شرايكم في هالحل لمشكلة رفع اذان الجيرمن ..!!

[Abo_fahed]

السلام عليكم ورحمة الله وبركاته ..
شلونكم ان شالله الجميع في احسن حال
كما نعلم ان الجرو تقف اذانه من ثلاث شهور ومافوق والبعض من شهرين بس لو استعملت معاه
طريقة ربط الاذان لجرو عمره شهرين لو استعملتها هل تضر او تاثر علي اذانه ؟ مثل هالصوره :

[jassim99]

اخوي انا اواجه نفس مشكلتك مع الجيرمن عمره 3 اشهر او 3 ونص

و في ناس نصحوني بابره تناخذ ببدايه الرقبه وهي خصيصا للاعصاب من البيطري لكن الصراحه خلت ان يكون لها اعراض جانبيه
حاليا انا مركز عالكالسيوم و اعطيه بروتين مره وحده باليوم اخلطه مع حليب و احس ان في تحسن من البروتين حتى كان ضعيف جدا وحاليا صار تقريبا تمام

عموما على حد خبرتي البسيطه بالي قراته ربط الاذن مع وضع الاسفتج داخل الاذن عشان توقف تعطى للجيرمن بمراحل متقدمه يعني مثلا وصل 7 او 8 شهور و ماوقفت اذونه تقدر تسوي هالحركه

والشباب اخبر مني و بيفيدونك اكثر

[Musab Pro]

اول شي حدد نوع الكلب .. اذا كان من الكلاب اللي توقف اذنه ولا لا

بالنسبه للاخ جاسم .. لا تعطيه ابر ولا شي .

اخوي ربط الاذن بدري عليه ... بعد ما يتم الكلب ٤ اشهر او اربع ونص وما وقفت اذنه

لازم تاخذه لبيطري متمكن يكشف عليه ممكن يكون عنده مرض بالاذن .

واذا تأكدت ان ما فيه شي تربط اذنه في عمر خمس اشهر لمدة شهر .

بالنسبه للكلاب اللي وصلت ٨ اشهر و ما وقفت اذانها ولا اتعمل لها ربط

غالبا لن تقف اذنها .. ولكل قاعدة شواذ .

المختصر المفيد .. لين عمر اربع اشهر لا تقوم بعملية ربط .

تقبل مروري .

[pitbull terrier]

تذكر اخي يوجد فرق بين الربط والقص ..

ثانيا اهم شي قبل الاجابة النوع ..

لان الموضوع كبير جدا والافضل ان تحدد النوعية كما قال مشرفنا ..

بانتظار الاجابة ..

[Abo_fahed]

السلام عليكم ورحمة الله وبركاته ..
اول شي شاكرلكم المرور والرد واشكر لكل من قرأ الموضوع ..
انا كاتب باسم الموضوع لاذن الجيرمن بس الصوره كانت لدوبر مان لان ماحصلت صوره للجيرمن بس الطريقه اهي نفسها وهي ربط الاذن وليس قصها ومثل ماهي موجوده على هالرابط في يوتيوب :

http://www.youtube.com/watch?v=bLX6PIrMN_A

الي بالرابط لكلب جيرمن بس كبير في العمر ..لكن انا اقترحت لو عملت الطريقه مبكرا للجرو لعل وعسا لتقوية الغضروف من الصغر ووقوف الاذان تزيد من جمال شكل الجيرمن ..وبانتظار الردود وشااكر لكم مره ثانيه في المشاركه في المساعدة ونقل الفايدة لي وللجميع

[pitbull terrier]

هلا بيك اخي الغالي ..

ها ها لقد سالت عن النوعية لانه بالفعل لم اعرف ماذا بالضبط تسال عنه ..

لانك في العنوان تقول جيرمن والصورة لدوبرمان ..

فاختلطت الامور عليي ..



المهم يا الغالي ..

بالنسبة للربط وما الى ذلك ..

ادخل الى هذا الموضوع لقد وضعته من قبل و به كل ما تريده

http://www.2zoo.com/vb/showthread.php?t=119939

ثانيا اذا كان كلبك عمره شهرين فلا انصح بذلك ..

نظرا لان كلاب الجيرمن شيبرد احيانا يصل

عمرها ل 4 اشهر بدون الوقوف ..

بعدها تقف الاذن ..

وهذه العملية يتم استعمالها فقط

عندما تنفذ جميع الخيارات من يديك ..

بالتوفيق ..