~][ طائر المينا .. استفسارات وتساؤلات ][~

[طير الهوى]

،،

هلا والله اخوي فوزي ..

والله صراحه طيبت خاطري يوم قلت لا تاخذ .. اجل الحمدلله اني ما اخذت ^.^

صراحه كان نفسي اخذ واحد من المينا لكن الحمدلله .. خيره

اما بالنسبة للـ starling هذا حصلت مثله عندنا بالرياض .. لكن صراحه ما اعجبني مستواه في الكلام .. فيه تصفير كثيييير .. واي كلمه فيها حرف سين او صاد .. يضيع الكلمه ويقوم يصفر ..

الله يسهل وييسر والقى لي مينا اندونيسي .. او عادي .. ويبيض الوجه ^.^

مشكور اخوي فوزي على المقاطع وعلى المداخلات الحلوه

يعطيك الف عافيه ^.^

،،

[fawzi]

لاشكر على واجب انت اخوي وانا احبك في الله وذا بقيت الاندونوسي ترى بدوره لك وان شاء الله بحصله انت أمر ولك طيبه الخاطر ولاتهتم والله يعطيك العافيه ان شاء الله

[طير الهوى]

،،

أحبك الله الذي أحببتني فيه .. الله يعافيك اخوي فوزي

طيب الاندونيسي لو بتدوّر .. ماتخاف انه يتغير عليه الجو وتصير عليه مشاكل والا شي ؟

وماتقصر يالغالي .. كفووو

،،

[fawzi]

الله يسعد قلبك ان شاء ويثبتك على الصراط المستقيم قل ان شاء الله يارب العالمين......................... انشاء الله بدور لك لاتهتم بس انا نصيحتي لاتربي فرخ خصوصا هذه الايام لان مناعة الفريخ ضعيفه مره نصحيتي لك بطير توى بادي بالكلام انا بدور مو في السوق عند اي احد عندنا في البحرين من الربع الي نعرفهم واذا ماحصلت بدور لك النوع الثاني المينا هل اصغر شوي بالحجم من الاندونوسي بس ها ترى صدقني ان صوته واضح بشكل مايتصدق الميزه الي في الاندونوسي ان حجمه كبر البغبغاء اذا كبر يصير حجمه نفس الامازوني اليلو ناب بس في الكلام نفس الشيء مايفرق الى الحجم

[طير الهوى]

،،

امين ان شاء الله ^.^

ماشاء الله تبارك الله ..

بس المشكله اخوي فوزي ان المينا من يوم يتكلم يرتفع سعره بشكل خيالي

،،

[ملك الجنون]

مشاء الله موضوع جداً رائع
وردوود ارووع
كنت مثلك اخوي ادور معلومات عن الطير هذا

بس فيه مشكله !!!ومحتار منها
لما اشتر واحد فرخ ياسمين..هل قدرته بالكلام تغطي على عيبه(كثرت إخراجه للفضلات )أعزكم الله؟؟
وهل لما اخرجه برى القفص فيه ضرر _لكثرت اخراجه للفضلاته؟وهل ابقيه بالقفص دائماً؟
وكيف تعليمه الكلام؟
وما هو العمر المفضل وخاصه للعضو المتدى؟وماهو افضل نوع؟وكم سعره بالسعوديه؟مع امكانه وضع صوره له؟حتى نعرف نوعة.

وأسف اخوي طير الهوى على مداخلتي
وارجوا منك تقبل سؤالي.

[طير الهوى]

،،

هلا بك اخوي ملك الجنون ..

بالعكس يالغلا .. الموضوع مفتوح للجميع ..

بالنسبة لأسئلتك بجاوب عليها .. ولو حصل تعليق وتعقيب من أحد الأخوة الأفاضل ومن هم أخبر وأعلم مني ياسلام سلم ..

بالنسبة للفضلات .. المينا والبلبل قريبه من بعض من هالناحية .. كلها سبحان الله فضلاتها كثيره ورائحتها مقرفة وتنرفز .. ولازم التنظيف أول بأول .. أما هل تغطي قدرة المينا على الكلام على مسألة الفضلات .. هي على حسب نظرة الشخص .. يعني انا عندي بلو فرونتد امازون .. ومتكلم وبدرجة الامتياز .. وعندي كروان متكلم بعد .. وعندي 2 كناري .. و 2 بادجي .. وبرضو فرخ بلبل تبنيته بعد ماتخلوا عنه اهله .. يعني عندي طيرين يتكلمون وانا ماني بحاجة المينا بس علشانه يتكلم !! وماهمني مسألة فضلاته لاني متعود عليه من قبل وعندي بلبل وربيت بلابل قبل كذا وكلهم نفس الشي .. لكن هي مسألة حب للطير .. انا احب المينا .. واتحمله بكل مافيه .. بإيجابياته وسلبياته .. مجرد حبي للطير يعطيني سبب لامتلاكه بوجهة نظري ^.^ وهي تختلف من شخص الى آخر .. بس للعلم .. بالنسبة لرأيي الشخصي .. مسألة فضلات المينا الناس عطتها اكبر من حجمها بكثير ومن بغى الدح ما قال أح .. ( مثل شعبي ) ..

بالنسبة لإخراج الفضلات خارج القفص .. نعم فيه إخراج فضلات خارج القفص .. والطير جوا القفص وبرا القفص نفس الوضع .. وانا عندي كل الطيور كذا حتى البلوفرونتد امازون .. برا القفص يخرج فضلات .. بس طبعا بتعاني من المينا لان فضلاته اكثر وأخيس .. وغير كذا بيعذبك لأنه حتى بإخراج الفضلات .. ممكن يرمي الفضلات خارج القفص وهو داخل .. سبحان الله يرميها رمي ..

اما تعليم الكلام .. فالمينا يمتاز انه مايحتاج للتلقين مثل باقي الببغاوات .. من حاله يتعلم ويلقط الكلام .. ماتدري الا وهو يتكلم .. يعني ماراح يعذبك من هالناحيه ..

العمر المفضل لاقتناء طير المينا هو بعمر اسبوعين ونصف على كلام اخونا ( طائر المينا ) ..

أما أنواعه كثيرة .. لكن المتعارف عليها عندنا واللي ممكن تلقاها منتشره .. 4 أنواع تقريبا ..

1/ الاندونيسي وبعضهم يسمونها ( جاويه نسبة الى البلد " جاوا " ) :



وهو الافضل بلا منازع .. من ناحية النطق والشكل والحجم .. وسعرها بالبحرين 600 ريال .. لكن عندنا هنا اشوفه معروض بـ 1200 ريال

2/ المينا ذو الوجه الاصفر :



حجمه كبير .. وشكله مميز .. لكن قدرته على النطق ماتوصل لمستوى الاندونيسي بناء على كلام اخونا فوزي الله يحفظه .. وسعره بالبحرين 1200 ريال .. ولا قد شفته هنا بالسعوديه ابد ..


3/ الباكستاني :



حجمه صغير بالنسبة للاندونيسي .. وقدرته على الكلام ممتازه .. يشبه المينا الشائع لكن شحم وجهه احمر على برتقالي .. تاخذه فرخ تقريبا بـ 300 ريال ..

4/ المينا الشائع ( المستوطن لدينا الآن ) :



برضو حجمه صغير بالنسبة للاندونيسي .. وقدرته على الكلام ممتازه .. وسعره برضو 300 ريال تقريبا للفرخ ..


ان شاء الله اكون قدرت افيدك بخصوص المينا يالغلا .. وياليت لو عندي بعض الاخطاء ان يصححونها لي الاخوان فوزي وطائر المينا خصوصا ً بأنواع المينا لأني كتبتها بناء على خبرتي المحدودة جدا مقارنة بهم ..

وبالتوفيق يالغلا ^.^

،،

[ملك الجنون]

كفييت ووفييت اخووي طير الهوى
يعطيك الف الف عاافيه

وننتظر تعليقات من ذوو الخبره

وكان عندي بلبل روسي ..كان يخرج فضلاته بشكل ماتتوقعه..؟؟بس أنا توقعت من الأكل حقه؟؟لأني كنت اعطيه اكل خاص للبلابل على شكل مخروطي وقطع صغيره جاهزه.
اتمنى انهم يفيودنا اهل الخبر.؟؟

وهذي صوره مشابه للبلبل الي عندي
شاريه من سوق الطيور 25 ريال
وأطلقته لأني احس انه طير بر مو بيوتي





سؤال اخير..
اي افضل ببغاء الأفريقي؟ام طير المينا (الياسمينه)؟

[طير الهوى]

المشاركة الأصلية كتبت بواسطة ملك الجنون

سؤال اخير..
اي افضل ببغاء الأفريقي؟ام طير المينا (الياسمينه)؟

هذا سؤال لا يمكن لأحد الجواب عليه .. ولا يمكن لأحد الحكم في ذلك .. فهي تختلف من شخص إلى آخر .. لكن للجواب على هالسؤال ( وراح اقارن بين الافريقي والمينا الاندونيسي ) ننظر لعدة عوامل :

* القدرة على النطق والكلام : متساوين وجميعهم متحدث ممتاز .
* الوضوح في الصوت : المينا الاندونيسي أفضل وأوضح ، ومقلد بشكل مذهل مذهل .
* الجرأة في الكلام : المينا الاندونيسي أفضل .
* التعداد اللغوي ( عدد الكلمات المحفوظة ) : الأفريقي أفضل .


* النشاط الاجتماعي : الاثنين في درجة واحدة وكلهم يتعلق بصاحبه .
* المشاكل النفسية : الافريقي قد ينتف ريشه ويكون كئيب ومريض نفسيا .. عكس المينا مايحدث فيه هالشي .
* المناعة : المينا بجميع أنواعه أفضل .
* النظافة : الأفريقي أفضل ، مع العلم ان المينا طائر نظيف ويحب الاستحمام كل يوم ولأكثر من مره .. لكن يبقى كثيرة فضلاته وله رائحة أكثر من الافريقي ، غير انه ينثر اكله بفوضويه وبكل مكان.
* المظهر الخارجي : على حسب مزاج الشخص .


* القدرة على تعلم الخدع : الافريقي أفضل .
* القدرة على الترويض : الافريقي افضل .
* القدرة على التعبير والشعور : الافريقي افضل .
* القدرة على الفهم والاستيعاب : الافريقي افضل .


هذي قد تكون اهم المحاور اللي ممكن اننا نقارن فيها بين الطائرين .. وكل واحد ومزاجه ويشوف اللي يبغى .. ولا مانع من الاحتفاظ بكل النوعين سوا لوووووووووول ^.^

والافريقي كسب شعبية جارفه بسبب وفرته ورخص اسعاره وانتشاره بين الناس .. وكثرة البحوث والدراسات والمواضيع حوله .. وهذا أبدا ً ما يعني ان الطيور الأخرى أقل منها مستوى .. واكبر دليل على ذلك اليلو ناب امازون والدبل يلو هيد على سبيل المثال ..

وبالتوفيق لك اخوي ملك الجنون ..

وبانتظار الاخوان للتعقيب على المشاركات وتصحيحها ان لزم .. واضافة بعض النقاط التي يرونها مهمة ..

،،

[fawzi]

ماشاء الله عليك عند خبره بس المينا الاندونوسي جحمه يجي اكبر وراح تلاحظ ان شحمه الاذن الي في الجوانب غير متلاصقين يعني في مسافه بينهم بينما المينا الجحم الصغير الي يوجد بكثرة في بورما والهند والصين والنيبال وباكستان تكون متلاصقه لو تدخل في ملفي شوف الصور للمينا ولاحظ شحمه الاذن وبالنسبه للمينا ذو الوجه الاصفر في منو نوع كبير حجمه .ملاحظه بخصوص المينا اشخاص كثيرين وبعضهم مربين محترفين لايعروف وللاسف لماذا طائر المينا يخرج فضلات بكثره ؟الجواب سهل لانه من فصيله الجواثم وكثير الحركه نفس البلبل و الشحرور والعندليب وبغبغاء اللوري تلك جميعها تقفز ولاتمشي سبحان الله لو تلاحظ المينا الاندونوسي او الفلبيني الهل يقفز بالرجلين حيثما المينا الهندي العادي يمشي .على فكره حصلت لك مينا اندونوسي عنده كم كلمه ويقلد صوت البس وعند كذا كلمه بس سعره مرتفه ماادري اذا يناسبك او لا بس طير حلو مره واليف سعره 300 دينار اذا لك خاطر هذا جوالي 0097339265726