ببغائي العزيز الغالي مات مني والله القهر قتلتني..

[ديار يحب رمادي]

الله يسعد ايامكم يا اصدقائي العزيز...........

بعد ما كان ببغائي العزيز اليف جدا وانا مرطبت ويها وكنت احبها كثيرا وهو يحبني بدرجة لا تتصور

بس كانت جنا حها مقطوعة بشكل مخربط وكان اقربائي دائما يقول لي ليش متطلع جناحها حتى

يطلع جناح جديد وحلو ...فد يوم وس وس لي شيطان ان اطلع ريش جناحها الرئيسي..وطلعتها

على يدي وبعدين خليته داخل قطعة من القماش ثخين حتى لا يعض قوي..بعدين طلعت اربع

ريشات من جناحها رئيسي وكانت بعد عمري بصيح ويجعر كلش كلش قوي وبعدين وقفت وخليته

على الستاند.وبعد اربع ساعات شفت ميشرب ولا ياكل وشفت هو حزين و راخي وبعد صباح

شفت مثل حالة سابقة وبعدين اني شربته بس كان يسترجع الماء ميقبل واخذ يم بيطرية بس

بدون علاج اربع ايام صار بدون شرب وبدون اكل كنت والله حزين كلش وهو كان دائما نايم ميلعب

ميصفر حتى خامس فيب المساء...انا لله وانا اليه الراجعون..مات مات ببغائي العزيز وانقطعت قلبي

بسريان دموعي عليه لمد الاسبوع كامل ...وكنت حزين جدا واهلي ايظا وكانت اي اعز صداقة

بس سؤال يا كاسكو البحرين ..هل هو مات بسبب ذلك او كانت مرض انا لا اعرفها...بس كانت برازه

اخضر سائل....

اخوكم صغير...

ديار يحب الرمادي

[LiLi]

ديار يحب رمادي

ماذا فعلت لببغاءك العزيز

أنت تدري أن الببغاء و خاصة الافريقي حساس جداً

و خاصة لمن يقص جناحه يصير حزين و متوحش

فكان عليك أول شيء تخلي أحد غيرك يقص من جناحه

بس أشوي مو الريشات الريئسية

عشان ما يتغيرك معاك و لا يزعل منك

صدقني أن الببغاء الأفريقي المفروض نعامله مثل الطفل

و هذا ما لاحظته أنا .. و لكن الآن لا ينفع الكلام

فقد فقدت طيرك الغالي

فإنا لله و إنا إليه راجعون

ربي يعوضك خير و لكن لا تنسى الدرس

بالتوفيق

[MLoOoK]

صح اختي ليلى الافريقي حساس جدا ويمكن انك قتعت الثلاث الريش الاولى اللي اسمها السبك بس اللي راح راح وهذا درس لك

[Bin afif]

عظم الله اجرك


واحسن الله عزاك


ومعوض خير



العزااااااااء في صفحة الرد السريع وجزاكم الله خيرا <<<<هههههههههههه



نعمة النسيان حلوه اخي ديار

انسى وربنا يعوضك افضل منه


تقبل تحياتي

[البطريقه]

مسكين الله يرحمه

[تفاحه حمرا]

الله يرحمه .. اخوي لاتحزن .. وخلي هذا درس لك عشان ثاني مره لاتتصرف تصرف وانت ماعندك اي خلفيه عنه .. والله يعوضك خير

[كاسكو البحرين]

الله يعوضك ابغيره ان شاء الله

اولاً مانقدر نحدد سبب الموت بس الاسباب اعتقد واضحه
سبق وتكلمنا وشددنا على نقطة قص الجناح للطيور
هذه الفصيلة ( بورت) ذكية جداً واتوقع اللي حصل عدم التعامل الجيد
وقت القص + الموقف السيئ اللي اخذه الطير منك وبالتالي اكيد
نفسياً تعب وتتهدور الحاله الصحية للأسوء فماذا فعلت يا أخ ديار يحب رمادي
على العموم اللي صار صار ولا فائدة من الندم غير انك تتعلم من هذه الامور
الله يوفقك ويعوضك ابطير احسن منه

[محمد الرياض]

درس لنا جميعًا ..

و يعوضك بأحسن منه ..

[بنت الإمارات]

الله يرحمه

[الطاير]

اخ ديار ....


السلام عليكم ,,,,

الموضوع هذا احزني ...
والله اكثر مما تتوقع ...

رجعت اشوف المقطع حقك القديم الي انت تلعب وياه ....
والله شكله ممتاز جداً مافيه شي يخرب شكله يالغالي ... !!!

من الي غزك في راسك وقالك انتف الريش حقه ؟؟؟

بعدين انت نسيت انه فرخ ؟؟؟
الفرخ مايتحمل ياطويل العمر ....

لو انه كبير عيون صفراء كان عادي ...

بس فرخ تسوي وياه جذيه !!!!!



انا ما ابغى ازيد عليك المواجع اخ ديار ...


لاكن الله يصبرك يالغالي ... ويكون في عونك ,,,
و يعوضك باحسن منه



شكراً على مشاركتنا التجربة معاك ....


وبالتوفيق ...




الطاير