اشترك في نشرتنا البريدية ليصلك كل جديد

عاشق الدواجن · 31-07-2009, 05:21 PM

اليوم رجعت من تايلاند وجبتلم اخبار وصور تجنن وقبل ما اكلمكم عن تايلاند بكلمكم عن شيئ مهم وهو ان بعض الأعضاء لاحظوا ان انا اكتب thank you و waaaaw وهذا لأن مافي ولة كيبورد عربي في تايلاند كله انجليزي وتايلاندي ودورت عدل بس ماحصلت وسالت ابوي وقلتله ليش مافي فقال : لأن مني مايعترفون بالعرب

فقلت انزين خلني احط ابتسامات بدل لكتابة والحمد لله صار كل شيئ تمام وببتدي وياكم من أول ما دخلت مطار بانكوك:
اول ما دخلت مطار بانكوك شفت في شرطة في كل مكان منخشين وفيدهم كلاب فخفت فسألت ابوي ليش كل هاذي الشرطة فقال بصوت خفيف : هاذي شرطة المخدرات واذا الكلاب شمو ريحتها في اي شنطة بي هوهوو فقلت اهاا وطلعنا من المطار واخذنا تكسي الى منطقتنا بتايا ستي واحنا نمشي في الطريق شفت جبال وخضرة وسبحان الله جبالهم لونها أخضر

وهاكم صورة بس من الطيارة عشان ما لحقت اصور عشان كانت الكميرا في الشنطة :

وبعد اما وصلنا بتايا حجزنا في فندق والي يبي اسمه يراسلني على الرسائل الخاصة

وبدت رحلاتنا بعد وصولنا بأسبوع يعني ريحنا اسبوع وبعدين حجزنا حق رحلة
واول رحلة ذهبنا اليها كانت حديقة التماسيح ومناك تفاجأت بأني حصلت اقبح سمكة في العام وطبعا صورتها وصورت الحديقة بعد وهاكم الصور المجنونة

:
هاذي صورة السمكة :

وهاذي البركة مالتها :

وغيرها من الصور :

وهاذي في عرض التماسيح الخطير :

هاذي المدرب وهو يحط راسه في فم التمساح :

ومني وهو يحمل بيبي التمساح :

وهاذي اول رحلة اما ثاني رحلة هي رحلة حديقة النباتات الأستوائية:
وصراحة هاذي احلى رحلة رحتها في حياتي فيها كل شيئ نمور وفيلة ونباتات تجنن وخلكم مع الصور :
هاذي في الدخلة وصورتها واحنا في الباص :

وهاذي صورتين من فوق البرج وصراحة كان يتعب في الدرج لأنه عااااالي :

وهاذي صور للغوريلا :

وهذي منظر طبيعي من داخل الحديقة :

وهذي انا وعلي الببغاء :

وهذي انا وعلي القرد :

وهذي انا وية النمر :

وهذي انا على ظهر الفيل :

وهاذي ثاني رحلة اما ثالث رحلة كانت غريبة شوي لأنهم ودونة مكان اسمه believe it or not
بس للأسف كان ممنوع التصوير بس بحكي لكم :
رحنا بالباص الى هاذي المكان و عندما دخلنا وجدت عالم ثاني وهناك 4 اماكن بيت الرعب وتحصل فيه اشياء مرعبة جددددددددددا و صدق او لا تصدق وهو عبارة عن متحف تدخل فيه وترى غرائب العالم ومتاهة المرايات الخادعة والتي تحصل فيها اشياء مضحكة وغريبة من صنع الكمبيوتر و السينما ثلاثية الأبعاد وهية عبارة عن كراسي مثل السينما ولكن غريبة وفيها ازرار وتختار احد الأفلام ويدخلونك الفلم انا صراحة دخلت فيلم القطار السريع و في الدخلة عطوني نظارة سوداء عبالي نظارة شمسية خخخخ بس بعدين عرفت انها تقرب الشاشة مرتين وبعدين يبتدي الفيلم والكراسي تتحرك مع المؤثرات وكان في اصوات وبخار وهواء كأنك صج قاعد في قطار وطبعا كل فلم ب200 بات
ودخلونا الكل المتحف وبيت الرعب والسينما و المرايات وكل شيئ واكثر شيئ ارعبني بيت الرعب كان يخرع وما أقدر انسى اما مال المنشار يركض وراي يممممماه

وانتهت رحلتي ورجعت البحرين بالسلامة الحمد لله وشكرا لكم و امنيتي انكم تستفيدون من الموضوع وانشاء الله ترحون تايلاند وتستمتعوا مثل ما استمتعت بس نصيحة لا تروحون بيت الرعب لأنه فظييييع

وشكرا

الآسطورهـ · 31-07-2009, 07:14 PM

يعطيك ألف ألف عافيه على الصور الحلوه ياحلو

امتعتني والله

وانا ودي ازور دول شرق آسيا كلها بدون استثنآء

تحياتي لكـ

ابو محمــد · 31-07-2009, 07:43 PM

امتعتنا بالصور الحلوه ومعروفه تايلند بالطبيعه الخلابه واسمحلي اعطيك بعض المعلومات عنها

كان اسمها في عام 1940 بالسيامي وبعد انتهاء الاستعمار سميت بي تاااي وتاااي بالتايلندي الحريه وسموها

تايلند (ارض الحريه).

عدد سكانها تقريبا 65 مليون وبانكوك العاصمه وعدد سكانها 6 ملايين .

صور رائعه وجميله وخاصه الغورلا تحس انه معزب هههههههه