كروانك ماياكل خضروات شاركنآ هووون ~

[Miss Tota]

السلام عليكم ورحمة الله وبركآآته

يسعدلي مسائكم حبايبي..

والله ياحلوين..أنا نزلت موضوع..وعرضت مشكلتي..عن طعام طائري القميل

والله يجزاهم خير الأخوان والأخوات عرضوا علي الحلول

وهذا هو موضوعي..

http://www.2zoo.com/vb/showthread.php?t=109011&highlight=%D3%C7%DA%CF%E6%E4%ED

وأنا حبيت أفيد البعض بعد تجربتي..

والله حطيت الأكل مكان الحبوب ومااكلهآ..

وفرمت البقدونس مع المويه ..والحمدلله شرب منهآ..مع انه بالبدايه إستغرب اللون..

وجلست يومين وماأعطيته شي..الا حبوب..

وبعدها فرمت بقدونس..وحطيته فوق الحبوب ..وجلس ياكل منهـ..شوي..

وسويتها ثاني ومانجحت..

بس الطريقه اللي أعجبتني..أنا معلقه خيط بالقفص..وهو مبسوط فيه يلعب فيه ويعضه

إذا بغيته ياكل بقدونس..علقت البقدونس بدال الخيط..وهو والله ياكل..واعجبتني الطريقه..

وعلى هالحال..مره احطله خيط ومره بقدونس..

أما باقي الخضروات مازلت أحاول أني أخليه ياكلهآ..لكن هذي بدايه حلووهـ..

ومعليش طولت عليكم بالموزوع...بس حبيت أعرض تجربتي يمكن غيري ..يستفيد..

وبس..ياليت يكون موضوعي مفيد..

مودتي لكم

[الفنانن]

بارك الله فيكي اختي ما لقيتي غير البقدونس تحطيه

لا تحطي بقدونس لانه الخضار الوحيد الوحيد المضر بالطيور والخاصة الببغاوات استبدليه بالجرجير والخيار

ولو الحين وانتي تقراي اللي كاتبه حاطه بقدونس ارفعيه عنه وانشاء الله ما يكون صاب طيرك شي تقبلي خالص تحياتي

[الإمـبـراطـور]

اختي Miss Tota

من خلال تجربتي مع الطيور (كروان،فيشر،بادجي،زيبرا)

كثرة الخضروات اعني اضافة الورقيات مثل البقدونس والجرجير والخس بشكل يومي مع حبوب الطائر، تسبب له مشاكل الاسهال وكذلك تسد شهية الطائر عن تناول الحبوب التي هي اهم من الخضار من ناحية التغذية للطائر فلذا انصح بإضافة الخضروات مرتين إلى ثلاث مرات بالاسبوع بكميات معقولة..كذلك ان الطيور ذات المناقير المعقوفة مثل الفيشر والبادجي والكروان تفضل قضم سيقان البقدونس والجرجير اكثر من اكل الاوراق...ولك تحياتي

[الأسد الملك]

موضوع جبار

ومبرووك ان طيرك صار ياكل

ويعطيك العافيه لعرضك لفكرتك للأستفاده منها

وماشاء الله الأخ " الإمبراطور " ماقصر بأفادتهـ كثرت الافراط فيها يسبب السهال

الحل سويله جدول غذائي وامشي عليه

مثل والله السبت بوكله حبوب بس

الاحد حبوب

الاثنين حبوب + جرجير

الثلاثاء حبوب + تفاحه

... الخ

والله يوفقك

[Mr.7MoOdY]

مبروك عقبال مايالك البصل <<~~

تقبلي مروري

[ابو سفر]

الله يعطيك العافيه ..افدتينا كثيير ..

يسلمو

[beeshoo]

ماشاء الله عقبال كرواني ان شاء الله :]

[الصوري]

شكراً ع الموضوع الرائع

أنا اللي عندي تعبت على ما خليته ياكل خضروات و فواكه

كنت احط له الخضروات و تخيس ما ياكلها بس جربت طريقه و خلته ياكل

حطيت له خبز و قام ياكله و بعد فترة حطيت له خس اول شي خاف منه و ما ايي صوبه
و بعدين الحمد الله استانس عليه و قام ياكله عادي