عندي كم سؤال طوال انا مبتديء حيل بتربيه الوبر سامحوني هههه

[Remix]

السلام عليكم كيفكم شخباركم
طبعا اول امس شريت وبر وحيل متوتر عندي معلومات خفيفه عنه بس
بدخل بالاسئله علطول وسامحوني حيل عالازعاج
.
1- وبري ماعرفت له كثير متقلب اول ماجبته كان هادي وكان عادي امسكه بعدين لما حطيته بالقفص وسويت له بيت صار يخاف احيانن اول ما ادخل غرفتي يدخل بيته بس مب مره مره يخاف يعني احيانن يسمحلي اشيله واحيانن ينحاش
واحيانن اضطر اشيل البيت عشان يشوفني واحطه بمكان اوسع عشان يمشي هل الي اسويه صح اني اشيل بيته عشان امسكه ؟
اليوم اكل من يدي بسكوته عاديه لا مملحه ولا شي ويمشي على ظهري ويطلع اصوات ولما ادخله القفص كانه مايعرفني لما اجيه بعد ساعه يصير يخاف هل الي يصير طبيعي وشنو تنصحوني اسويله
<--- الحين كل هذا سؤال واحد ههههههه
.
2- بخصوص الاكل هل هو مشابه للهامستر بخصوص مره بالاسبوع جبن وبياض بيض وعسل وكده ؟
ولا في اكل مسموح للهامستر وممنوع للوبر
.
3- الخضروات متوتر منها بخصوص فيتامين سي لان لما اقدمها ماشوفه ياكلها واجد وشنو تنصحوني اقدمها بشكل مقطع صغار او قطعه وحده كبيره والخضروات تكون بالقفص علطول واخليي غذائه الخاص اقدمه على شكل وجبتين ولا شنو ؟ والخضروات الي عندنا الي اقدمها له بشكل يومي هي ( طماطم-خيار-جزر-فلفل اخضر بارد) وكلها فيها سوايل معدا فلفل فاخاف انه يصاب بالاسهال وخصوصا انه يشرب موي شنو رايكم هو مايصاب بالاسهل بسرعه ولا اروح سوبر ماركت اشتري خضروات خاصه فيه.
.
4- الوبر محطوط بغرفه نومي هل هذا شي حلو بخصوص انه يكون حولي وامي ماتبي تشوفه لكن افلته بغرفتي وعلى سريري فانا اكثر شي ادخل عليه تقريبا جلوسي معاه يعادل 3ساعات تمام كذا ولا احطه بمكان اكثر ازعاج.
.
5- وبخصوص ليتر بوكس عندي سؤالين فيه عشان اعوده عاليتر بوكس لازم اشيل برازه وحطه بالليتر وانتم بكرامه صح ؟
هو اكثر شي يسويها بليتر بوكس الحمدلله بس لما ادخل غرفه ينحاش فيطير البراز شي يقهر بصراحه فهل لازم ارد البراز مره ثانيه مكانه ولا خلاص
وسؤالي ثاني الحين الوبر يبول ؟!!!! هههههه
لان من جد احطه بسريري ساعه بس يتبرز مايبول !!
وانا محاط ارضيه القفص فوطه وراح اسئل عنها اشم الفوطه مافي بول وانتم بكرامه وصحته تمام تمام !!!!!!
.
6- سؤال انا محاط ارضيه القفص فوطه و عندي فوطتين للقفص بحيث كل يومين فوطه وحده مره وجها ومره قفاها يعني اليوم الثاني اقلب الفوطه الي تحت فوق ولي فوق تحت هل هذا صح ؟
وبعد يومين اغسلها و ابحط ثانيه وكمان يومين مره وجه ومره قفا .
وذي صوره القفص حطيت الجدار حد للمكان وحدود الجوانب كوميدينت غرفتي وقفص الهامستر فكيت من السقف وخليته حد وحطيته وربطت فيه مشربه وبطنته بالفوطه اساس ماتتعور رجوله من الحديد صح شغلي ؟ طبعا هو مايطيح القفص لانه موب فضوليي وهذا شي طمني عكس الارنب وكيف حجمه مقارنه بوبر صغير؟ مع العلم اني اطلعه كل يوم

.
ودي صوره وبري لاحظ كيف نثر البراز مين ليتر بوكس ولعب بالاكل

.
ودي صوره بكانون
.
.
اخر سؤال واخيرا
الحين عادي اطفي لمبه غرفني ولا اخليها لاني اخاف مايشوف فيخترع مع الاصوات
ولا عادي اطفيها
وشكرا شكرا شكرا شكرا
واسسسسسسسسسسسسسسسسسسسسسسسسسف
على الاسئله الطويله الممله

[Remix]

امم معقوله محد يعرف
ولا أي نقطه من ذولي يخدمني

[marshmallow]

وعليكم آلسلآم

آلف آلف مبروك ع آلصديق آلصغير آلجديد ^^

يتربى بعزك


وبآلنسبة للآسئلة :

المشاركة الأصلية كتبت بواسطة Remix

1- وبري ماعرفت له كثير متقلب اول ماجبته كان هادي وكان عادي امسكه بعدين لما حطيته بالقفص وسويت له بيت صار يخاف احيانن اول ما ادخل غرفتي يدخل بيته بس مب مره مره يخاف يعني احيانن يسمحلي اشيله واحيانن ينحاش
واحيانن اضطر اشيل البيت عشان يشوفني واحطه بمكان اوسع عشان يمشي هل الي اسويه صح اني اشيل بيته عشان امسكه ؟
اليوم اكل من يدي بسكوته عاديه لا مملحه ولا شي ويمشي على ظهري ويطلع اصوات ولما ادخله القفص كانه مايعرفني لما اجيه بعد ساعه يصير يخاف هل الي يصير طبيعي وشنو تنصحوني اسويله
<--- الحين كل هذا سؤال واحد ههههههه


آلوبر مرآآ خوآفين وخجولين ، لكنهم ودودين ومسآلمين ويحبون يتدلعون على صآحبهم

وعآدي جداً آنه لمآ يشوفك يتخبى ، لآنه يخآف ومآتعود عليك ولآ على بيتكم

فَ مثلاً آنآ عندي وبر ، يوم آجيبه كآن عمره يومين آو ثلآثة ، وآلحين سنة وكم شهر مآ ششآء آلله

آذآ سمع آحد جآي يتخبى في بيته ، وآذآ نآديته بآسمه يدري آنه آنآ ويطلع بسرعة ويتعلق بآلقفص ويطلع آصوآت ^^
عشآن كذآ آنت عوّده على آسمه عشآن تنآديه به ويجيك ويطلع عليك

وعآدي آنك تطلعه من بيته ، بس بهدوء وشوي شوي عشآن لآ يخآف ، وطبيعي يكون آلوبر متوتر في آيآمه آلـآولى في آلمكآن آلجديد

وآذآ بغيت تشيله وتحمله ، آحمله بهدوء ولآ تسوي حركآت مفآجئة وسريعة

ودآئماً حطه في حضنك وقدم له آلـآكل آلمفضل له بيدك وآمسح عليه ، وكل مره تجي تعطيه آكل نآده بِ آسمه

وآنصحك مآتطلعه من بيته كثير عشآن يتمشى بغرفتك

لآن آلوبر عآدة مآيحبون يطلعون من بيتهم ، حتى لو كآن آلبآب مفتوح لهم

.
2- بخصوص الاكل هل هو مشابه للهامستر بخصوص مره بالاسبوع جبن وبياض بيض وعسل وكده ؟
ولا في اكل مسموح للهامستر وممنوع للوبر

لآ ، آلوبر يختلف عن آلهآمستر في آلتغذية ، تغذيته مثل تغذية آلـآرنب تقريباً

قدم له 3 وجبآت بآليوم تحتوي بشكل آسآسي ورئيسي ع آلخضروآت ، خصوصاً آلفلفل آلبآرد

وآلبقدونس وآلخيآر وغيرهآ من آلخضروآت آلي تحتوي على فيتآمين سي . .

وشي زين لو تقدم له آلفوآكه آيضاً . .

ومع هآلخضروآت قدم له آلآكل آلخآص آو آلبرسيم آلجآف آو آلخبز

وعآدي يعيش آلوبر كم يوم على آلخضروآت فقط ، لأن هذآ هو غذآءه آلـآسآسي وآلطبيعي

.
3- الخضروات متوتر منها بخصوص فيتامين سي لان لما اقدمها ماشوفه ياكلها واجد وشنو تنصحوني اقدمها بشكل مقطع صغار او قطعه وحده كبيره والخضروات تكون بالقفص علطول واخليي غذائه الخاص اقدمه على شكل وجبتين ولا شنو ؟ والخضروات الي عندنا الي اقدمها له بشكل يومي هي ( طماطم-خيار-جزر-فلفل اخضر بارد) وكلها فيها سوايل معدا فلفل فاخاف انه يصاب بالاسهال وخصوصا انه يشرب موي شنو رايكم هو مايصاب بالاسهل بسرعه ولا اروح سوبر ماركت اشتري خضروات خاصه فيه.


آلـآجآبة تلقآهآ على آلسؤآل آلي قبله ،

ولآ تخآف ، آذآ قدمت له آلخضروآت بآلتدريج لآنه رآح يكون مآتعود عليهآ مآرآح يصآب بآلـآسهآل ، لآنهآ هي غذآءة آلآسآسي

وهذآ آلموضوع رآح يفيدك بخصوص نقص فيتآمين سي

http://www.2zoo.com/vb/showthread.php?t=231681


.
4- الوبر محطوط بغرفه نومي هل هذا شي حلو بخصوص انه يكون حولي وامي ماتبي تشوفه لكن افلته بغرفتي وعلى سريري فانا اكثر شي ادخل عليه تقريبا جلوسي معاه يعادل 3ساعات تمام كذا ولا احطه بمكان اكثر ازعاج.

مثل مآذكرت لك سآبقاً ، يفضل آنك مآتطلعه من آلقفص كثير

و3 سآعآت لو كآنت مو موزعة ع آليوم كله فَ هي شوية ، آلمفروض تكون موزعة ع آليوم كله

آلوبر حيوآن مرآ مرآ آجتمآعي ، ويعيش في جمآعآت ، ويحس بآلوحدة بسرعة

خصوصاً آلصغآر آلي مثل حقك آلي مآوصل لِ سن آلفطآم ، آكيد آنه يفتقد آمه . .

آنصحك تجيب وبر ثآني ولو مآتبغى وبر ، يصلح تجيب آرنب . .

ولو مآتقدر آبداً ، ع آلـآقل خليك دآيم حوله في آلغرفة ويومياً آحمله وآمسح عليه ونآده بِ آسمه بلطف عشآن يتعود على صوتك

ولمآ يكون في سن آلآعتمآد على آلنفس بعد شهر آو شهر ونص ممكن تقلل آلوقت آلي تحمله فيه وتكون قربه

.
5- وبخصوص ليتر بوكس عندي سؤالين فيه عشان اعوده عاليتر بوكس لازم اشيل برازه وحطه بالليتر وانتم بكرامه صح ؟

آيوه صح . .

هو اكثر شي يسويها بليتر بوكس الحمدلله بس لما ادخل غرفه ينحاش فيطير البراز شي يقهر بصراحه فهل لازم ارد البراز مره ثانيه مكانه ولا خلاص

آلوبر عندهم مشكلة صغيرة ، وهي آنهم فوضويين ، ودآئماً يحوسون آلقفص وينثرون آلآكل ومن كذآ

وآنآ آنصحك ترجعه لليتربوكس وآنت بكرآمة ، لآن هآلخوف هو مجرد فترة وتعدي

ولمآ يتعود آكثر مآرآح يهرب بهآلسرعة ويحوس آلقفص بِ طريقه . .

وسؤالي ثاني الحين الوبر يبول ؟!!!! هههههه

آكيد ^^

لان من جد احطه بسريري ساعه بس يتبرز مايبول !!
وانا محاط ارضيه القفص فوطه وراح اسئل عنها اشم الفوطه مافي بول وانتم بكرامه وصحته تمام تمام !!!!!!

آلوبر صغير بآلعمر ، ويمكن يتبول كميآت صغيرة لدرجة آنك مآ تلآحظهآ

وآيضاً آلوبر مآ يقضي حآجته بمكآن غير آلقفص وخآصة آلليتر بوكس عشآن كذآ مآشفت شي على سريرك

.
6- سؤال انا محاط ارضيه القفص فوطه و عندي فوطتين للقفص بحيث كل يومين فوطه وحده مره وجها ومره قفاها يعني اليوم الثاني اقلب الفوطه الي تحت فوق ولي فوق تحت هل هذا صح ؟
وبعد يومين اغسلها و ابحط ثانيه وكمان يومين مره وجه ومره قفا .
وذي صوره القفص حطيت الجدار حد للمكان وحدود الجوانب كوميدينت غرفتي وقفص الهامستر فكيت من السقف وخليته حد وحطيته وربطت فيه مشربه وبطنته بالفوطه اساس ماتتعور رجوله من الحديد صح شغلي ؟ طبعا هو مايطيح القفص لانه موب فضوليي وهذا شي طمني عكس الارنب وكيف حجمه مقارنه بوبر صغير؟ مع العلم اني اطلعه كل يوم


بآلعكس آلوبر حيوآن فضولي جداً ، لكن خوفه يغلب على آلفضول

ومثل مآذكرت لك ، آلوبر مآيحب يطلع من قفص كثير خآصة لو كآن آلقفص كبير ومريح وكل شي متوفر فيه



.
ودي صوره وبري لاحظ كيف نثر البراز مين ليتر بوكس ولعب بالاكل

.
ودي صوره بكانون
.
.


بآلنسبة للقفص ، فَ شغلك حلوو

لكن وبرك رآح يكبر ، وفضلآته رآح تكثر

لذلك آنصحك بأقفآص آلبلآستيك وآلنشآرة ، لآنهآ آنظف ، وآسهل بآلتنظيف وآلترتيب


وهذي صورة لنفس قفصي ، آربي فيه وبر وآرنب آنجورآ ، وآلحمدلله مكفيهم

وسهل بآلتنظيف وتصميمه منآسب لهم






اخر سؤال واخيرا
الحين عادي اطفي لمبه غرفني ولا اخليها لاني اخاف مايشوف فيخترع مع الاصوات
ولا عادي اطفيها

لآ عآدي طفهآ ، هو آسآساً يعتمد على حآسة آلسمع وآلشم

ومآرآح يخآف آن ششآء آلله

وشكرا شكرا شكرا شكرا
واسسسسسسسسسسسسسسسسسسسسسسسسسف
على الاسئله الطويله الممله

عفواً

وآذآ عندك آستفسآرآت آخرى ،تفضل =)

[محبه الحيوانات]

قفصه غير مناسب ابد مع كبيره رح تكثر فضلاته ويوسخ مكان ويطلع رايحه

جيب قفص بلاستيك وفرشه نشاره خشب