ابغي منكم حل تكفون

[راعي الرصاصي]

السﻻم عليكم ترى انا يديد في هذا المنتدى الجميل بس حبي اسئل انا ابغي اشتري ببغاء بس محتار بين فروخ الدره او كاسكو تكفون ساعدوني ومين الافضل مناعه والفه

[يوسف الهوساوي]

القلب وما يهوى
انكان شكل الدرة يعجبك خذها وربيها
بس الدرة تتعبك .. من ناحية الولافة ..لانها احيانا حتى لو ربيتها وهي صغيرة اذا اهملتها بعدين ترجع وتتوحش
اما الكاسكو ممتاز... اذا ودك تشتري كاسكو خذ لك واحد لايقل عمره عن 8 شهور عشان المناعة
ولا يزيد عمره عن سنه يعني لو 8-9 شهور ممتاز .. ويكون اليف .. الكلام مو مشكلة حتى لو كا يتكلم عادي بما انو صغير راح يتعلم بس انت اهتم فيه لاعبه لقنه طلعه على يدك خليه يتعود عليك ..

[محب الببغاوات 2014]

السلام عليكم

اذا كنت تبغى الكاسكو له ايجابياته وسلبياته

الدرة نفس الحركة

ميزات الدرة 1-قوية المناعة 2-تحب صاحبه ان راباه صغيرا (فرخ)

سلباتها 1-بطيئة في تكلم الكلام (يمكن تعليمها الكلام ان كان صغيرة تحب صاحبه يفضل اخذ فرخ)2-يقال انها تهرب من اقرب نافذة والله اعلم

الكاسكو
ميزاته 1-سريع تعلم الكلام 2-يحب صحبه ان رباه صغيرا

سلبياته 1-سريع المرض (ضعيف المناعة) 2-حساس يخاف من الحركات المفاجئة

هذا والله اعلم ان اصبت فمن الله وان اخطأة فمني ومن الشيطان

ارجو يفيدك الخبراء اكثر

[راعي الرصاصي]

شكرا اخوي وما كصرت الله يوفقك بس انا قبل مشتري كاسكوين وبعدين ما توا ما اعرف ليش يكوب البيطري فايروس ما طولوا عندي اسبوعين وانا اخاف اشتري ويموت وانا ساكن في الامارات ياليت واحد يعرف مكان يبيع كاسكو بس اهم شي الصحه ومناعه واشوي يراعي بالسعر ومشكورين ترى طولت عليكم ومعلش بس حبيت اعرف يكول البيطري لا تشتري من سوق الطيور ﻻن تكون مناعته ضعيفه وتكون محمله فايروسات والسموحه

[jokr]

طيب اخوي ليه تتعب عمرك فكر بالامزوني مناعه ممتازه ولعوب وافضل لك بلو فرنتد او اورنج وينق عشانك لسه جديد الاورنج وينق تلقاء سعره مثل الكاسكو وبالله التوفيق

[راعي الرصاصي]

مشكور اخوي وما قصرت

[محب الببغاوات 2014]

إذا تبغى كاسكو خذلك صيد مناعتته اقوى

لكن المشكلة في الولافة ان كان مدرب و اليف افضل

وفي مواضيع في المنتدى الغالي 2zoo لترويض الببغاوات انصحك بمواضيع(سكر) رائعة و مفيدة

المهم انصحك باصيد اذا تبغى كاسكو

[راعي الرصاصي]

مشكور بس كيف اعرف الكاسكو الصيد ايش الاختلاف عن الكاسكو الاليف ومين احسن الكاسكو المستورد واالا المحلي

[راعي الرصاصي]

ردو علي بليزز واسف ترى طولته عليكم بس والله ابي استفيد منكم وجزاكم الله خير

["بوقاسم"]

أخوي الصيد رجله بدون حجل (خاتم) وتقريخ المزارع فيهم حجل

الصيد يجي مروض أو غير مروض على حسب الطير وتكون مناعته أقوى لأنه عاش في الطبيعة وانحك
مع ظروف الجو وتحت أمه وأكل أنواع مختلفة من الأكل واكتسب مناعته من الطبيعة بإذن الله
لكن يمكن يوصل معاك في الخوف والعناد وصعوبة الترويض إلى درجة مزعجة في أغلب الأحيان
ومع ذلك يجب أيضا الحفاظ عليه من التيارات الهوائية والجو البارد

أما تفريخ المزارع مناعته ضعيفه لكن إن حافظت عليه من التيارات الهوائية والجو البارد بيمشي معاك إن شاء الله
أضف إلى ذلك أنك إذا أخذته فرخ وربيته من يوم هو صغير يمكن يوصل معاك لمستويات أنه يصير أليف مثل الحمامة

والله أعلم