ساعدوني

[الماسيــــــــــه]

كلبي الجيرمن عمره سنه
لاحضت لما احد غريب يمسكه ويمسح ع راسه فجأه يتبول !!!!!!!
ولما الغريب يحاول انه يبتعد عنه بعد ملامسه راسه فجأه (يهجم عليه ويعضه)!!!!!!!
واذا وديته البيطري الطبيب يحاول انه بفحصه لأي سبب كان يتبول 3 الى 4 مرات بنفس الوقت
أرجوكم ساعدوني

[عاشق الكلاب و القطط]

اخي اولا لازم اول ما تطلع الكلب تقف بيه علي جنب لمدة نصف ساعة حتي يتبول وبعدها جرب تجيب الشخص الغريب

[ibrahim sherif]

المفروض النزهة تكون يوميا ليشوف الكلب الناس ويتعرف عليهم

وغير هذا ﻻزم يكون الكلب اتم تدريبات الشراسة و الطاعة

[ابن سورية]

صحيح كلام اخي ابراهيم الكلب بحاجة لتدريبات الطاعة وتدريبات زرع الثقة بالنفس هذا الامر يدل على خوف لدى الكلب وعدم ثقة بنفسه ولكن بالتدريب مع الصبر تنحل المشكلة

[الماسيــــــــــه]

اوك انا بنت مؤ ولد بس انا مدربته بنفسي على
ست
سلام
داون
داي (موت)
داي بعدين (انقلب)
بعدين ينقلب الجهه الثانيه
بعدين اب خفيفه
وأب الطويله up up
مع السلامه: تدريبي الخاص ب 3 كلاب
مثلا كان ماسك شي واقوله مع السلامه!! يهد اي شي بيده عشان ايييني
مثلا ياكل او راح مسافه بعيده واقوله مع السلامه يحاول باي طريقه ان يركض اقصى سرعه عشان يوص لي
بس كذا مره حاولت اعلمه come بس مؤ راضي يتعلمها حاولت بالمكافأات مافاد ولما اقوله تعال عباله العب معاه ينحاش ع لعب
أخذ المكافأة بيدي واقوله تعال بس ماايي يحاول يلعب
هاذي تكلمت عن الطاعه...

الحين الشراسه ' الحراسه ' الحراسه الشخصيه ' الهجوم
الشراسه وايد شرس ع الغريب اذا استفزه وع الحيوانات الثانيه و القطططط!!!!
الحراسه كذا مره احد يدخل البيت وانا مادري ف اهو ينابح واعرف ان احد اهنيه
الحراسه الشخصيه عادي اي احد يقرب يمي بس بحدود!!!! اذا حس ان فيه شي يهجم
سويت مره اختبار قلت حق الخدامه تعالي وسوي نفسج تبين تطقيني وانا كلبي يمي
مربوط بليش
فلما تحاول تطقني اعطي الكلب امر اتاك (اهجم)
وعن الهجوم طبعا اخلي الخدامه تتمسك اي شي من مسافه بعيده واعطيه امر اتاك ف يروح يهجم ع الشغله الي ماسكتها

بس انا استغربت ان كل هاذا فيه مدرب
وفيه (حاله نفسيه)
مثل ما قالي طبيب
قالي اكيد حاطته بقفص !!!
الجواب حيرني !!
يعني اذا ماحطيته بقفص وين احطه!!؟!؟!؟
وبعدين الشغله الثانيه مرات عنيد والجأ للضرب!!!@@&£
مؤ عادتي أني أطق حيوان مهما كان روح وتحس
بس هاذا يخليني غصب اطقه
مثلا ماسكه الهوز أغسل القفص ماله ايي يحاول يسحب الهوز الماي مني
اهد الهوز يهده ويشوفني لما أخذ شي ثاني عشان يسحبه!! مادري شسوي
ومرات يسوي أشياء غير مستحبه او غلط !!! اقوله ايناف خلاص مايسمع مرات بهل حالات ألجأ للطق
ادري ماراح اييب نتيجه بس تعبت اقوله بس بس مايسمع
والله وايد متضايقه ع هل شي وودي اطلعه بس مؤ كل يوم وماااقدر
ف اخليه يلعب بالحوش ودي اوديه لمدرب بس اسعارهم مبالغ فيها
قولولي شنو الحل انا تعبت؟
وآسفه ع الاطاله