ساعدوني في اختيار ببغائي الجديد

[MR.MHASTER]

الســلام عليكم

اخباركم ان شالله تمام ...

المهم اخواني الاعضاء انا قررت اشتري ببغاء امزوني (بلوفتند )

وقلت قبل ما اروح السوق اشوف اراء الاعضاء قبل ما اشري واتوهق

المهم ابي رايكم في

كيف اعرف الببغاء الحار من الخامل

كيف اعرف الببغاء المريض من الببغاء الصاحي

كيف اعرف الببغاء الذكي من الغبي

وكيف افرق الامزوني من غيره

تحياتي لكم جميعا....

[*هاوي البادجي*]

الببغاء الحار بتشوفه يتحرك ما يوقف بمكان وكل شوي رايح يمين يسار اما الخامل بس قاعد بمكانه ما يتحرك ولا يتلفت

الببغاء المريض يكون خامل والببغاء الصاحي يكون حار وحركي ونشيط

مو شرط تعرف ان الببغاء ذكي من غبي ان اتوقع الذكي اذا طقطقت بالصبك بصوب اليمين يطالع يسار ههههههههههههههههه لا امزح يطالع مكان الطقه معناته ذكي
وكيف تفرق شنو انت ما تعرف شكل البلو فرنتد واذا كنت ما تعرف تفرق بين المازونيات اخذ هذا الرابط راح يفيدك

http://www.2zoo.com/vb/showthread.php?t=170169

(^_^)
اتمنى اني افدتك
تحياتي لك

[إكليكتوس]

بعطيك وجهة نظري عن البلوفرونتد <<< طبعا هذا رأيي الشخصي

فصيله معقده ونكديه وشخصيته تجيب المرض وناكر للجميل ......... تشتري واحد يتكلم توديه بيتكم وتدلعه ومع ذلك يقعد شهر أطرم ......... هذا مثال بسيط

سبق وشريت 3 درجة أولى "جاكو" ماتوفقك فيهم مع إني شريتهم على السمع والشوف ........ وألحين عندي واحد شريته من الكويت بـ 8000 من أشهر جنّاية الطيور في الكويت عنده الإخلاص كامله وأغاني كثيره وجمل بالهبل ........ ومع ذلك متقلب الأجواء يوم يطلع على يدي ويوم إذا قربت منه يحط رجله ويوم يجعر ويوم ساكت ولا حرف ....... مع إني مدلعه عالآخر من جميع النواحي ........ بصراحه صار عندي قناعه (شخصيه) إن هذي الفصيله معقده وتجيب الهم

زيد فلوسك وخذلك يلوناب والله يبسطك ويوسع صدرك ........ فصيله إجتماعيه وحنونه تقّدر إللي يقدّرها ........ أو خذلك كاسكو أليف وجريء


وأنت أبوها وسمها وهذي وجهة نظر شخصية من واقع تجربه ومالي شغل ببقية الآراء ......... وبخصوص الطير كيف تعرف الطير الزين ........ يعتمد على :

1- المظهر العام ......... الجسم متعافي وليس هزيل وعظمة الصدر ماتكون بارزه ...... سلامة الريش - المنقار - الأرجل والأضافر

2- حركة الطير داخل القفص تكون طبيعية ويكون نشيط

3- تصرفات الطير وردود أفعاله (وهذي قد تختلف من طير لآخر خصوصا في السوق أو أمام الغرباء) ......... لكن عموما إذا قربت منه وكلمته أو صفرت له تلاحظ بؤبؤ العين يصغر ويكبر وهذي دلالة تركيز ....... فرش الريش وخصوصا الذيل ....... تحاول تدخل يدك وتستفز الطير وتشوف ردة فعله طبيعيه ولا مستدلخ ...... تعطيه أكل وتشوف ردة فعله بياكل من يدك أو ياخذ الأكل ويرميه وهذا كله طبيعي

4- ذرق الطير - البراز (يكرم القاريء) ........ تشوف لونه وكثافته ....... الطبيعي يكون كوكتيل ههههه أخضر وأبيض ...... ومتكتل زي المعجون مهوب سائل زي الماي

5- عمر الطير ........ يبين إما عن طريق الحجل (الأصلي) بالتاريخ ....... أو بالخبرة سواء من لون عين الطير أو الريش أو الأرجل والأظافر ....... وهذي العلامات يبغالك واحد خبره يكون معاك لأن الكلام عنها يطول

5- الحجل هل هو أصلي دبله قطعه واحده ...... أم كبس أبو شنكار (طرف ذكر وطرف أنثى تنكبس مع بعض ويكون واضح) ......... لأن بعض ضعاف النفوس يحطون حجول كبس ويقولك الطير محجل شد بلد


هذا إللي عندي ........ وبالتوفيق لك

[zxooozx]

السلام عليكم
اخي الكريم شو الروابط التالية تلقى مايفيدك ان شاء الله
وهذا رابط لقسم البيع بالمنتدى:
http://www.2zoo.com/vb/forumdisplay.php?f=20

وهذي رابط لموسوعة الطيور :
http://www.2zoo.com/vb/forumdisplay.php?f=10

وهذا رابط لمواضيع مهمة:

http://www.2zoo.com/vb/showthread.php?t=98031

http://www.2zoo.com/vb/showthread.php?t=119115

http://www.2zoo.com/vb/showthread.php?t=103302

ارجو ان تطلع على جميع ماسبق قبل ان تشتري حتى تقرر ماذا تريد وما الذي يناسب امكانياتك وظروفك
مع اطيب التمنيات

[MR.MHASTER]

مشكورين وماقصرتوا يالغالين

وكل كلامكم وارشاداتكم بعين الاعتبار

تحياتي لكم

[عبدالعزيز العتيبي]

اذا تبي كاسكو خذه وعمره مايزيد عن 7 اشهر عشان سهولة التدريب

اما اليلوناب والبلوفرونتد والمكاو خذها واعمارهم ما تزيد عن 4 اشهر اذا كنت فاهم للتربية

خذ يلوناب او كاسكو ..


قبل ما تأخذ اي طير .. تأكد من الاتي :

- عدم بروز الصدر بشكل واضح ... هذا بعد عنه بسبب الدود
- شوف الانف وتأكد انه ناشف .. يعني ماينزل من انفه سوائل
- تأكد من عدم اصابة الطير بكسور او جروح
- تأكد من نظافة الريش .. القمل عدو لدود للطير


وان شاء الله تحصل اللي يعجبك

بالتوفيق

[MR.MHASTER]

مشكور اخوي العتيبي

وان شالله انا بكرا ابروح سوق القطيف وان شالله احصل الطير الي يعجبني

[zxooozx]

اخوي نصيحة اطلع على الروابط اللي عطيتك سابقا قبل لاتشتري اي شي حتى تكون على بينه

[ابوغزل]

مساء الخير اخوي مشالله الاخوة الاعضاء افادوك بشكل رائع لكن اضيف لكلامهم من وحي الخبرة

دايما خد طير البوفرونتد الي نافش ريش راسه وقت ما تحاول تكلمه لانه هاذي دلاله على انه عبقري زمانه ويقدر يقلد فوق الالف كلمة

هاذا والله اعلم


تقبل مروري ابو غزل

حبتيييييييييييييييييييييييييين

[MR.MHASTER]

مكشور اخوي ابو غزل

لاكن رحت سوق القطيف ماحصلت شي مع اني كنت متوقع اني راح احتار وش اختار

لاكن الحمدالله وانا الحين قاعد ادور في منتدانا الغالي

ومشكورين وماقصرتوا

وياليت لو احد يعرف احد عنده بلوفنتد يعطيني خبر

تحياااااااااااتي للجميع