اشترك في نشرتنا البريدية ليصلك كل جديد

كسا111111ر · 23-12-2005, 01:23 AM

السلام عليكم ورحمة الله وبركاته
يا أخوان اليوم شفت لي ببغاء افريقي
وبصراحه عجبني كثير كثير
ما شفته يتكلم بس صاحب المحل يقول انه يتكلم
عجبني من حركاته وأصوات الصفير
كان يصفر بأصوات جداً جميله
بس انا ما اعرف هو الافريقي الي يتكلم او النوع الغيني
هو لونه رصاصي وذيله أحمر
لكن انا اعرف انه فيه نوع مشابه له وهو يكون رصاصي غامق أعتقد كذا ؟؟؟
ما ادري كيف اقدر اميزه؟؟
او انها كلها تتكلم
يعني ابي طريقة ثانيه اني اقدر اميزه فيها بغير اللون
سعر الطير 1500 ريال
ياليت تساعدوني لأني راح اشتريه ان شاءالله

بو سعود · 23-12-2005, 02:29 AM

شوف اخوي الطير الافريقي يكون الون رمادي والذيل احمر

اما النوع الي يصير غامق يكون لونه رمادي غامق والذيل احمر غامق او عنابي وهذا النوع من فصيلة الكواسكو بس نوعه (تبنه)
على العموم الاثنين يتكلمون

ملاحظه:الكاسكو نوعين :
-نوع افريقي
-نوع هولندي
الهولندي يكون لونه فاتح
اما الافريقي يكون لونه اغمق شوي

بس الافريقي احسن

انت لا تستعيل بالشراء لانك شفتا يتكلم تأكد من عمر ه وصحة وتأكد ان اليف متعود على الكل مو بس على صاحبه يعني مثلا:
انت قرب منا ومسح عليه ودخل ايدك داخل القفص وركبا على ايدك اذا كان يركب على الايد ويفضل انا عمرا يكون صغير واذا شفتا تمام فتوكل على الله والله يباركلك فيه انشاء الله

واي شي تبيه انا حاضر

كسا111111ر · 23-12-2005, 02:18 PM

مشكووووووووووور يابو سعود يالغالي
وانا اليوم بروح للمحل وبتأكد زين
وبحاول أصوره وانزل الصور هنا

بس ما ادري سعره زين او غالي 1500 ريال سعودي ؟؟؟

بو سعود · 24-12-2005, 12:11 AM

لا اذا الطير يتكلم وتمسح عليه ويركب على الايد وما يجعر(يصرخ) ومتعود على الكل موبس على صاحبك مثل ماقتلك فأنا اقولك مبروك من الحين توكل على الله