ارجوا المساعده العاجله

[almsthtr]

السلام عليكم
قططي الصغار اشكالهم مخيفه لغيري >>>>>> انا تعودت عليها خلاص <<<<< يعني ماهي طبيعيه
مع انهم كثيري الحركه واللعب واعمارهم على حسب كلام البيطري من شهر الى شهر واسبوع
والى الان يرضعون بس اليومين هذه قاموا ياكلون شويه من اكل امهم
وهذه صورة واحد فيهم



طبعا بقيت اخوانه نفس الحاله ما عدا واحد فيهم اسود مو باين عليه شي ممكن عشان لونه
البيطري يقول هذه فطريات وسببها ثدي الام واعطى الام ابره ومعقم لثدي وبالنسبه للصغار اعطيهم مرهم ينحط على الوجه و بقيت الجسم بمعقم
ومن يوم اخذت الابره ويجيها اسهال الى اليوم واليوم رحت وكلمته قال اعطيها علاج اسهال عن طريق الفم قلت له ما اقدر واعطاني دواء احطه في المويه وتشرب منه

انتم ايش رايكم
بصراحه احس ان البيطري من جنبها

هذه القصه
وعندي اسئله
1- عندي الصغار يسون حاجتهم على الارض في اي مكان واش الحل معهم
طبعا انا ماني حابسهم ولاني حاط قفص لهم بس مضطر كل شوي انظف وراهم هل احطهم في قفص وارتاح
مع ان اليتربوكس قريب منهم والا عشان امهم تستخدمه هم ما يستخدمونه يمكن الحل احط لهم ليتربوكس خاص فيهم
2- الصغار زي ما قلت في البدايه صاروا ياكلون شويه من اكل امهم يعني قليل مره
هل فيه اكل اقدر اعطيه لهم
طبعا لا احد يقولي اطبخ وسوي وماني عارف ايش لاني مالي في هذه السوالف
يعني بالعربي يكون اكل من محلات القطط او سيريلاك

اعرف اني ثقلت عليكم
لكن تحملوني شوي وانا شاكر ومقدر لكم

[دلوعةقطوتي]

ياقلبهم الكيتز فطريات جرب البيتادين ومرهم كانستين مرتين باليوم
وعندي اسئله
1- عندي الصغار يسون حاجتهم على الارض في اي مكان واش الحل معهم
طبعا انا ماني حابسهم ولاني حاط قفص لهم بس مضطر كل شوي انظف وراهم هل احطهم في قفص وارتاح
مع ان اليتربوكس قريب منهم والا عشان امهم تستخدمه هم ما يستخدمونه يمكن الحل احط لهم ليتربوكس خاص فيهم

عادي كل الصغار بالبدايه كذا جيب لهم ليتربوكس حوافه قصيره ولما يصلحوها على الارض شيله وخليه بالتراب وامسك اللي عمل العمله وخليه يدفن مع الوقت بيتعودون
بس الاهم نظف الارض بمعقم ريحته قويه شوي
2- الصغار زي ما قلت في البدايه صاروا ياكلون شويه من اكل امهم يعني قليل مره
هل فيه اكل اقدر اعطيه لهم
طبعا لا احد يقولي اطبخ وسوي وماني عارف ايش لاني مالي في هذه السوالف
يعني بالعربي يكون اكل من محلات القطط او سيريلاك
والله مشكله اكل البيت افضل
جرب السيريلاك والاجبان مثلث كيري زبادي قليل دسم خبز توست ودراي فوود للكيتن
وفيه ويت فوود للكيتن بس المعلبات مو كويسه زي اكل البيت
اما الام اعطيها مهلبيه بدون سكر او سيريلاك طول اليوم عشان الاسهال ولاتحط الدواء بالمويه

[almsthtr]

بالنسبه للام جيت اروشها ما قدرت
يادوب حطيتها في المويه وتشرد
بالقوه رشيتها بالمويه ويهي تتحرك
مافيه شي يهديها رجولها صايره صفرا من الوسخ
وماني قادر اروشها زين

[دلوعةقطوتي]

لاتحطها بمويه
دخلها الحمام وقفل الباب وامسك الشور وبلل شعرها وبعدين افركها ب شامبو فافو او نيزورال واتركه شويه بعدين اشطفه
بالشور اسهل من انك تدخلها المويه
او خذها لمحل يعطوها شور بس لاتتركها وقف على راسهم
واشتري لك بودره الدراي كلين وفيه كمان بخاخ واستعملهم لتنظيفها هي والكيتز

[almsthtr]

المشاركة الأصلية كتبت بواسطة دلوعةقطوتي

ياقلبهم الكيتز فطريات جرب البيتادين ومرهم كانستين مرتين باليوم

ممكن صور لعلاج
وهل علاجهم يطول وكم مدة العلاج
وهل اذا ما تعالجت ممكن تتكاثر او مع مرور الوقت تروح

[almsthtr]

المشاركة الأصلية كتبت بواسطة دلوعةقطوتي

لاتحطها بمويه
دخلها الحمام وقفل الباب وامسك الشور وبلل شعرها وبعدين افركها ب شامبو فافو او نيزورال واتركه شويه بعدين اشطفه
بالشور اسهل من انك تدخلها المويه
او خذها لمحل يعطوها شور بس لاتتركها وقف على راسهم
واشتري لك بودره الدراي كلين وفيه كمان بخاخ واستعملهم لتنظيفها هي والكيتز

ماادري اذا فيه محلات عندنا تسوي شور والا لا لاني جديد في الشرقيه
بودرة الدراي كلين والبخاخ ماعرفتها ممكن صور لهم لا هنتي

[دلوعةقطوتي]

تيب هذا الكريم

والبيتادين الاخضر المعروف كلهم من الصيدليه البشريه اول شي تحط البيتادين وتتركه لحد ماينشف شوي استعمل عود القطن اسهل لك او البس قلافزعشان مايعدونك وبعدها ادهن الكريم
يطول العلاج شوي بس لازم تستحمل لو تركته بيزيد
وعرضهم للشمس لو شوي ومكانهم كله يتعقم ويمسح بديتول وسرايرهم او فراشهم يغسل
صوره الدراي كلين

البخاخ (مع ليش تاخرت بس رحت اصوره)

واي سؤال لاتتردد

[almsthtr]

اختي عادي استخدم المعقم على الوجه اخاف ياذيهم في وجيههم
وبالنسبه للبخاخ والبودره اشتريهم الاثنين والا واحد يكفي وكيف استخدمهم
بالنسبه لعلاج الفطريات الخبيره ناديا تقولي بعد فطمهم اعزلهم عن امهم وبعدها ابداء العلاج للاثنين
احترت والله

[دلوعةقطوتي]

اختي عادي استخدم المعقم على الوجه اخاف ياذيهم في وجيههم
البيتادين مايضر انا مستعملته للفطريات لقطوتي بوجهها
وبالنسبه للبخاخ والبودره اشتريهم الاثنين والا واحد يكفي وكيف استخدمهم
واحد منهم كفايه ترشه على الشعر وتتركه دقيقه وبعدها تمشط والنتيجه نظافه +ريحه حلوه
بالنسبه لعلاج الفطريات الخبيره ناديا تقولي بعد فطمهم اعزلهم عن امهم وبعدها ابداء العلاج للاثنين
احترت والله
اممم اسمع كلام الخبيره هي اعرف

[الخبيرة ناديا]

المشاركة الأصلية كتبت بواسطة almsthtr

اختي عادي استخدم المعقم على الوجه اخاف ياذيهم في وجيههم
وبالنسبه للبخاخ والبودره اشتريهم الاثنين والا واحد يكفي وكيف استخدمهم
بالنسبه لعلاج الفطريات الخبيره ناديا تقولي بعد فطمهم اعزلهم عن امهم وبعدها ابداء العلاج للاثنين
احترت والله

هلا اخوي

انت سالتني عن العلاج الداخلي للقطط ومدى نتائجه عليهم

فقلت لك العلاج الداخلي من حبوب او شراب ينفع للام لاكن بعد فطامها للكيتنز

والكيتنز يتم علاجهم خارجي فقط وبعد اكمالهم 6 اشهر ابداء العلاج الداخلي معاهم.

لان جميع العلاجات الداخليه للفطريات لها اثار جانبيه للكيتنز من ارتفاع في الحراره والرجفه

وغيره.

فالافضل اكمالهم 6 اشهر حتى يكون الجسم قادر على التحمل .

واذا تم علاج الام الان بالعلاج الداخلي وقتها بينزل العلاج من حليبها الى الكيتنز ويحدث الضرر

لهم ..

فلهاذا السبب قلت لك الافضل الانتظار حتى يتم الفطام للكيتنز.

اما بخصوص العلاجات الخارجيه ..دلوعه ماقصرت ووضعتلك الصور والطريقه ..

والله يشافيهم لك يارب.