●ْ [ العنـاية بقط رضيـع ] ْ●

[sisi_moon]

كثـيرا منا قد رأى قط رضيـع .. جائـع .. بلا ام ترعاهـ او مأوى يأمن حياته حتى انه لم يفتح عينيه بعد .. في اثناء رجوعه للمنزل او خروجه منه

وبعضنا من يشفق على حاله ولكن تعيقه ظروف فلا تكون عنده القدره على عمل اي شي وبعضنا يشفق عليه ويأخذه ليوفر له كل سبل الراحه والصحه .. وبعضنا لايبالي به .. حتى انه لايشفق

موضووعي موجه لذوي القلوب الرحيـمه .. وأيضا للمربين الذين توفيت قطتهم اثناء الولاده او بعدها

لان كثيرا منهم يشفق على هذا المخلوق لـكن .. لاتتوفر لديه الخبره والثقافه بما يخص هذا المخلوق فـ ممكن من شفقته عليه يقضي عليه

أولا راح اتكلم عن المكان المناسب لهذا المخلوق

يجـب ان يكون المكان .. آمن .. دافئ .. هادئ .. نظيـف .. مريح

مثلا أي غرفه في المنزل تتوفر فيها هذه المواصفات .. حتى لو كانت غرفه نومك

وأيضا المكان المخصص للقط في داخل هذه الغرفه يجب ان تتوفر فيه نفس مواصفات الغرفه نفسها

ومن الاشياء الي تناسب لمسكن القط ..

سـله مفروشه او صندوق واسع مفروش بمفرش ناعم ودافئ

بيت خاص بالقطط مثل هذا البيت الجميل

أقلهـا ( كرتـونه ) مفروشه بمفرش ناعم ودافئ ( وماظن هالشي يعجز عنه أحد )

ثانيا : النـظافـه

بالطبع لما تجيب القط من الشارع راح يكون متوسخ . لكن حذاري حذاري من التحميم .. القطط بهذا العمر تكون مناعتها جدا جدا ضعيفه وممكن أقل شي يقضي على حياتها

فـ إيش الحل .. ؟

نجيب فوطه .. ونبللها شويه بماي دافي .. ونمسح بها القط .. ونظل نمسح مره ومرتين شويه شويه الين نشوفه نظف من الغبار وكل شي موسخه ( وبعد هالخطوه سكر النوافذ واي مكان ممكن يصدر هواء منه خوفا على صحه الصغير وهو شبه مبلل الا اذا انت نشفته تمام بفوطه ثانيه جافه )

الحين القط صار نظيف والمكان صار جاهز وبرضو نظيف .. لكن المكان مراح يظل كل يوم نظيف

فـ يلزمك تغير المفرش الي تحت القط يوميا او كل يومين بالكثــير .

يعني خلي عندك عدد من الفوط او المفارش عشان لما يتوسخ واحد يكون الثاني جـاهز ونظيف

وأيضا لما تلاحظ وسخ عالقط .. كرر خطوه المسح بالفوطة

ثالثا : التدفئـه ووسائلها

ذكرت في الاعلى ان من شرط المكان المتواجد فيه القط يكون دافي

يعني التكيف مايكون شغال .. الا بأيام الصيف الحاره .. يشغل لكن بدرجه بروده بسيطه جدا ومايكون الهواء مباشر على القط . بس اذا المكان كان مكتوم شوي تفتح النافذه

اما اذا كان بفصل الشتـاء ..

يلزمك وضع مدفئه

لكن مو قريبه من القط كثير .. لان الحراره الزايده أيضا تأذيه

نحطها بمكان بعيد شويه عن القط

وممكن أيضا وضع قربه او علبه بلاستيكية مملوءه بماء دافئ جدا ( دافئ وليس حار ) ووضعها بقرب القط .. عشان كل ماحس بالبروده يقرب منها ويشعر بالدفا

وفي الشتا والصيف .. لازم يكون تحت القط مفرش عشان المكان يكون أريح و أدفى ^^

رابعا : التغذيـه

طبعا هذا من أهم الأمور الي لازم المربي يهتم فيها

لازم كل 2 - 3 سااعات تقريبا يأخذ القط الصغير رضعه ( خصوصا في أول اسبوعين من عمره ) بعدين ممكن تتأخر في الوقت

الحليب اما يكون حليب خاص بالقطط الرضيعه .. او حليب السعوديه مخفف بمااء وضروري يكون الحليب دافئ مو بارد ولا حار

وابتعدوا عن حليب البقر وغيرو لان توجد فيه مواد ماتقدر معده هالقط الصغير على امتصاصها . وايضا مافيه المواد الي يحتاجها الصغيير بكثره .. مثل البروتين

اما الشيئ المستخدم للرضاعه

اما الرضاعه الخاصه بالقطط

او الأبره او القطره ( لازم وقت الرضاعه بهذي الاشياء ان ماندفع الحليب بسرعه لفم القط .. لا شويه شويه .. عشان مايشرق به او يصير له شي )

ونقطه مهمه فيه كثير ناس يمهلونها وهي وضعيه القط وقت الرضاعه كيف تصير ..؟

شفتوا الصغير لما يرضع من امه كيف تكون وضعيه جسمه ؟

لازم تكون نفسها وقت الرضاعه الصناعيه .

يعني القط نايم على بطنه .. تفادي لدخول الحليب في الرئه الذي ممكن قد يسبب الوفاه للقط

يعني هذي هي الوضعيه الصحيحه

وهذي هي الوضعية الخـــــــــاطئه

خامسا : الإخراج والصحه العامه للقط

القطط المواليد ماعندهم القدره انهم يخرجون فضلاتهم من نفسهم .. لازم لعق الام للمنطقه نفسها حتى تحفز القط للإخراج

طيب الحين الأم ماهي موجوده .

فـ نستخدم قطنه او فوطه او اي قماش مبلل بماء دافئ .. ونقوم بمسح المنطقه الى ان تتم عمليه الأخراج ومن ثم تنظيف المنطقه

اما بالنسبه للصحه العامه للقط .. المقصود فيها لما قطك الرضيع يمرض انت ايش تعمل .؟

اول شي المكان زي ماتكلمنا في البدايه انه يكون هادي ودافي ومريح اما بالنسبه للأدويه .. القطط الرضيعه لازم نكون حذرين جداا وقت اعطائها العلاج . لان مو اي علاج يناسبها
المضاد الحيوي ( بيتاموكس ) او المضاد الحيوي ( دوكسيسيروب ) هم الي يناسبون القطط الرضيعه وقت المرض ( لكن طبعا بجرعه بسيطه جدا " نقطتين تقريبا للقطط حديثة الولاده يعني عمرها اسبوع اسبوعين " )

فـ حاول من تجيب القط عندك .. توفر احد هالأدويه .. عشان لما يمرض ماتنتظر البيطري يفتح وصغيرك يتعذب قدام عينك .. العلاج متوفر عندك

طبعا المضادات الحيويه لجميع الأمراض .. عدا الأمراض الجلديه التي تحتااج لعلاج موضعي . ( تعريض القط لاشعه الشمس الخفيفه مرتان الى ثلاث في الاسبوع تقيه من الأمراض الجلديه )

ـــــــــــــــــــــــــــــ

هذي هي الاشياء الضروريه فقط للقط الى ان يصل لعمر شهر ونصف ويصير قادر على المشي والأكل ( بجانب الرضاعه) وقضاء حاجته بنفسه

سادسا : اكيد فرحتك لاتوصف لما تشوف القط الي اخذته بالأمس وهو شبه ميت تشوفه اليوم يلعب ويجري قدامك

وختاما اتمنى الفكره وصلت مضبوط .. وأعجبكم الموضووع

.
.
.

[قطقوط 07]

مشكورة اختي sisi والموضوع روعة الان انا عندى قط عمره اسبوعان امه توفت بسبب الولادة وسوف اتبع خطوات الرائعة وانشاء الله راح اعرض صورته قريبا

[sisi_moon]

قطقوط 07

العفو خيو

الله يخلي لك الصغييير .. وننتظر صورته

يسلمو عالرد

[قطوتي لوسي]

يسلموو قلبووو على المو ضوع النايس

[sisi_moon]

الله يسلمك ياقلبوو

وانتي الي ردك ناايس

تسلمين

[آنـــــو]

زميلتي الغاليه سيسي

ياسلاااام عليك كفيتي ووفيتي ،، موووضوع الكل يحتاجه

معلومااات وتنسيق رووعه رووعه وأبداع ،، الله يعطيك الف عاافيه ياارب

طبعاً والموضوع مايخلى من الراغ دول

[sisi_moon]

آنونتي ..

تسسسلمين ياقلبي وانتي الي روعه روعه

ههههها طبعا الراغدول شي أساسي في الحياه لازم ينوجد بكل مكان يخصني

فديته ضايف حلا للموضوع

يسلمو عالرد خيتوو ^^

[ابو تريكة]

اموضوع جميل ولاهى بس الفعل سيكون امتع من القراة لا عندما يكون امامك قط صغير عسل بتبقى عايزة تريحيه

[كيوووت]

ماشاء الله موضووووع ولا اروووع
وجداً مهـــــــم
الله يعطيك الف عافيه سيسي
يسلمووو هالدياااات ^_^

[sisi_moon]

ابو تريكة

اي اكيييد الشعور بيكون احلى واحلى مع التطبيق

تسلم خيو عالرد

كيوت

ويعافيج ويسلمج ياقلبووو ..

تسلمين عالرد الحلو