** مساعده من خبراء البلابل لو تكرمتم **

[ثعبان]

السلام عليكم

أعضاء المنتدى الكرم

حبيت استفسر عن بعض الأمور من أصحاب الخبره

قبل اسبوع واثناء موجه الغبار اللي حصلت كنت في المزرعه

لقيت فرخ بلبل على الأرض واخذته وبحثت عن العش وانتظرت فتره طويله

لكن ماكان في اثر لا للعش ولا لواليده

اخذت الطير معاي للمنزل واعطيته سيريلاك واليوم الثاني جبت اكل بلابل

وخليته ناعم وحطيته مع السيريلاك والحمدالله صار له اسبوع تغيرت صحته وشكله

وصار بأحسن مايكون مايخاف ويطلع على اليد وياكل طبيعي

هذي صوره الطير اليوم صورته



سوالي عن التغذية

متى ممكن اعطية غذاء صلب وكيف تكون الطريقة

احد يفيدني بعمره التقريبي من شكله بالصوره

وشاكر لكم ومقدر

وبالتوفيق للجميع

[snsk]

عمره يمكن شهر لان انا تركت تربية البلابيل
وبالنسبه الى الطعام خليك على السليلاك
واعطيه رز مطبوخ او خيار يعني نوع معاه بشكل قليل

[F50]

اخوي شوف طريقتك كويسه

وعطه رز مهروس ..

[B0B]

يتربى بعزك
هذا عمره من 3 اسبايع الى 4 اسبيع
وانا طيري عودته ع الأكل اليابس اخليه يجوع اشوي وبعدين واضع له اكل يابس في القفص ويأكله ولكن لاأجعله كوجبة رئيسية انما لتعويده فقط

ويمكن لك ان تعطي له البيض المسلوق مع البقسماط وعطه برتقال او تمر لكن لينه

[ثعبان]

المشاركة الأصلية كتبت بواسطة snsk

عمره يمكن شهر لان انا تركت تربية البلابيل
وبالنسبه الى الطعام خليك على السليلاك
واعطيه رز مطبوخ او خيار يعني نوع معاه بشكل قليل

مرحبا فيك اخوي

ومشكور على المعلومات المفيده

المشاركة الأصلية كتبت بواسطة F50

اخوي شوف طريقتك كويسه

وعطه رز مهروس ..

الله يعطيك العافية اخوي وشاكر لك ردك

المشاركة الأصلية كتبت بواسطة B0B

يتربى بعزك
هذا عمره من 3 اسبايع الى 4 اسبيع
وانا طيري عودته ع الأكل اليابس اخليه يجوع اشوي وبعدين واضع له اكل يابس في القفص ويأكله ولكن لاأجعله كوجبة رئيسية انما لتعويده فقط

ويمكن لك ان تعطي له البيض المسلوق مع البقسماط وعطه برتقال او تمر لكن لينه

مشكور اخوي على المعلومات المفيده والله يعطيك الف عافية

[wld-.-q8]

لاتعطيه اكل صلب ليما تشوفه بده يعض بعدين تقدر توكله تمر بإيدك
ومشالله صحته زينه والله يهنيك فيه

[هاوي الببغاء]

نصيحة مني لك :
لا تخليه يتعود على أكل الكيماوي الصلب بهذا العمر ، خله اذا فطم السبب ؟لان اذا تعود من ألحين ماراح يتعود على الأكل من يدك واحتمال يكون حذر ، وأفضلك انك تأكله من يدك عشان تدربه انك تناديه ويجي وتكافئه بأكل لين ؛ وبعدين يكبر ويفطم كل ماتصافر له يجيك لياكل من يدك .

ومعذرة ع الفلسفة الطويلة .

[ثعبان]

المشاركة الأصلية كتبت بواسطة wld-.-q8

لاتعطيه اكل صلب ليما تشوفه بده يعض بعدين تقدر توكله تمر بإيدك
ومشالله صحته زينه والله يهنيك فيه

يشرفني اخوي مرورك الكريم

وشكرآ على النصائح المفيده

المشاركة الأصلية كتبت بواسطة هاوي الببغاء

نصيحة مني لك :
لا تخليه يتعود على أكل الكيماوي الصلب بهذا العمر ، خله اذا فطم السبب ؟لان اذا تعود من ألحين ماراح يتعود على الأكل من يدك واحتمال يكون حذر ، وأفضلك انك تأكله من يدك عشان تدربه انك تناديه ويجي وتكافئه بأكل لين ؛ وبعدين يكبر ويفطم كل ماتصافر له يجيك لياكل من يدك .

ومعذرة ع الفلسفة الطويلة .

هلا ومرحبا فيك اخوي وكلامك على العين والراس

وشاكر لك مرورك ونصائحك

ويشرفني مرورك ولو تعبي الصفحة كلام