الحقوني قطتي مزكمة

[ahmadsz]

بداية الموضوع اعرفكم على سوزي قطه انثى بيكي فيس عمرها سنتين لها 10 ايام عندي
القطه بكر يعني لو فيه فحل يجيبه الشهر الجاي لانها دوبها مغلقه فترة الشبق

المهم القطه دي ذبحتني ما تاكل بس قليل يعني وجبه في اليوم وتكون قليله حتى الحمام وانتم بكرامه دايم القى لها بول لكن براز في اليوم مره واحده و احسه مره ناشف حتى مره برزة بس حبتين مدري طبيعي كدا المهم احسها ما تاكل

انا الاكل عندي رويال كانون وانا عايش لحالي يعني ما اطبخ وبس عايشه على رويال كانون Fit 32
افكر دحين اشتري نوعين و اخلطها او ثلاثه يعني ثلاثه من رويال كانون بس تختلف مدري ينفع ولا لا
انا فكرت في الزبادي فتره بس المشكله اشتريت واحد و فتحته و صرت احط لها ملعقة وحده بس ما تخلصها تلحس لها شويه و تمشي بطلت دحين و الحليب لقيت موضوع بينصح انو ما اعطيها
ان شاء الله يكون فيه اخصائي تغذية يفيدني في الموضوع دا


المهم دي مره نحيييفه و كمان شعرها بيتساقط و عينها دايم فيها سوائل و مزكمه و احيانا تلهث
طبعا مزكمة و عينها فيها سوائل من اول ما جات بس دوبي الاحظ عليها تلهث
احس قلبها ينبض بقوه او عشان التنفس عندها بصعوبه دايما منسدحه على جنبها ورجلها ممدوده وعينها نص مفتوحه حالتها تحزن و صعبه مره و كذا تحسها تنتفخ و تنحف مدري يا ليت احد يساعدني في الموضوع دا

انا قبل 3 ايام طعمتها رابيس و اللوكيميا و قال لي الرباعي مو موجود في جده دحين و اللوكيميا ما يحتاج تنشيط جرعه و حده بس
يعني راعيها قال ما قد تطعمت وانا قلت بطعمها دخت كل مكان القى كلام و البيطري يقول كلام و الموضوع اللي في المنتدي مو واضح
لما اروح للبيطري يقول فيه تطعيمه للزكام و البراغيث مدري الحشرات و ما قد شفت موضوع يذكر الكلام دا بس التطعيم اللي اعرفها 3 / الرابيس و الرباعي و اللوكيميا طبعا دي اخذتها من هنا من المنتدي

الله يوفقك اللي يقدم لي المساعده انا من جد خايف عليها لان فيه مواضيع تفجع الواحد احس سوزي راح تموت

[ahmadsz]

كمان بتهرش عند اذنها و تطلع صوت مواء مدري فيها براغيث كدا صح

[ahmadsz]

انا بعد التطعيمه البيطري قال قفل المكيف ومن يومها و المكيف مطفى تعذبت
يعني شعرها كثير مو معقوله المكيف راح ياثر و اعيش بدون مكيف خلاص

[Octopus]

الصراحة اول شي قطتك تعاني من الزكام و الاعراض وطرق العلاج موجودة في الرابط

http://www.2zoo.com/vb/showthread.php?t=314808


طيب ليش ما تحاول تسوي لها اكل يعني مثلا لحم مخلوط مع الجزر وغيرها بدال الدري فود

بدال الدري فود لانه ما ينفع حاليا

و بالنسبة ل اللبن و كافة منتجوته لو مثلا زيادتها ما تنفع لانه يصير بلاوي مثل الاسهال وغيره

و المشكلة ان قطتك تعاني من البراغيث

[ahmadsz]

مشكور حبيبي ع الرد السريع

يا ليت شرح لمشكلة البراغيث

و بالنسبه للحم مع الجزر انا لحالي عزابي بدون مطبخ فيه اكل اشتريه غير الدراي فود واحسن منو
يا ليت تفيدني ف النقطه دي لان ابغى انوع لها في الاكل بس ما عندي غير الدراي فود

موضوع الزبادي و الجين انا بقرى مواضيع كثير بيقولو انها كويسه للقطط ما ادري ؟؟؟؟

بالنسبه للزكام انا حاط المكيف ع المروحه من 3 ايام و اليوم اشتريت منظف اذن و فيكس
و نظفت عيونها بالمنظف الاذن و المويه صح نظفت شويه المنطفه و تزلت كتل سودا لكن ما احسها نظقت مره باقي فيه اشياء قاسيه مو راضيه تخررج و الشعر صار قاسي في المنطقه تحت العين و بين الانف و العين و تحت الانف و بالنسبه للبخار سويت لها بالفيكس بخار مويه معاه فيكس بس دقيقتين و سوزي اعلنت حرب معايا وما قدرت اخليها تقعد اكثر من دقيقه فكيتها عطست مرتين و مشيت و بعدها صارت فاتحه فمها و مطلعه لسانها و تطلع صوت زي الشخير ما ادري بسبب الفيكس و لا بسبب الزكمه مو قادر يتنفس من خشمو المهم الحركه دي سواها شويه و وقف

[Octopus]

المشاركة الأصلية كتبت بواسطة ahmadsz

مشكور حبيبي ع الرد السريع

يا ليت شرح لمشكلة البراغيث

و بالنسبه للحم مع الجزر انا لحالي عزابي بدون مطبخ فيه اكل اشتريه غير الدراي فود واحسن منو
يا ليت تفيدني ف النقطه دي لان ابغى انوع لها في الاكل بس ما عندي غير الدراي فود

موضوع الزبادي و الجين انا بقرى مواضيع كثير بيقولو انها كويسه للقطط ما ادري ؟؟؟؟

بالنسبه للزكام انا حاط المكيف ع المروحه من 3 ايام و اليوم اشتريت منظف اذن و فيكس
و نظفت عيونها بالمنظف الاذن و المويه صح نظفت شويه المنطفه و تزلت كتل سودا لكن ما احسها نظقت مره باقي فيه اشياء قاسيه مو راضيه تخررج و الشعر صار قاسي في المنطقه تحت العين و بين الانف و العين و تحت الانف و بالنسبه للبخار سويت لها بالفيكس بخار مويه معاه فيكس بس دقيقتين و سوزي اعلنت حرب معايا وما قدرت اخليها تقعد اكثر من دقيقه فكيتها عطست مرتين و مشيت و بعدها صارت فاتحه فمها و مطلعه لسانها و تطلع صوت زي الشخير ما ادري بسبب الفيكس و لا بسبب الزكمه مو قادر يتنفس من خشمو المهم الحركه دي سواها شويه و وقف

هذا موضوع يتكلم عن البراغيث في القطط و احتمال 12 % انه فيها
http://www.2zoo.com/vb/showthread.php?t=138306

و المهم اقطع عنها الدري فود حاليا لحتى ما تشفى من الامراض
و ماتعطيها منه و بالنسبة ل اللبن يفضل ان يكون خالي من الالكتورز و قليل الدسم

و تقدر تسوي اكلات موجودة في الرابط

http://www.2zoo.com/vb/showthread.php?t=85495


و الافضل انك تدور بيطري اخر او مستشفى بيطري

[بسبس مياو]

القطة محتاجة عناية وبصراحة مش حاسة انك ممكن تعتني فيها
ابسط شي انك تسلق لها دجاج وتعطيها وانت تتعذر انك عزوبي!!!!!!
مافي شي اقدر اقوله لك الا ان القطة هذي روح وانت مسؤل عنها واذا مفكر انك تتاجر من وراها
فعلى هالحال القطة ماراح تكمل عندك ...
الجو هالايام حلو مافي داعي المكيف اصلا والمروحة تزيد الزكام
روح البيطري وجيب مضادج حيوي اسمه بيتاموكس وعطيها ملئ القطارة كل 12 ساعة
واستهدى بالله وقفل المكيف خالص....
البيكي فيس صحيح غالي وشكله حلو بس يحتاج عناية اكثر من غيره....مسألة الدموع هذي في كل النوع هذا
والشي القاسي اللي تحت عينها وفي انفها كمان يصيب البيكي فيس من قلة النظافة بس كل شخص واهتمامه بالقط
يبيلك تنظفها دايما حول عينها بالمويه الدافيه وتعود على هالشي
شعرها الطيل يبيله تمشيط يوميا علشان مايتشابك وتجي تحته الحشرات
حاول تخفف شوي من شعرها (مش حلاقة) قص بالمقص وخصوصا حول المؤخره علشان ماتعلق الفضلات
ومعليش اتحمل منظرها مش حيصير حلو مرره
الدراي فود هذا مش اكل اصلا هذا مكمل غذائي ..انت تقدر تعيش على حبوب الفيتامين طول عمرك؟
لازم القطوة تاكلاكل طري...القطط الله خلقها ماتشرب كثير بس تعوض المويه عن طريق الاكل الطري زي اللحوم
والدجاج ...بس انت بطريقتك تلاعبت بجسمها وتركيبته وحرمت جسمها من الشي الطبيعي اللي ربي خلقها عليه....برازها ناشف من الدراي فوود وبعد فترة ماراح تتبرز خالص وبيصيبها امساك مزمن وماله علاج
وراح يتجمع فتافيت الدجراي فود في مثانتها وتسبب انسداد ....ارحمها الله يرحمك وعطيها اكلها الطبيعي
خذها للبيطري يفحص اذنها يمكن فيها فطريات ويشيك على جسمها لا يكون فيها براغيث

المهم الحين جيب البيتاموكس وعطيها....واذا ماتاكل نهائي لاااازم تروح البيطري يعطيها مغذي في الوريد
لأن القطة كذا بيصير معها جفاف.....واشتري محلول الجفاف بيبي لايت من البشرية(بدون نكهات) وعطيها بالسرنجة كل ثلاث ساعات (املأ السرنجة) اللي هي الإبرة بدون السن ......
قطوتك فيها كذا بلى ولازم تستعجل لأنها بدأت تتنفس من فمها يعني حالتها صعبة ..دفيها كويس وعطيها زبادي بالعسل لو ما اكلته عطيها بالسرنجة.....والدجاج لو ما اكلت اطحنه مع الخضار وعطيها بالسرنجة مع اني متأكدة ان ماعندك فرامة

[فاتـــو]

اهلين اخوي



اول شي بخصوص التغذيه والامساك اللي عندها هو بسبب الدراي فود بلا شك

وهي محتاجه اكل مسلوق يعني لازم لك بوتجاز مايصلح ابد تعتمد على الدراي فود والا بتموت من جفاف الاكل !!

بالنسبة للزكام قيس حرارتها ومبدئيا هي محتاج مضاد حيوي ايموكس من اقرب صيدليه

عطه منه 2 مل كل 12 ساعة لمده خمس ايام

لازم تشوف الحراره علشان اذا كانت مرتفعه اكتب لك على خافض

بصراحة اشوف ماكان في داعي ابد للتطعيمات دامها ماخذتها وهي صغيره وشوله تبهذلها بضرب الابر

وبعدين وش ابره البراغيث والزكام اللي اعطاها اياه !!

هو اعطاك جدول تطعيمات ولا يعطيها ابر من نفسه !!

كل الحاله الصعبه اللي هي فيها بسبب الابر اللي اخذتها والله اعلم كانت تصلح لها ولا لا

المهم انت شوي اللي قلت لك عليه بخصوص المضاد الحيوي وقياس الحراره ولااازم لها اكل مسلوق خضار ودجاج

وخلي جنبها صحن المويه بشكل دائم ..

في انتظارك ..