اشترك في نشرتنا البريدية ليصلك كل جديد

ALNAHEEM · 22-09-2010, 03:00 PM

السلام عليكم
انا شريت فرخ كاسكو هولندي اليف
عمره من 6 الى 8 اشهر
كل شيء فيه حلو الا انه ما يصعد على يدي
احك راسه عادي اعطيه اكل من يدي عادي
لاكن اذا بغيت اخليه يصعد على يدي يرفض
ايش الحل

fawzi · 22-09-2010, 03:50 PM

الحمدلله مادام الطير اليف اصبر عليه والصبر مفتاح الفرج حاول انك تحط ايدك تحت رجل البغبغاء وترفعه شوي شوي وحاول مرات عده وان شاء الله راح يطلع على ايدك

orenjo · 23-09-2010, 03:22 AM

اصبر عليه شويه او اهم شي انك تدريبو مو على طول تحطو على يدك و شكرااا

متعب القحطاني · 23-09-2010, 03:56 AM

انت خلك على طريقتك امسح راسه

ومع الوقت راح يطلع على يدك بس خله يحس بلامان وبيطلع

مجرد وقت

أمازون · 23-09-2010, 04:04 AM

مكان يدك مهم عشان يفهم الطير انه يركب ...
لابد تكون في مكان بين الصدر و الرجل و تدفه شوي عشان يختل التوازن و يطلع فوق يدك ... تكرار العمليه و التدريب راح يعطي نتيجه .

ايضا في طريقه ثانيه و هي تمرر يدك من خلف الطائر تحت الذنب و تدف رجله شوي عشان يختل توازنه و يصعد على يدك .

كل الطرق لابد من الصبر فيها ، و لكن اذا استمريت بجلسات جديه على تدريبه يوميا لمده ساعه على الاقل اضمن لك خلال اقل من اسبوع يركب على يدك

اذكروا الله · 23-09-2010, 04:17 AM

توه بـدري
اصبــر وان شاء الله يتعود

قرناس الليل · 23-09-2010, 05:51 AM

ماشاء الله اموورك طيبة دام انه ووالف عليك فا اضمن انه بيطلع على يدك

بس يبيلك شوي تدريب معه ومر عالمواضيع المثبته تراه بتفيدك بالذات انه اليف واموره معك تمام

ولاتحرمنا بجديدك ان طلع على يدك بشرنا ^_^

ابو رنـ محمد ـا · 23-09-2010, 12:36 PM

مثل ما قالوا الاخوان أصبر عليه أنا اول ما جبته رفض يطلع على يدي و الحين يطلع و لله الحمد و الحين جالس ادربه على حكة راسه صرت يومين ربع ساعه او نص ساعه امسكه بمنشفه و احك راسه على شوي شوي افك المنشفه و يجلس مبسوط على حكة الراس لين ارفعه للاستاند انا او يطير للقفص بنفسه و اكرر كلامي ما افادوني أخوني بالمنتدى يبي صبر و تفرغ له بس هذا الي ينقصك