طريقتي مع الليتر بوكس بالخطوات

[kuwaitia]

السلام عليكم...

شلونكم توزو؟؟..

صراحه انا جربت طرق وايد مع الرمل مال الليتر بوكس

وبعد ما قريت مني ومناك واطقست على قولتهم وصلت هالنتيجه ... كع ملاحظه انا افضل استخدم رمل كات برايد ماالقاه الا بتروفاليو... وشكله مثل التراب الضبط ويتكتل اسرع مما يساعدني جدا بالتنظيف بس للاسف ما كان لي روحه صوب شويخ فاضطريت اني اشتري تيدي كات من مركز سلطان وهم هذا النوع زين

اول شي تحتاجون الكريستال.. واهو انواع وايد بس هذا اللي ارتحت له بالنهايه >>> جاري تجريب نوع قبل فتره شاريته من كارفور بس للحين ما قررت شنو النتيجه النهائيه



وتحتاجون حق رمل .. استخدمو اي نوع مفضل عندكم




وبيكربونات الصوديوم... قريت مره انه يطير الروائح الكريهه برمل القطط وحبيت اجربه وصج حسيت بفرق .. بس ديرو بالكم لا تخلونه فتره طويله عشان لا يسبب التهابات للقط



كيس لتغطيه الليتر بوكس... انا افضل استخدامه لانه يسهل لي عمليه التنظيف



واكيد الليتر بوكس



والمشخل بو قفشه>>> مادري شسمه خخخخخ



التطبيق

طبعا تخلطون كل شي مع بعض وتحوسونه بالمشخل بو قفشه ليما يصير جذي


هني بيكيو الملقوفه عبالها لعبه




وانا افضل احطه على قطعه ربر عشان الوساخه ما تنتشر

[SleepyMiracle]

سلاااااام


شكرا يا ام بيكي على الموضوع المهم هذا ... فعلا حوض الرمل هو اهم شي ولازم كل مربي قطط يراعي فيه اشياء كثيرة من ناحية نوع الرمل وكل شي متعلق فيه ..

عجبتني مشخل بو قفشه خخخخخ انا بعد ما ادري شيسمونه

الظاهر اني بجرب بيكربونات الصودا .. وان شاءالله يكون في فرق في الريحه

[دلوعةتوتو]

الف شكررررررر طريقتج حلووووووة بس معقده واايد

انا
اشتري رمل نوعه كلمبينق يتكتل فيه الوسخ الله يعزكم
واشيله بممشخال بو كفشه هههههههههههههههه

(مجرفه)

لكني حاليا افكر اشتري بودره المعطره للرمل مال القطط

واذا مافاد بحط بودره معطره مال سجاد

صراحه خيست غرفتي منحمامها ووالدراي فوود

والمعلبات جربته ليووم وحرمته عليه رييييحه وعووووو
فقررت كله اكل بيت ودراي فود
ذبحتني

ههههه
وتقبلي مروري

وحط

[احـمـد]

شكرا كتير على هل الموضوع الي ابصراحة اكثر من روعة

بارك الله فيك
اخوك احمد
تحـياتي..

[آنـــــو]

وعليكم السلام والرحمه

شغل تمام ومرتب ماشاءالله عليك

بس سؤال الأكياس اللي تغطين فيها الصندوق ماتتشقق من أظافيرهم أو تطلع من مكانها لما القطو يدفن أحيان أيدينهم تطلع برا على حواف الصندوق

الى كم المده علشان تغيرين الرمل كامل ؟؟

ومشكوره على الموضوع ياقلبي

[sisi_moon]

اها طريقه مرررره مرتبه وحلوه

بس بسالك ..

يكفي الكريسال بروحه ولا مايكتل ؟؟؟

والاكياس انا مره كشخت وحطيت لها كيس خااص بالليتير بوكس

ونتفته تنتف وشلته عنهاا ههها

يسسسلمو حبيبتي

[قطو_Q8te]

شكرا كويتيه
كنت مسوي موضوع مثله وذكرتيني بقطاوتي اول ماحطيت لكريستال كلوه
شكرا واستمري بلابداع

[أسومي]

مشكورهـ يالغاليه كويتيه

وشغل ميه ميه


وإنشاء الله الكل يستفيد

عوافي عساس عالقوه


تقبلي مروري

[Withered Rose]

حلو موضوعج كويتيه احب المواضيع اللي تدعم بالصور ..
انا نفس طريقتج تقريبا بس استخدم البوكس اللي فيه قطع الكربون هذا صج يطير الروايح مع البيكربونات ..
رمل الكريستال الاول درجته عاديه لكنه زين حق التكتل اما اللي يقضي على الروايح اهوا الكريستال تبع "سنابي توم" احسن ..
و مشكوووووووورة

[nobody-know-me]

يعطيج العافيه اختي كويتيه ..

عندي سؤال بخصوص الكريستال ..

انا قريت مره انه يسبب حساسيه للقطط و بالاخص لما نخلطه مع بيكربونات الصوديوم ..

فما ادري هالكلام صحيح او لا !!

اذا مو صحيح يا ريت تقولين لي وين يبيعونه ووين احصله - شنو يسمونه بالسوق يعني - عشان اجرب طريقتج ..

و يعطيج العافيه مره ثانيه ..