مشكلة ملحة لاطعام القطط الجائعة

[Abu mazen]

السلام عليكم و رحمة الله
اقضى وقتا طويلا خلال الشتاء في منتجع ساحلى ، القطط في المنتجع شبه برية و تأكل في الصيف أثناء وجود المصطافين من فضلاتهم أو ما يجود به اصحاب القلوب الطيبة و الاطفال ، طبعا في الشتاء لا يجدون من يطعمهم فيموت بعضهم من شدة الجوع - شاهدت ذلك - بعدها بدأت اخرج للقطط بعض الطعام من عدة اسابيع مضت - من ورا كلبي - و في البداية كانوا قطتين أو ثلاثة ، لكن رائحة الطعام يبدو انها جذبت الباقين ، حتى وصل العدد لحوالي 20 قطة مختلفة الاعمار و الاحجام يأتون إلى باب المنزل وقت المغرب و تعلوا اصواتهم طلبا للطعام و بعضهم استوطن حديقة منزلى الخلفية ، ليلا و نهارا ، و اصبحت كمية الطعام التي اعتدت اخرجها قليلة بالنسبة لهذا العدد الكبير .
لا دراية لي بنوعية الطعام المناسب اقتصاديا و لا يضر القطط ، فما هو الطعام المناسب لهذا العدد المتزايد .

[شاهستا]

اهلا بيك

حضرتك ممكن تجيب عيش وتقطعه و تحط عليه ماكريل او تونه

او عيش مقطع بردو او رز او مكرونه و تضيف عليها اي حاجه
بيض مسلوق، تونه، جبنه نستو، لحمه مفرومه، دجاج متقطع،
كبد دجاج
ممكن تجيب دراي فود وتفرمه و تحط علي العيش او الرز او المكرونه

انا بعمل كده لقطط و كلاب الشارع
طبعا اعدادهم.كبيره ف ده انسب اكل ليهم و بيشبععم
و متنساش علبه كبيره حط فيها مايه

وبشكرك لانسانيتك و يارب يكونو سبب ف دخولك الجنه

[Abu mazen]

اللهم آمين ، و تكون كلماتك و نصيحتك في ميزان حسناتك و يدخلنا الله بها الجنة .
مشكوره على الرد السريع ، فهمت ما تقصدين تماما ، لكن ما عندي أي فكرة عن الكميات ، فكلبي الروت وايلار يأكل كالأسد و بكميات كبيرة تناسب حجمه . فكيف أعرف الكمية المعقولة من الطعام لتلك القطط ، يعني القطه الواحدة تأكل من هذا الطعام الذي شرحتيه كم جرام تقريبا ؟؟؟
100 جرام مثلا ، يعني لو 20 قطه يكفيهم 2 كيلو من هذا في اليوم ؟
اكرر شكري و تقديري على الدعاء و الرد المفيد

[شاهستا]

اعتقد اه هتكفيهم يعني القطه تقريبا بتاكل نص رغيف عيش
و لو رز او مكرونه اتنين كيلو ونص او تلاته تقضيهم ان شاء الله
ياريت الناس كلها تعمل زيك
مكناش هنشوف حيوان ضعيف جعان

[Abu mazen]

المشاركة الأصلية كتبت بواسطة شاهستا

اعتقد اه هتكفيهم يعني القطه تقريبا بتاكل نص رغيف عيش
و لو رز او مكرونه اتنين كيلو ونص او تلاته تقضيهم ان شاء الله
ياريت الناس كلها تعمل زيك
مكناش هنشوف حيوان ضعيف جعان

و جزاك الله كل خير عنهم و بأذن الله لك نصيب وافر في هذه الرحمة بتلك الحيوانات المسكينة ، فمن لا يرحم لا يُرحم . خالص شكري و تقديري .

[Abu mazen]

المشاركة الأصلية كتبت بواسطة شاهستا

اعتقد اه هتكفيهم يعني القطه تقريبا بتاكل نص رغيف عيش
و لو رز او مكرونه اتنين كيلو ونص او تلاته تقضيهم ان شاء الله
ياريت الناس كلها تعمل زيك
مكناش هنشوف حيوان ضعيف جعان

اليوم لقيت 8 قطط وقت الغدا اعطيتهم 4 أرغفة مقطعين صغير و عليهم علبة تونة و لخبط كله على بعضه ، شكلهم شبعوا ، وفي أقل من دقيقة كان الطبقين نظاف تماما ،
جزاك الله خير على ارشادتك و انك نبهتيني أن أضع لهم إناء به مايه .
سؤال عام لك و لأصحاب القطط ، هل القط يأكل طفاسه ؟ اقصد حتى لو شبع سيأكل اكثر من حاجته ؟ و لا القطط الجوعى بتاعة الشارع ليست مقياس لأنها لا تجد الطعام الا بصعوبة ؟
و سؤال آخر ، هل القطة تأكل مره واحدة في اليوم في الظروف العادية ؟
سأحول تصويرهم أثناء الاكل و اضع الصورة غدا بأذن الله .

[شاهستا]

تسلم ايدك :-)
والف هنا علي قلبهم
لا مش هياكلو اكتر من حاجتهم
اول ما هيشبعو هيسيبو الاكل

بخصوص كام مره
علي حسب امكانياتك لووهتقدر تاكلهم مرتين يبقي كده انت اكرمتهم
لو مش هتقدر يبقي مره او ممكن تعمل زيي
بحطلهم كميه كبيره تكفيهم طول اليوم

[Abu mazen]

المشاركة الأصلية كتبت بواسطة شاهستا

تسلم ايدك :-)
والف هنا علي قلبهم
لا مش هياكلو اكتر من حاجتهم
اول ما هيشبعو هيسيبو الاكل

بخصوص كام مره
علي حسب امكانياتك لووهتقدر تاكلهم مرتين يبقي كده انت اكرمتهم
لو مش هتقدر يبقي مره او ممكن تعمل زيي
بحطلهم كميه كبيره تكفيهم طول اليوم

الله يهنيك بدنياك و في الآخرة أكون و إياك من عباد الله المقربين
جزيل شكري على اهتمامك ، و الأمور ماشية معاهم لكن بعض القطط بدأت تألفني و بعضها بري و شرس جدا يصدر صوت بين الفحيح و الزمجرة بنقول عليه القطه " بتبخ " كلما رأني و يكاد يهجم على الطباق ، هل هذا بسبب رائحة كلبي التي ربما تكون عالقة بيدي أو ملابسي ؟؟
ساحاول وضع صورة لبعضهم ممن تجرأ و اصبح يصل حتى الباب
http://www.2zoo.org/uploads/14181243351.jpg
و صورة اخرى اثناء اكل بعضهم لاني احاول وضع اكثر من طبق لاني لاحظت ان الأقوى يمنع الاضعف من الأكل
كده زي ما هو باين في الصورة دي :
http://www.2zoo.org/uploads/14181248291.jpg

[Abu mazen]

الصورة الثانية السابقة الرابط ليس تمام
ده ان شاء الله شغال
http://www.2zoo.org/uploads/14181248291.jpg

[شاهستا]

ماشاء الله قمرات :-)
هي بتبخ عشان خايفه بس ومش واخده ع الناس
او اتعرضت لموقف وحش من بعض الاشخاص المرضى نفسيين

اكييد لازم توزع الاكل علي كذا طبق او ورق حتي

ولوو حابب القطط تفضل موجوده عندك
اوو لو هي فعلا بتبات عندك
حطلهم كرااتين ينامو عليها
او كراتين افتحها من ع الجنب وهما هيدخلو ينامو جواها وتبقي رحمتهم كمان. من البرد