ملاحظاتي على طائري

[ابوسهيل]

السلام عليكم ورحمة الله وبركاته
عندي طير ذكر درة مطوقة العمر 8 اشهر تقريبا واسميته بيتوو Bettoo
طبعا الطير اليف نسبيا ياكل من يدي ويطلع على اليد لكن مجرد
مايطلع يحاول يصل للكتف ثم يقفز
السؤال هو: كيف استفيد من نشاط الطير حيث ان الطير ماشاء الله جدا نشيط وكثير الحركة
ودايم يحاول يلاق مخرج من القفص وادا خرجته مايترك مكان في البيت مايروح له
ثاني شي الببغاء مقصوص ريشه بشكل خاطئ ماهو مرتب ايش الحل فيه
ثالث شي احيان اشوف الطير فاك منقاره ويحرك لسانه زي الكلب اعزكم الله
اتمنى ردود طيبة

[S4LMAN10]

اخوي اخر ملاحظه من حراره المكان او انه عطشان لاكن الاغلب حراره المكان عاليه

[ابوسهيل]

مشكوور اخ سلمان على الرد
وننتظر بقية الردود والاجوبة

[robin hood]

ابو سهيل
الله يباركك بطيرك يا رب
اما الملاحظ الاخيرة فعلا
من الحَر
ونا اشوف انك تلعبه
او تجبله العاب بس لا تأخذ الالعاب الخشب
المرشوشة بالأوان لأن ما تدري يمكن تتحل
وتذوب ألونها بسبب لعابه فـ أنت خابر انها ضضارها
جبله العاب
شفت مثلا الكرتون حق القصدير الي ملفوف عليه
جيب زيه بس بلاستك وخذها اكبر من حجمه قليل
عشان لا ينحشر جوها جبها بطول يدك من الكتف مثلا
وخله يدخل من جهة ويطلع من الثانية وقوله شااااطر
وعطه فواكه ولا حب
عاد انت واسلوبك معه ونت اعرف بـ الي يحبه
جبله كم سلم وحطها متعاكسات يعني سويله مدينة ملاهي مصغرة وانت وفنك
مثل كذا يبو سهيل

يعني خليه بطل أولمبياد
بدع فيه وخليه يبدع فيك هو بعد
هذا الي عندي
وياليت الاخوان يجون
يسدحون الي بخواطرهم
لان الكل يستاهل يخدم اخوه
بـ الي يقدر عليه
ومبروك عليك الطير

[أسيــــر]

وعليكم السلام ورحمة الله وبركاته
مثل مافادك الاخوان في بعض النقاط
وبنسبه لريش اتركه الى موعد طرح الريش التبديل
وان لم يتساقط لبد شخص محترف يقلع الريش المتكسر لانه في الم لطير
بتوفيق ان شاء الله

[robin hood]

مشكور أخوي أسير
وعساك ع القوة

[ابوسهيل]

مشكورين احبتي على التفاعل الجميل
بالنسبة للملاحظة الاخيرة اللي قلتم سببها الحر
انا رحت للبيطري وقالي التهاب رؤوي واعطاني قطرة اسمها Pet Trail
وقلي استخدمها لمدة 7 ايام دعواتكم له بالشفاء
واما حكاية اللعب والملاهي ماني مقصر معاه جالس ابني له ملاهي ما ان انتهي منها
راح انزل صور لها ان شاء الله مع انه ماشاء مايحتاج البيت كله ملاهي له الله يعافيه
تقبلو ودي وتحياتي