ساعدوني الكاسكو شهرين على هالحال

[ام ماجد]

السلام عليكم اخواني
اتمنى مساعدتكم حالة ببغائي متعبتني

اللحين الجو حار جدا وكل ما اشغل المكيف واقول خلاص اكيد انه حاس بحر
يجيه زكام وتلتهب عينه
الزكام من شهر مافيه وعينه مستمره
وانا مستمره تقطير من التيلان يخف يومين واترك العلاج
ويرجع وارجع اقطر واحط له بالمويه

احس اضعفته الادويه
شالحل تكفوووووون .. عينه مب راضيه تخف يومين وترجع تنتفخ وارجع اقطر شسوي
لأن التايلان بالعين يخففها الاحظ

حتى جسمه هزيل اللحين من شهرين استخدم التايلان بالمويه اسبوع واسبوع لا
وعندي فيتامين استخدمته ثلاث مرات خلاص هالشهرين


ساعدوني الله يسعدكم

[aburagad123]

وعليكم السلام

مبدأياً اختي اعطيه خلطة العصير بالليمون
3 فصات ثوم + نص ليمونه + تخلط في 1 لتر ماء .. وتترك لـ 6 ساعات
وتقدم في المشربية
وأبعديه عن تيارات الهواء .. خليه في غرفه او صالة درجة حرارتها معتدلة من الـ 24 إلى 27 درجة

موفقه

[aburagad123]

من العيادات البيطريه احضري (spectoline) سبيكتولين
بأبره الأنسولين اسحبي الين رقم 5 او 50 حسب نوع الأبره وخليها بمشرب الماء وغيريه كل 24 ساعه
تقدم من 5 إلى 7 أيام على حسب حالة الطير بالنسبة للعلاج
وفي حالة الوقايه تقدم مرتين في الشهر

وبعد كذا قدمي له ماكسي فورت MAXIFORT فهو من افضل الفيتامينات للوقاية

بالتوفيق

[aburagad123]

وبالنسبة لإلتهاب العين قدمي له
(Terramycin) التيراميسين وهو مرهم يوضع للعين
يوضع المرهم في العين وتحت الجفن مرتين في اليوم لمدة اسبوع
ويفضل قبل النوم

أسأل الله الشفاء العاجل .. موفقه

[ام ماجد]

انا احس العلاجات تعبته

بسوي الطبيعي الاول وان شاء الله يفيد

وانتظر نصائح زياده

[aburagad123]

ام ماجد .. العلاجات إذا قدمت بالطريقة الصحيحة مالها تأثير سلبي

الله يشفي طيرك .. باالتوفيق

[عبدالعزيز14]

نفس حالة ببغائي
الله يكون بالعوون

[بلاك بيري]

ماشاء الله عليك ابو رغد ما خليت لنا مجال نقل شي غطيت وكفيت ووفيت

وياليت صوره لعين الطير بارك الله فيكي اختي الفاضله

[aburagad123]

حياالله دكتور بلاك .. انت المدرسة ونتعلم منكم .. وكل ما نقلته من مدرستك حبيبي
اشكرك على الاطراءه الاكثر من رائعه

[ام ماجد]

التهاب العين وانتفاخ مابين العين والمنقار في المنطقه البيضاء
تخف العين وتبقى هالمنطقه منتفخه وترجع العين تلتهب وهكذا