سؤال عن الجيرمن شيبرد : انقذوني يا اهل الخبره . !!

[MaKKaWy]

السسلام عليكم ..


كيفكم اخواني انشاء الله في تمام الصحه . !!


المهم ..


انا قررت اشتري ( جرو ) > جيرمن شيبرد .. > باركولي مقدما


بس رحت محل ( الحياة والطبيعه ) وسآلت عن سعر الجرو و و و الـخ ..


بس المشكله : جابلي مواصفات وانا صراحه اجهلها

فعشان هيك حبيت استشيركم ..

يعني طول الشعر واللون الـخ > وانا من جمبها صراحتا

المهم ..

شنو اقوول لصاحب المحل لمواصفات الجيرمن شيبرد . !!

ومن ناحيتي ابي اللون مثل اللي بالصوره ..


http://www.zshare.net/image/68436931bec9897d/

وهذي صورة جرو لأخوي ( الرازم ) صراحتا في قممة الروعه فمادري هو نفسه ولا لا

http://www.zshare.net/image/68437132d85bf4c3/

يتربى في عزه

وانا بصراحه خايف يلعب علي فعشان كذا حبيت استفيد منكم :$$

يجبلي جيرمن سلالته غبيه ولا شي

وشنو تنصحوني بعمر الجرو .!!

انتظركم لأنه الخميس رايحله

[الـــــــرازم]

هلا اخوووي

في بدايه الحديث نرحب بك يالغالي واهلا وسهلابك

ومشكور على الثقه والتواصل ياقلبي

بخصوص الصور

الأولى ملكيتها للجيرمن شيبرد شولاين

الصوره الثانيه هذا جرو جيرمن شيبرد ورك لاين لأخوك الرازم

طبعاً اكيد انك لاتعرف الفرق بين الشولاين + الورك لاين

على العموم

انا بفيدك بخصوص الفرق ياعزيزي

الجيرمن نوعين

(1) جيرمن شيبرد شولاين

(2) جيرمن شيبرد ورك لاين

وعشان طال عمرك تعرف تفرق بينهم اخوي

كلاب الشولاين كلاب حراسه ممتازه وكلاب جمال في نفس الوقت

وتكون فقط ب3 ألوان ويكون طبعاً لها ماضي معروف ومسجل من

قبل السلاله والبريد وخاصه خط سير الجينات وطبعاً تكون فيها كسحة

في آخر الظهر وطول الذيل يصل الى الأرض وملامحها ممتازه

وتختلف ايضا في المشي وعشان نوصلك المعلومه اخوي

يعني الوان الشولاين المعترف بها والمسجله من قبل

المعارض الدوليه كل الآتي

Blak & Tan

Blak & RED

Blak & BROWN

وهذي بعظ صور توضح الكلب الجيرمن الشولاين

وعشان خاطرك بعد تفضل






















وهذي صوره توضح مشيه وخطوات

الشولاين اثناء المسير

اما كلاب الجيرمن شيبر الورك لاين

فهي بدون منازع كلاب حراسه وكلاب (( عمل وشغل ))

وهي معروفه على مستوى العالم لتخصصها في الجهات المختصه

وألوانها كثيره اخوي طبعاً لها ماضي معروف ومسجل من قبل

السلاله والبريد وخاصه خط سير الجينات وطبعاً تكون خاليه

وبدون كسحة في آخر الظهر وطول الذيل قد لايصل الى الأرض

احياناً وعلى حسب طول الكلب وملامحها ممتازه ومشيتها عاديه

وهذي الوان وانواع الجيرمن شيبرد الورك لاين

White German Shepherd Dog

Panda Shepherd

Candian Alpaino Sheephered

Sold Blak Shepherd

SABLE

BI-COLOR

GOLDEN Shepherd

RED SABLE

TAN-GOLD SABLE

SILVER SABLE

وهذي بعض الصور التوضيحيه لكي تتعرف عليها

وهذي صوره هجوم الورك لاين وهي هديه

ايضاً لك مني




بعد ان تعرفت على الفصيلتين اخوي الآن

سوف ندلك على الطريق للنجاح لكيفية

اختيار كلب الجيرمن شيبرد

الشكل طبعاً اهم شي يعني لابد ان تتذكر ان كلاب الجيرمن

لاتكون اشكالها نفس الشئ يعني فيها اختلاف والسبب الغذاء

اختار الجرو الصحي والكلب الذي يتمتع بصحه جيده

وخاليا من الامراض

يعني مايكون ظعيف وهزيل عشان ماتتعب معاه بعدين

الرأس

ابحث عن الجيرمن لي حجم رأسة يكون متناسق في الطول

ومقاسه ممتاز وياحبذا اذا كان الرأس كبير

وهذي صور توضيحيه

نأتي الى الأذن اخوي

اختار الجيرمن الي أذنيع واقفه وعباره عن رقم 11

لأن في فرق انك تختار الأذن رقم 7 او انك تشوفها غير واقفه

اهم شي ان تكون الأذن رقم 11 غير مائله من اي طرف

وهذي صوره توضيحيه اخوي طبعاً الشكل A وهو الصحيح

افحص الأسنان جيداً واذا لم تستطيع

استعين بالبيطري

افحص الهبس وهو عباره عن مؤخره فخذ الكلب

استعين بالبيطري اذا ماكنت عندك الخبره الكافيه

وهذه صوره توضيحيه للهبس

افحص الألبو وهو عباره عن مقدمه فخذ الأيد

استعين بالبيطري اذا ماكنت عندك الخبره الكافيه

وهذه صوره توضيحيه للألبو

قدم الكلب اهم شي ياخوي هذه

الصوره توضح بعض المضاعفات

والفرق بين القدم الصحيح والقدم الغير صحيح

وهذه الصوره توضح القدم الصحيح

دقق على استقامه رجل الكلب من الخلف لابد يكون

حسب هذه الصوره متناسق وبدون انعواج

الأصابع اخوي تأكد من عدم اتساعها من بعض

وهذي صورة توضيحيه ياعزيزي

وخوي تأكد من وجود الدايمن في الجيرمن شيبرد الذي تبحث عنه

يعني في صدره نجمه او الدبوس وهي عباره عن شعر ابيض

قليل على شكل نجمه خفيفه

هذي النجمة يعني ( دايمن )

تبين مدى رقي هذه السلاله وان هذا الكلب من

سلاله صحيحه 100%

فالكلاب الشو + الورك التي تحمل هذه النجمه

فأنها تدل على تطابق المواصفات

العالميه في سلاله الجيرمن شبيرد

ولاتنسى البدقري لأنه مهم جداً اخوي

وهو عباره عن جواز وأوراق الكلب

اذا تطابقت هذه المواصفات في الشرح فتأكد ان الكلب بيور

وعندي ملاحظه يالغالي اتمنى انك

تفهمها

دائماً وعلى مستوى البريدنق يعني مربي الكلاب

او مثل مانقوا الذين

يتمتعون ببيع الكلاب او شراء الكلاب لايتسرعون

بشراء الجرو الا عندما تكمل عمر الأربع شهور

بقولك ليش

الاستنتاج العلمي للكلاب وضح ان جراء الكلاب يتم ظهور جيناتها

و ابداعتها

عندما تكمل ال 4 شهور

وذلك يعتمد على البلادلايــــــن

خط سير البريدنق اخوي

واذا كان الأب والأم لديهم الوركن تايتل والتأهيل الصحيح

تزرع الأم لأبنائها الجراوه

هذا الموضوع من خلال الجينات الوراثيه من الأب والأم والأجداد

لذلك اخوي

فصائل الجيرمنات تختلف من حيث السلاله

والتوقعات وحسب نسبه الجينات

وذكائها

واتمنى انك ترجع لمتابعه سلاله الأب والأم قبل

شرائك للجرو عشان

ماتتعب بعدين اخوي

اتمنى لك التوفيق والنجاح وسامحنى اذا في اي قصور

والأعضاء بعد فيهم البركه وماعليهم زوود

وان شاء الله تقتني الكلب البيور ياعزيزي

لأنك الآن اصبحت تعرفه

اخوك ،،،، الرازم

تحياتي

[MaKKaWy]

^^^^^^^^^^^^^^^^^^^^^^^^^^^^^

يارجآل شلوون اششكرك على هالمجهود .. !!

والله ماقصصرت فديت عمررك جد جد افدتني بأشياء كثيره عن الجيرمن ..

بس في كم نقطه مافهمتها وآسف راح اتعبك معاي . .

الوركن تايتل

مافهمت شنو تقصد

افحص الهبس وهو عباره عن مؤخره فخذ الكلب

ياليت تقولي ليش افحص هالمناطق يعني شنو السبب

افحص الألبو وهو عباره عن مقدمه فخذ الأيد

نفس الشي


بالنسبه لي انا افضل >> جيرمن شيبرد شو لاين Blak & RED



واعيد واقوول واكرر تسلم والله اخوووي على تفاعلك معي ويعطيك الــ 1000 ــف عافيه يالغالي ..

[الـــــــرازم]

هلا اخوي اشكرك على هذا الكلام

ماقصرت يالغالي

بخصوص الأسئله ابشر بعزك ياقلبي

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الوركن تايتل

working title

يعني اخوي العنوان الوظيفي العملي

وهذي تعطى للكلاب التى تتجاوز عمرها السنه ويجب على

اجتياز جميع الدورات والسبب يرجع لنقاوه التركيز والابداع بالتطبيق

يعني يكون حاصل على دفنس عالي ودرايف عالي ويكون بالتصنيف

سبورت دووق

وانا طال عمرك تعمت ان اقولك ابحث عن

اذا كان الأب والأم لديهم الوركن تايتل والتأهيل الصحيح

لذلك تزرع الأم لأبنائها الجراوه جميع هذا

المستوى من خلال نسبه الذكاء والسبب الجينات الوراثيه

من الأب والأم والأجداد

يعني عندما نختار جرو ابوه وامه لديهم الوركن تايتل

نشتريه ونحن مغمضين العيون والسبب

ان الأبناء يكونون مثل أبائهم واجدادهم

ــــــــــــــــــــــــــــــــــــــــــــــــــــــــــــــــ

وبخصوص فحص الهبس والألبوو

هذا اخوي اهم شي

اقولك ليش

بعض الناس يكتفون بتلقيح كلابهم من قبل

نفس الجينات يعني تزاوج الأقارب

وهنا تكون مشكله في جسم الكلب

ونحن ننصح عدم تزاوج الأقرباء بالكلاب

يعني لازم تكون الجينات بعيده جدا جدا ومافيها صله قرابه

يعني

اذا كان الألبو

فيه انعواج يسبب

اختلاف في مشيه الكلب يعني يمشي بطريقه غير

صحيحه وممكن يأثر ذلك في القفز او تطبيق اي عمل

يحتاج الى نشاط والسبب عدم استقامه الأيدي

فدائم الفحص يكون اهم شي

يعني كلها 15 دقيقه اشعه وتعرف من قبل البيطري

اذا كان الألبو صحيح

بخصوص الهبس وهو الأهم بعد في المؤخره

تلاحظ ان كلاب الجيرمن لي فيها هبس

مشكلتها مشكله

يعني يمشي الكلب والأرجل الخلفيه فيها انعواج

على برع او على داخل وعلى طول تعرف

انه فيه مشكله بالهبس وهذي تسبب له

ضعف تشوف كلب كبير وارجله الخلفيه ضعيفه

يعني مشاكل الهبس مؤلمه ايضاُ اثناء التدريب

لأن الكلب لي يعاني من الهبس تلقى تطبيقه ضعيف

لأن الحركه تكون عباره عن جسم غير متناسق

اخوي لو تلاحظ بالبدقري اهم شي

الختم موجود بخصوص الهبس والألبوو

ويعطونك اذا كان الكلب يعاني منها

او انه ممتاز و لاتوجد به اي مشاكل

اتمنى لك التوفيق والسموحه اخوووي

[MaKKaWy]

^^^^^^^^^^^^^^^^^^^^^

يعطيك الـ 1000 ـف الــ 1000 ـف عافيه اخووي ..

ماقصرت والله .. ..

وتسلم عالتوضيح ..

وانشاء الله راح اخبرك اذا صار شي

[CraZy]

موضووع جدا جدا ممتاز وخصوصا محتواه , اتمنى الصور تكون ظاهره عشان نستفيد اكثر من اخونا الرازم

[black heart]

مثل مايقول اخونا الرازم
ماقصر اخوي الرازم شرح الوافي كله ............. يعطيك العافية اخوي


والله يوفقك اخوي مكا وي

[عاشق الروت وايلر]

مشاء الله تبارك الله وش هذا الابداع يالرازم
صدق احترافه وخبره على اصولها الله يوفقك
بس فيه بعد الصور راحت مدري وش مشكلتها

[CraZy]

اخوي الرازم , اخاف اقول لك مشكور واقصر في حقك , الصراحه مادري شقول على ردك الكافي الوافي

كفيت و وفيت والفايده عمت علينا بمعلوماتك...

بس عندي سؤال بخصوص جزء انت ذكرته , بخصوص الشعر الابيض الموجود في صدر الكلاب...

انا جروتي تقريبا 4 اشهر ومن قبل جم يوم لاحظت انه طلع لها شعر ابيض في صدرها والصراحه خفت اني انضربت فيها وتكون مب اصليه , الحين شفت كلامك و طمنتني...

ممكن اخلي لك الصوره وتبدي رايك ؟

[عاشق الروت وايلر]

وخوي تأكد من وجود الدايمن في الجيرمن شيبرد الذي تبحث عنه


يعني في صدره نجمه او الدبوس وهي عباره عن شعر ابيض

قليل على شكل نجمه خفيفه


هذي النجمة يعني ( دايمن )


تبين مدى رقي هذه السلاله وان هذا الكلب من


سلاله صحيحه 100%


فالكلاب الشو + الورك التي تحمل هذه النجمه


فأنها تدل على تطابق المواصفات


العالميه في سلاله الجيرمن شبيرد

اخوي الرازم هذا الكلام كثير ناس حيفهمونه بشكل خاطئ
ياريت توضحه لهم اكثر
لانه حتتلخبط عليهم المعلومات زي اخوي اللي فوق
ياريت يا اخ تحط صور كلبتك