منتديات تو زوو متخصصون في عالم الحيوان وتربية
المخلوقات الجميلة ويضم منتدانا أكبر وأروع تجمع لهواة تربية الحيوانات والطيور
والأسماك والأحياء المائية والزواحف والبرمائيات ولمتابعي تحركات الحشرات
والمفصليات ولمحبي الزراعة والعناية بالنباتات كما نوفر لكم من خلال سوق تو زوو
الالكتروني الكبير عرض سلعكم بالمجان وبعد ذلك كله تستريحون في استراحة الهواة
متمنين لكم طيب الاقامة لدينا
وانا للاسف ماعندي اي نوع من الخبره في دا النوع من الطيور او في الطيور بصفه عامه
فياليت احد يساعدني ويرد على شويه استفسارات
هو عندي من شي اسبوع تقريبا
ودي صور إيكو (يعني صدى بالانجليزي لانو متأمله على قدام ان شاء الله يتعلم يتكلم ويردد الكلام)
دي صوره من قريب اعتقد تقدرو تميزو العمر من لون العيون
طيب نجي للأسئله
_ كم عمر االتقريبي للببغاء تبعي؟؟
_ وايش حكايه الحلق الي برجلو؟؟.... حاولت اقرا ايش مكتوب بس خفت يعضني ... خلي كمان كم يوم عبال ما ياخد عليا ....
_ وكمان من اول بقرا بالمنتديات عن القفص الي ينفتح من فوق ... لي تبعي مو زي كده
وهادا قفصو
_عندي مشكله انو مررره مما يحب القفص... جدا اتعب معاه لمن ارجع ادخلو القفص وقت النوم يفضل يجعر ومرره يعصب ...ايش اعمل؟
_ كمان شي.... انا عندي بساس بالبيت ... والين دحين الوضع تمام.. وشايفه انو بساسي هيا الي خايفه من العضو الجديد بالعيله....
يعني اطمن على قدام ما يحصل بينهم شي؟؟؟؟؟
_وشي تاني ... بدي اروشو ... لانو حاستو بيهرش بجسمو... اخاف يكون في فطريات ولا شي..... بس اخاف يكرهني ويزعل... لانو جدا مزاجي الي عندي .... وغير كده اخاف يمرض عليا ... ايش الحل؟؟
_ وكمان سوال للقافه.... كم سعر دا الببغاء ... اتوقع اشترولي هوا من جده... مو راضيين يقولو سعرو على اساس هديه وما يسير
_ اخر شي في بيطري كويس في مكه لحالات الطوارئ لا قدر الله... وعشين اضافيرو مره نكبتني بدي اقصلو هيا؟؟
هذا الإفريقي الرمادي ، وواضح انه صغير بالعمر تقريبا 6 شهور يعني لسه "بيبي"
بما ان الطيور هذي معمرة تعيش الى 50 سنة تقريبا والاعمار بيدالله
ومحجل "الحديدة اللي في رجله تسمى حجل يعني مستورد" او هولندي
الطير روعه ماشاء الله وتقريبا اسعار الفروخ على 2500 الى 2800 ريال
والقفص ممتاز جدا ماشاء الله
ولكن انتبهوا عليه من التيارات الهوائية يعني لايكون المكان بارد ولا حار
وبالنسبة للترويش جيد لكن بكل حذر
والقفص لسه ماتعود عليه
بالنسبة للكلام لاتستعجل على رزقك حيتكلم ان شاء الله
المهم البيطري لازم تلقى واحد ممتاز هذي الفروخ يبغى لها عناية خاصة ومضادات لان مناعتها ضعيفة
وموفق باذن الله
الطير ماشاء الله تبارك الله لاقوة الا بالله ماعليه اي كلام روعة
يارب عفوك
__________________
"اللهم لك الحمد والشكر حتى ترضى"
http://www.2zoo.com/vb/showthread.php?t=114427
http://www.2zoo.com/vb/showthread.php?t=114413
http://www.2zoo.com/vb/showthread.php?t=115449