قتطي شعرها بيقع وكسلانة
السلام عليكم
انا قطتى عندها حوالى سنتين ونص
ومش بتاكل غير سمك مشوى (من غير اى شوك ولا قشر ) مع عيش وبطاطس وجزر مسلوقين و أوقات دارى فود بس بقالى فترة مش بأكله لها
حاولت اغير معاها بدل السمك فراخ مش بترضى تاكل ابدااا
من كام يوم لاحظت ان شعرها بيقع كتير ولما بتهرش بيقع زى خصل صغيرة من شعرها او كتل
قولت يمكن عادى نفسية علشان كانت عايزة تتجوز وقتها وانا مش جوزتها وقولت الشهر الجاى اجوزها
بس بعد ما فترة طلب الجواز خلصت الشعر المتساقط قل شوية عن الاول بس لسة بيقع برضه خصوصا لو هرشت و كمان كسلانه ودايما نايمة
والنهارده عملت براز عادى متماسك بس معاه زى نقطة ميه تقيلة وشفافة
كده يبقى عندها ايه
ملحوظة** هى كان عندها ديدان الاول فكنت بديها بنداكس حبوب
وكملت الجرعة زىما الدكتور قالى وعذتها بعد 3 شهور مرتين
بس المرة دى مش ادتها لها لان البراز بتاعها عادى ومش فيه حاجة
التعديل الأخير تم بواسطة : فاتـــو بتاريخ 11-09-2013 الساعة 04:06 AM.
السبب: تصحيح العنوان
|