لأهل الخبرة ... مساعدة في كاسكو ينتف نفسه

[mohammad128]

السلام عليكم
كيفكون اخواتي؟
بعتذر عالازعاج بس ماعم افهم شو اعمل لهيك سامحوني حابب استشيركون بالحالة
انا اشتريت ببغاء افريقي من شخص
و الببغاء وقت اشتراه هداك كان ناتف كم ريشة من رقبتو
وقت هداك اشتراه فالببغاء قالولو انومشان ما ينتف حالو لازم يتحمم
قام الزلمة حملو و غطسو بالمي متل ما هو
مالكون بطول الحديث الببغاء كمل نتف كامل صدره
و الببغاء عمره كبير عينه اول صفارها
انا بصراحة زعلت عالطير و اشتريته من الزلمة
على قولة يا شاري الهم من قلب صاحبه
اشتريته من 3 اسابيع
و طبعاً بالحساب اول 3 ايام بس بحكي معو من بعيد ما قربت عليه لحتى حسيتو ارتاح و رجع يحكي منيح
بس يلي صار عندي انو الطير ما بيقرب بنوب عليي
بعطيه بزرة ..بيلمس اصبعي و بيكب البزرة
ئد ما بعطيه بزر نفس الموضوع
بعطيه فستقة بياكلها
بعطيه تفاحة بياكلها بنهم
بس ما بيرضى ياكل من ايدي شي تاني
بس بخو بالمي بحسو خايف كتير
بتركو .. بلاقيه عم يسحب الزغب يلي طالع بصدره و بيلحشه بقلب القفص
بس وقف ئدامه بحسو عم يرجف رجفة خوف
ما بيعطي راسه ابداً
وبس طالعه على ايدي
بيطلع من برا القفص ما بيعذبني كتير
بس ما بيخليني لحمس على راسه
و بس احمله بيصير بينفض براسه بشكل انو باين متدايئ
بضمو بهدوء على صدري
بيمسك قميصي هو بمنقارو .. بصير بلحمسلو على راسو انا ... بعد 10 ثواني بحسو بس بدو يبعد
بتركو على راحتو و برجعو على قفصو
بيصير بينتف
تركتو ما عاد قربت عليه بالمي ولا عاد حملتو
بس كمية الريش بالارض ما خفت
و بصراحة بلشت اعجز معو
ومالي عرفان شو اتصرف معو
ماعم اعطيه أي ادوية انا
فحابب استشيركون شلون لازم اتصرف معو
وسامحوني رجاءاً عالازعاج بس مالي غير مربي محترف لاسئله
و كل عام و انتم بخير اخواتي

[mubarak12]

وديه البيطري

اعتقد جاته نفسيه من صاحبه لاتزيدها عليه حاول تلطف له الجو

لاتضغط عليه كثير عشان ماينتف زياده

[تشآرلي]

وعليكم السلام ورحمة الله بركاته


بخير ونعمــــــــه ان شاء الله تكون بخير

اولا : مبروك عليك الطير


ثآنيا

قد يكون الطير يمر بمرحلى تغير الريش فيحتاج العنايه الكافيه من الاكل من اجل الفيتامينات والكالسيوم

ثالثآ

لا تحاول انت تقرب من الطير او ترشه بالماء بهذي الفتره
لان النتف يألم الطير وتصرفاته العدوانيه تزيد

حاول تأجيل التدريب او الترويض مابعد اكتمال الطير ريشه

يحتاج شهر ع الاقل يتعود ع المكان الجديد ويبدا تتحسن حالته


وتبدا معاه بالتدريب من الشهر الثاني

الطير كل ماخاف او زعل زاد النتف معاه

موفق

[mahmoud1977]

اخي الكريم ممكن صور للتوضيح؟؟؟

Sent from my SM-G935F using 2zoo.com mobile app

[Abu Adnan]

تربية الكاسكو تحتاج الى الصبر.
اعطي الطير وقت يعنى مثلا 1 شهر على الأقل من اجل توضيح الحاله هل هي مشكله نفسية الطير (مريض) او تغيير الريش (حالة طبيعيه) .

ياريت لو فيه صور لنقدر نساعدك.