ودي في بغبغاء*********

[##قطقوط##]

السلام عليكم
كيفكم؟

اليوم من كثر ما اتصفحت في منتدى البغبغاوات
قررت اني اشتري بغبغاء بس عندي كم سؤال <<يالله عاد بس لا يكثر
طب نبدأ
كم العمر الي تنصحوني فيه يعني ما يأذي
كم السعر المتوسط له ووش النوع الي يستحمل كثير
وهل تربيته مكلفه
ووش سلبياته ووش ايجابيته
وهل له دفتر تحصينات
وهل يتحمل جو الغرفه
وفي النهاية كم يبالي فلوس عشان اشتري بغبغاء
وياريت تكون بتفسيل يعني مثلا القفص بـ200 والاكل من البيت يعني بكون بتفصيل
وللمعلوميه عندي قطط في البيت هل يضره
ولي موضوع ثاني عن البغبغاوات
هذا الي عندي الحين
وشكر

[كاسكو البحرين]

الرجاء تحديد نوع البغبغاء المطلوب لكي نستطيع الإجابة
لأنه صيغة الأسئلة تتكلم عن نوع معين

تحيتي

[كحيلان]

يصلح لك الكوكاتو مرح جداً حبوووووب يفضل يكون صغير 8 شهور ولايشترط ذلك فحتى لو كبير يتربى بسهوله بالنسبة لاكله فكل شي ياكله من حبوب وفواكه و....الخ يتحمل بشكل كبير افضل من الافريقي بمراحل وماهو معقد مثل الافريقي
عيوبه قليل الكلام ولا يصنف متكلم بارع

سعره حدود 2000ريال

القفص 150 ريال

يتحمل بشكل ممتاز لتغيرات الجو

تربيته مافيها تكلفه تذكر

التحصينات على كيفك

[##قطقوط##]

طيب مشكوووووووورين وما تقصرون بس انتم وش تنصحوني فيه لانه انا معرف في البغبغاوات الا الافريقي وابو الاون اما كم اسعارهم معرف فيهم شي بس مسمى اما القطط خبير فيها
انا قصدي وش افضل الانواع وياريت تدلون على محل في مكه وجده

[المستمتع]

إذا تبغى ذكي جدا وهذر يسولف وسعره معقول (900)
عليك بالأفريقي (الرمادي)
القفص 70ريال
يتحمل جو الغرفه ويفضل الدفئ بس لا تحطه قدام المكيف
أنصحك من 8شهور إلى سنه
أفضل نوع فيها الجامبو
أما القطط أنت ونوع القطط ؟ إذا قطط شوارع بتاكله في خمس دقايق
أما إذا القطط من عوائل محترمه لا نشاء الله ما تجيه بس كن حذر لأن هذا طال الزمن او قصر يكون (قطو)
أما التكلفه النهائية سعر الطير مع سعر القفص مع كيلو فصفص 5ريال كل شهر مع فواكه وخضار كل يوم
وترى إذا كنت تحب ببغائك كل شئ يهون

[هاوي الببغاوات]

انا من مكة وياليت تعطيني ايميلك على الخاص

[##قطقوط##]

اخوي مستمتع متأكد انه في بـ900 وين وهل هو اليف وناطق
ياريت تظيفني على هل ايميل
x_bas_x@hotmail.com
لانه السعر حلو مناسب لي
وبعدين ابشركم حصل نوع اسمه الدره بس مره عدواني حصلته الواحد بـ400 والجوز 600 وشرايكم النوع هذا حلو ولا لا
وهو اليف ولا دايم شراني
مشكورين وما تقصروا

[الطاير]

وعليكم السلام ورحمة الله وبركاته ,,,

حياك الله ##قطقوط##

والله الشباب ماقصرو معاك ..

بس عندي مداخلة بسيطة ,,,,

والله اذا تبغا طير 100%انصحك بالرمادي ...


لاكن فيه حاجه مهمة لازم تعرفها قبل ماتشتري الطير

انه اول شهر او شهرين اواسبوعين(على حسب الطير) ممكن يجننك ... وهذا طبيعي جداَ للطير الجديد ... طول بالك عليه
واذا طولت بالك اكيد بعدها راح يصير معاك سمن على عسل

ترى الطير مو زي القطط ... يبغاله عنايه اكثر من القطط ..ويبغاله تنويع في الاكل .. ومقابل كل يوم ((تجلس مهع شوي)) وتطله من القفص
وتشتري له العاب .. وتغير له الماء كل يوم .. وتغسل علب الاكل كل اسبوع... وحاجات كثيرة

وتذكر ان الرمادي ممكن يوصل عمره 70 سنة !!


وبالتوفيق


تحية
الطاير

[THE END]

بسم الله الرحمن الرحيم

بالنسبة للدرة الي تتكلم عنها...

ما انصحك فيها... لانها قليلة الكلام...

واذا كنت تبيها..

خذ لك فرخ بعمر اسبوعين...

وسعرها 200الى300 ريال...

وبتكون من اروع ما يكون خصوصا انك بتاكلها بيدك...

بالنسبة لفروخ الافريقي...

فيه عينها سودا ...

يعني بعمر 6شهورالى 8شهور...

في مكه بسعر900 الى 1000 ريال...

وبالله التوفيق

[##قطقوط##]

طيب مشكورين وما تقصرون على تفاعلكم
لكن وين احصلها بس ابا شي مضموووووون يعني يكون خالي من الامراض
وانا صامل
والحين وش قصدك اخوي الطاير انه راح يجنني يعني راح يزعق وراح يسوي جنان ولا يعض ويسوي مشاكل لليمسكه
وللمعلوميه ترا عندي الاهل بالقوه راح يوافقوا يعني بعد طلووووووع الروح

والله ما قصرتوا
ولا تحرمونا من مداخلاتكم