.. كلبي ضيق صدري .. :(

[Musab Pro]

ابو فهد و كش ملك اجاباتهم وافيه ما قصروا معك .

مع انه فيه فرق خفيف بين الاجابات ولكن هذا الشي ما يمنع .. لكل مدرب اسلوبه الخاص.

اللي احب انوه عليه و ودي انك تفهمه زييين بس ابغاك تركز شوي فيه

امر No من اهم الاوامر ... وهذا ان شاء الله اذا تمكنت منه راح تحل مشكلة

اختباء الكلب تحت الاسره والكنب وايضا بتساعدك بمشكلة التوسيخ .

يبدا امر نوو من مرحلة القفص و ايضا من هذي المرحلة يبدا الكلب يفهم

انك انت القائد .


ارجوا التركيييييييييز .


شوف يا صاحبي ... الكلب الحين ما يعرف ايش يعني نووو .. وانت تبغى تعلمه ان معناها ممنوع

وبنفس الوقت لازم يعرف انك انت القائد و No means No . ماله اي خيار اخر .

نبدا بتمرين القفص .

الكلب لازم يبقى طول يومه بالقفص .. وما يطلع منه الا اذا انت موجود وتبغى

تلعب معه او تدربه .. يعني ما تخليه حر بالبيت يتمشى على كيفه .

الين هنا وضع الكلب راح يكون طفشاااااان من القفص ويبغى يطلع منه باي وسيله .

تجي انت وتفتح الباب شوي .. واول ما يحاول يطلع تقوله نوووو وتسكر الباب

وتعيد الكره وتفتح شوي و اول ما يفتح تقوله نوووو وتسكر الباب

وكل مره تزيد فيها فتحة الباب ولو هرب امسكه ورجعه وقوله نوووو

طبعا طريقة نطق كلمة نووو يجب ان تكون كل مره بنفس النبره ..

مو صراااخ تكون هادئه وبنفس الوقت واثقه و حازمه .

الييييين توصل معه مرحله انك تفتح الباب كامل وهو ما يطلع من القفص .

هنا الكلب بدا يفهم انك انت القائد وان كلمة نووو معناها ممنوع .

يكرر التمرين يوميا الين يموت احدكم يا انت يا الكلب بعد عمر طويل ان شاء الله .

بعد ما تتمكن من الكلب و يبقى الكلب داخل القفص والباب مفتوح .

تقوله بصوت لطيف و حماسي اوكي كمممممم

وحاول تستخدم البدي لانقويج .. سو بعض المؤثرات بجسمك وكانك تاشر له اطلع .

ولما يطلع تكافئه بألذ لحمه يحبها مثلا نقانق تعطيه قطعتين او ثلاثه .

.........

التمرين الاخر للقفص انك تعلمه على كلمة Go home .

والطريقه تستدرجه بالاكل لين يدخل القفص وتكافئه ثلاث مرات داخل القفص .

تفتح له الباب واذا حاول يطلع تقوله نووو ..

اذا طاع الامر تفتح له الباب و تقوله اوكي كممممم

وتكافئه مره .. وبعدين تستدرجه مره اخرى داخل القفص وتكافئ ٣ مرات .

وهكذا ،،، لما يفهم دخول البيت تضيف امر قو هووم ... يعني وانت تستدرجه تقوله

قو هووم . طبعا في كل التمارين اللي ذكرناها الليش يكون عليه .. عشان تسيطر عليه اكثر .

بالنسبه للاسئله الاخيره .. اذا تبول في المره القادمه قوله نوووو وتجاهله تجاهل كامل لخمس دقايق

هذا الشي ياثر عليه حييييييل .. ولا تستخدم الحبس كعقوبه لانه بعدين بيكره بيته .

واذا تبول في المكان الصحيح كافئه مرتين او ثلاث .. دائما في هذي المراحل من التدريب

حط لك شنطه في خصرك فيها مكافئات وخلك جاهز .

بالنسبه للوجبات ٣ وجبات بين كل وجبتين ٦ ساعات .. هذا الوقت كفيل ان الكلب يكون

جاهز للتدريب واستقبال مكافئاتك الكريمه باي وقت من بعد الاكل بساعه او ساعتين .

بالنسبة لعمره الحين تقريبا ٣ اشهر تقدر تبدا معه تدريبات الطاعه .

فيه معلومه تعتبر فلسفه شوي بس لازم ما نغفل عنها ..

عمر الكلب هو العمر الحقيقي و العمر العقلي .

قد يكون عمره شهر ونص ولكن عقله عقل ٤ اشهر في هذي الحالات تباشر التدريب

وهنا تستنج هذا الشي عن طريق الخبره و توضح لك اكثر اذا انت ربيت جراء من اول .

انشالله اكون افدتك .. تقبل مروري .