قصتي مع القطوة .. ابي منكم حل عشان ارجعها =(

[llosy]

السلام عليكم ..

شخباركم ..

يمكن بعضكم لاحظ اني انقطعت عن المنتدى فترة
والسبب ان ابوي خذ مني قطوتي فماكنت احتاج ادخل للمنتدى

تقريبا من فقدت لوسي " قطوتي " صار لي اسبوعين وهالأسبوعين الله أعلم بحالتي
مالي خلق شي وكل تفكيري بهالقطوة بالمدرسة ماانتبه للشرح لما امسك كتاب بذاكر اتخيلها يمي وتنسد نفسي عن المذاكرة

كانت اول ماتشوفني داخلة البيت راجعة من المدرسة تركظ لغرفتي حتى قبل مااوصل
لما اذاكر تجي يمي وتقعد على كتبي
لما انام تجنني ماتخليني انام
تصحيني بنص الليل

والسبب اللي خلا ابوي يطلعها من البيت كان شعرها يتساقط وكانت تطلب تزاوج وانزعج من صوتها ومن شعرها وطلعها للبيت

عطاها عمي وعمي وداها لصديقه بعد كم يوم لما حسيت اني خلاص ماقدر اعيش بدون قطوة كلمت عمي يرجع لي اياها مارضا قال لي انا عطيتها صديقي هدية ارجع آخذها منه !!

والله اني اكتب لكم ودموعي بعيوني لحد الحين اتخيلها يمي اسمع صوتها يمكن كلكم تقولون اني ابالغ او شي بس والله ان الموضوع ماينكست عليه

طبعا حاولت بكل الطرق مع ابوي ارجعها ماوافق قال شعرها يتساقط واحنا ساكنين بشقة مايصلح نجيب قطوة لأنها تحتاج شمس وتهووية ومكان واسع

الحين ابي منكم طريقة تقنع ابوي نرجع القطوة او نشتري غيرها

واللي يساعدني ربي بيكافئئه
الرسول صلى الله عليه وآله وسلم قال من فرج على مؤمن كربة من كرب الدنيا فرج الله عليه كربة من كرب يوم القيامة ) ..