كبر الحارس الوفي وبدء يعتدي على ممتلكاتي

[كشري]

السلام عليكم أعضاء منتدانا الحبيب
أولاً ليس لدي خبره في تربية الكلاب.
ولكن للحاجه لوجود كلب في المزرعه يقوم بمهام حراسة ممتلكات المزرعه وقع الاختيار على جرو جيرمن شيبرد للقيام بالمهمه.
بعد ما اشتد عود الجرو وصار عمره تسع شهور بدء بالاعتداء على الحيوانات الأخرى بالمزرعه من دجاج وأرانب.
وكل أسبوع يبلغني الحارس بقيام الحارس الوفي بالسطو على حوش الدجاج أو الأرانب.
فما رأبكم أخواني وأخواتي الأفاضل وكيفية التعامل وتصحيح السلوك السئ لكلب الجيرمن.
أنتظر مداخلاتكم وأرائكم.
ودمتم بود...
كــــــــشري

[pitbull_fer]

اخي. الكلب مازال صغير و قابل للتدريب. اما بالنسبة تصرفاته فهي عادية مقارنة بعمره خاصة وانه لم يخضع لاي تدريب. لا تتصرف معه بعنف وقم بالبحث في المنتدى ستجد كل الاساليب والطرق الخاصة بالتدريب (ماشاء الله الاخوة المحترفين قامو بالواجب ووفروا جميع الطلبات اخاصة بالتدريب .بارك الله فيهم).

[هاوي مزاجي]

والله اخوي انا ماعندي خبره بكلاب الحراسه
بس ربيت السلق وطبعا بالبر وبالمزرعه حطيتهم بكل مكان والصغار منهم يلحقون الدجاج
ويذبحونهم لعانه من دون لا ياكلون
وطريقتي وياهم يمكن ماتعجبك او يمكن ماتصلح مع كلب الحراسه لانه يمكن ياذيك
كنت امسكهم واروح عند الدجاج واذا شفته يبي يهجم عليهم اطقه بايدي على راسه
ومعودهم كل ماغلطو اطقهم واقولهم اخخ اخخ ومره ومرتين اطقه واكرر الكلام
لين اذا وريته الدجاج يدنق راسه ويلف وجهه كانه ماشاف شي
وحتى لو يغلطون من بعيد وانا اشوفهم مهما كان الغلط اصيح واقول اخخ اخخ
على طول يخور ويعرف انه غلطان
واطوف اكله طبعا او اخفف الاكل بهذاك اليوم
وهذي طريقتي مع السلق اما كلاب الحراسه ما ادري
اخاف تطقه ويعضك لا تبلشني ههههههههههه قلتلك سلق




سلاااااااام

[عاشق الروت وايلر]

اخوي انت شكلك الكلب لما كان صغير جرو ما وريته الحيوانات اللي في المزرعة عشان كذا مهو متعود عليهم
لازم انك تعود الكلب عليهم
انت خل العامل يربط الكلب بالليش(السلسة) ويتمشى فيه في المزرعة عند الحيوانات كلها اللي في المزرعة بس لايقرب منهم واذا جا بيسوي شي يسحب الليش وينهره بصوت عالي يستمر على ذا الوضع لحد مايشوف انه الكلب ماصار يعطيهم اهتمام
وبعدها حاول انك تمشي الكلب جنبك وهو مفلوت وخله يروح جهت الحيوانات واذا جا يسوي شي ينهره ومرة ورا مرة وبيصير الكلب يمر من جنبهم بدون لايسوي لهم شي

اتمنى الاعضاء الاخرين يفيدونك

[كشري]

كل الشكر أخواني الكرام لمداخلاتكم القيمة

[Sword]

طريقة اخوي هاوي مزاجي جيدة جدا .. بس ممكن الضرب ما يكون قوي يعني مجرد طقه خفيفه على الراس اذا جا يغلط وتقوله بصوت حازم لا او NO .. واذا كررها بدون ما تقول شي تشيله على ظول وتحطه بالقفص تبعه
وقتها يعرف انه الي سواه كان نتيجته انك رديته القفص