف ومن يحدد اي حالة فيهم؟؟؟ لازم دكتور((((( فااااااااااااااااااااااااااااااااهم )))))))

ومعليش الاكل له علاقه بس مو المهم .. الاهم العلاج المناسب لحالته...

نصيحه اخويه مني ونت حر يالغالي ... ما أظن البورده الي معك تسوي شي راح تظيع وقتك فيها وتتعب طيرك ونتبه ترا هذا علاج قوي مو لعبه يمكن معطيك سيلكا او مضاد حيوي وهذا لازم نسبه دقيقه له بالظبط .. زيادته يأثر على الطير ويدمر صحته ويمكن يتسبب في وفاته لانه يتجمع في الكلى الكبد ويصعب تصريفه , وذكر دكتور قد شرح ببغاء ميت عشان يعرف سبب وفاته وكان السبب الرئيسي هو الماده المضاده...

اخوي انا محب اخوفك .. قد عالجت طيور حالتها اشد من كذا والحمد لله موجوده عندي ولا احلى منها ...

الافضل هو مضاد حيوي يعطي ابر في يمين عضلة الصدر او في يسارها مره يوميا ولمدة خمس ايام يعطي معها فيتامين في الماء ويتعرض للهواء النقي في المنزل وينام نوم كافي بعيد عن التكييف ويقطر في انفه مرتين يوميا محلول ملحي معقم ومطهر ... والله اعلم

وبالنسبة لتوقفه عن التصفير والكلام شي طبيعي ... الطير مو قادر يتنفس كفايه ورئتيه مصكره ..
واعتقد ان السائل ينزل من خشمه على منقاره وتحسبه من فمه ...


وبالنسبه اخوي على تدريب الطائر ..... لازم فترة استشفائيه كافيه لطير اقل شي ست اسابيع على ما يتصفى المظادات من جسمه هذا في حالة انه ماكان اليف مره وخواف ...

طبعا اذا كان اليف هذا شي ثاني ... وتقدر الحين تروح تلعب معه بالعكس الشي هذا يرفع معنوياته ويسليه ..


وذا تبي اي مساعده اخوي راسلني على الخاص .......

اخوكم فواز,,,