التمنه لا يقبل على الاكل ماذا افعل ؟

[alsindrella]

اخى octopus جزاك الله خير
مفيش كلمات اقدر اقولها اعبرلك بيها عن شكرى و امتنانى ؛؛؛


دكتورنا الفاضل خالد
التمنه عندى من 18 نوفمبر الماضى هو كان كلبوظه اوى و ماشى زى البطه
هو فى الاول كالعاده خايف لكن اصبح الان يعرفنى اكيد لا يعض لكن لسه مقدرتش امسكه علشان اتفحص ريشه
لكن علطول بيأخذ شاور هو و ال 2 كروان
الحاله بدأت بعد اسبوعين مثلا من وصوله
اول ما جه كان يأكل حبوب دوار الشمس بعدها عجبه السمسم فقل اكل الحبوب بعدها عجبه الفلارس
انا اعتقد انه مش مريض لانه لو وضعت فلارس بكميات كبيره بياكل
لكن الحب الشمسى و باقى الاكل يرفضه
هو مودى يأكل الحاجه يومين و يكرهها لكنه رافض كل الخضار و الفواكه و القمح المنقوع و الارز و المكرونه
بالنسبه للكروانات هما الحمد لله بخير و مفيش طفيليات انا معرفش مظهرها بيكون ازاى لكن اعتقد مفيش
و ححاول ارفق صور لهم

سؤال لو سمحت اخر
بالنسبه لل centrum هل يمكن وضعه للكروانات ايضا و لا حيكون قوى عليهم
و هل حضرتك تنصح بيه نظرا لوجود زنك و فيتامينات فيه ام لانه بيفتح الشهيه نوعا ما
و شكرا جزيلا لك و على سرعه استجابتك ؛؛؛
[IMG][/IMG]

[alsindrella]

[IMG][/IMG]


[IMG][/IMG]

[alsindrella]

الصور دى للتمنه صورتها حالا
بص دكتور خالد شايف بطنه فاضيه ازاى
يا رب تكون واضحه
ايضا من يوم ما شريته شويه ريش عند البطن و عند الرقيه مش موجودين كما بالصوره
لكن هو لا ينتف ريش و لا بيقع منه ريش و لا بيهرش هل بيبدل ريش ام ماذا ؟


و ايه رأيك شايف صحته ايه ؟
[IMG][/IMG]


[IMG][/IMG]

[Dr Khaled]

ال centrum يفيد الجميع و نفس جرعة الطائر تقدم للكروانات
حالياً لا يوجد شيء سوى الفيتامنيات المكتوبة سابقاً على الرجوع لمحاولة تقديم له الأكل المخصص له فقط و تدريجياً أي وقت ما تأكل الكروانات أبعديها عنه و ضعيه في غرفة أخرى و إبدئي بتغير الأكل تدريجياً له و إن لم يأكل لا تخافي عليه تدريجياً يبدأ يتعود على أكله الخاص من بذور و غيرها
و لا ضرر بالبسكويت بمكيات قليلة مع الخبز مع الخضار القليلة التي تقطع و إبتعدي عن الخضار الورقية نوعاً ما و اللبن و العسل و الشاي أيضاً لأنها تزيد من توتر الطير و مزاجيته
لكن هل رأيتي البراز ؟

[Dr Khaled]

و يجب فحص الريش سواء هو أو الكروانات
مع عمل تنظيف شامل بالماء الساخن مع الديتول الشخصي (لونه أخضر) للأقفاص و تركها لتنشف ثم إرجاع الطيور عليها

[alsindrella]

شكرا دكتور خالد
عجبتنى فكره فصل الطيور فى اوقات الاكل
بالنسبه لل centrum نص قرص لمده 5 ايام و لا كام يوم؟
و ايضا برازه تقريبا طبيعى ان شاء الله
و بالنسبه للنظافه كل يوم نظافه مليون مره
و الكروانات علشان اليفه بتتشور بشامبو جونسون نقطه خفيفه على الظهر و شطف بالماء
طيب سؤال اخير استحملنى شايف صحته كويسه و حجمه كويس و لا ايه هو كان جى جامبو هههههههه
و جزاك الله خير

[Dr Khaled]

1- من الخطر تحميم الطيور بالمنظفات الكيميائية فتكون عرضة للآفات الجلدية و غيرها من الأمراض الجلدية كما أنه يقلل من فرص ظهور و تقويم الريش لديها و لا أنصحك بها مطلقاً!!!!!!!!!!!
2- السينترم 30 يوم بالتمام و الكمال و يفضل الفصل بين الجنسين لعدم التقليد الأعمى.
3- التأكد من الريش أعيد و أكرر التأكد من سلامة ريش الطائر من طفليات سريعة الحركة و تشبة معالم الذبابة بنية اللون أو طفليات صغيرة ما بين سوداء و حمراء مثل النقط بطيئة نوعاً ما.....

[alsindrella]

بالنسبه ل 1 و 2 حاضر و ينفذ ان شاء الله
3 بالنسبه لل 2 كروان ان شاء الله مفيش حاجه
التمنه صعب فصحه لكن مفيش هرش بالريش غير طبيعى او زائد عن حده
فهل تحبذ دواء معين كأجراء وقائى ام لا؟

و كمان دكتورى العزير انا تعبتك سؤال اخير
التمنه من يوم ما اشتريته لما كان فى الاول خائف من شىء او عند بذل مجهود يعنى لو رفرف بحناحيه يستفرغ الطعام
هل من حل لهذا الموضوع
علما بان الاستفراغ نتيجه الخوف اصبح معدوم لانه اتعود علينا و على المنزل
لكن استفراغ الحركه او المجهود مازال موجود ايه رايك ؟

[Dr Khaled]

تركيبة دمبيرودون حبوب نصف حبة تطمعيه إياه مباشرة .....

[alsindrella]

شكرا دكتور خالد
اسفه دوشتك طول اليوم
جزاك الله خير؛؛؛؛؛؛؛؛؛؛