الكاسكو يخاف مني

[خطاب العتيبي]

السلام عليكم
كيف حالكم ان شاء الله تمام

عندي سؤال انا شاري كاسكو له عندي له ثلاث شهور والا الان لم يتكلم بس يصفر مدري وش مشكلتة

والسؤال الثاني الكاسكو يخاف مني لاني اول ما شريته امسكة علشان اروضة مثل ما سوى العظو
المتألق سكر وصار يخاف مني اما بقي الاهل ما يخاف مهم مدري كيف اخلية ما يخاف مني

[eaglesa38]

وعليكم السلام ورحمة الله وبركاته
الاجابة على هذه الاسألة تكمن في جواب واحد

كيف تريد الكاسكو يتكلم وهو يخاف منك
لازم تكون العلاقة بينك وبينه حلوة بحيث ما يخاف منك
وخوفه هذا كامن من طريقتك العنيفة ربما في ترويضه في البداية
طبيعي باقي الاهل ما يخاف منهم لانه ما حصل منهم اذية

لهذا انصحك بتجويع الطير اربع ساعات
وحاول توكله من يدك
وحاول تكون لطيف معاه بحيث يتقبل منك


تحياتي

[nawaf686]

ما ازود على كلام اخوي
قد تكون بديت في ترويضه ووهو لسا جديد على البيت ما بعد تعود على المكان فأخذ منك موقف
حاول انك تشيل الاكل عنه وكل ساعات عطيه الاكل من يدك قد يأخذ الاكل ويرميه اول مراه او اكثر من مره
لاكن تحمل والله يعينك
وانا لست خبير
وانشالله يفيدونك الاعضاء اكثر

[دآرين]

تتدري إنت مثل أخوي بالضبط

الحين هي بس معناا..~وعآدي تلعب وتغرد قدامنا

أما لاشفت أخوي ولاسمعت صوتهـ بسرعهـ تنحآش للقفص وتسكت ههههه

لأنهـ مسكها في البدايهـ وأخذت منهـ موقف ومانستهـ..~

سوو زي ماقالوا لكـ الأعضاء..

تحيتي:

[راينو]

سبحان الله
انا طيري نفس الوضع لكن مع الوالد بالذات
يخاااف منه
بالنسبة لخوفه منك
حاول انك تعامله بلطف
و انت غير له الاكل و الماء
و حاول انك تجلس عنده كل يوم
و تطلعه و تلعبه
و ان شاء الله تتطور العلاقة بينكم

[ولد الحمائل]

حاااااااااول الفترة الجاية أنت اللي تغير له الموية والأكل ..

وحاول توكله من يدك ..

[خطاب العتيبي]

الله يعطيكم العافية

[naasooh]

المشاركة الأصلية كتبت بواسطة خطاب العتيبي

السلام عليكم
كيف حالكم ان شاء الله تمام

عندي سؤال انا شاري كاسكو له عندي له ثلاث شهور والا الان لم يتكلم بس يصفر مدري وش مشكلتة

طبيعي
واصبر عليه

والسؤال الثاني الكاسكو يخاف مني لاني اول ما شريته امسكة علشان اروضة مثل ما سوى العظو
المتألق سكر وصار يخاف مني اما بقي الاهل ما يخاف مهم مدري كيف اخلية ما يخاف مني

استمر على نفس اطريقه
وتعامل مع اطير بهدوء خله يأمن فيك(((مهم)))
وكرر اتمرين