السلام عليكم حبيت أتأكد من الهاسكي

[قرموش]

السلام عليكم ورحمة الله وبركاته
باْذن الله راح استري هاسكي ومثل ما أنتم عارفين عندنا في السعودية وتحديدا الرياض أسعاره تكون غالية شوي
فأنا رحت لمحل لبيع الحيونات وطلبت منهم هاسكي سبيري وقالي اوكي
المهم بانه ارسلي صورة للهاسكي ولكن اذانيه مو منتصبه طايحه على قدام
فأنا سألته قلت له هذا سبيري بيور قالي ايه قلت طيب اذانيه وش فيها قالي انه صغير
اذا كبر راح ترتفع
الزبدة عمره شهرين و10 ايام
فياليت تفيدوني قبل ما اجيب العيد
مع العلم اني عجزت ارفع الصورة ولكن حطيتها خلفية لي

[الهولي]

وعليكم السلام ورحمة الله وبركاته

اول شي احب ارحب فيك بينا ونقولك هلا وغلا

وصحيح السيبيرين غالي خاص البيور وهو بالفعل اي جرو يكون في البداية الاذن نايمه بعد الثلاث الى الخمس شهور تقف

لكن الافضل انك تاخذ فكره اكثر عنها وحاول عن طريق مركز التحميل لتوزوو انك تنزل صور

الابوين والجزو نفسه عشان نقيم بشكل افضل لك

[قرموش]

يعطيك العافية على سرعة الرد
لكن موقع تحميل تو زوو كل ما اجي احمل الصور يقولي في زيادة 6 كيلوا بايت
فياليت تفيدني كيف ارفعها بشكل افضل
مع العلم اذا دخلت على بياناتي الشخصية راح تلقا صورته

[Octopus]

المشاركة الأصلية كتبت بواسطة قرموش

يعطيك العافية على سرعة الرد
لكن موقع تحميل تو زوو كل ما اجي احمل الصور يقولي في زيادة 6 كيلوا بايت
فياليت تفيدني كيف ارفعها بشكل افضل
مع العلم اذا دخلت على بياناتي الشخصية راح تلقا صورته

نزل صور ل ابويه و سوي تصغير حجم الصورة ب استخدام برنامج فوتوشوب

[الهولي]

بالفعل لو تنزل صور الابوين افضل وصوره له اوضح واكبر

وممكن تنزل عن طريق مراكز تحميل اخره عشان تصغر حجم الصوره

مع مركز توزوو فيه هذي الميزه وحاول

ودخلت على ملفك بالفعل صورة القمور صحيح صغيره جدآ لكن واضح انه

ميه ميه ولا فراخ الجمعية

لكن كأنه صغير جدآ الان يريت يكون تحت امه فتره اطول عشان نمو وصحه وحتى الاسلوب

وقوة القلب لها دور اذا اخذ فترة الحضانه الكافية

ومهم جدآ التطعيمات والتحصينات ومتابعة هذا البرنامج مع عيادة بيطرية متخصصة

بالكلاب والقطط