ساعدوني في ببغاء الدره

[فهد خبراني]

السلآام عليكم ورحمة الله وبركاته

عندي ببغاء له الحين مايقارب 4 ايام وانا طبعا غشيم جدا في الطيور

رحت حراج الطيور وعجبني ببغاء الدره من ناحية اللون وقررت بعدها بكم فتره آخذ واحد

ابي اجابه تفيدوني بها لاهنتم


الببغاء اليوم قلب علي ومتعصب ويعض لاني غلطت في اختيار القفص كان صغير وبعد محاولات جلست نص ساعه معه وانا اطرد وراه في الغرفه الى ان نقلته للقفص الثاني الكبير وقلبه بيطلع من الخوف وحاشر نفسه بزاوية القفص وش الحل اقدمله طعام يرفض ويجعر


بعد ماتابعت معكم كيفية الترويض اول يومين تفاعل معي واليوم العصر اقرب منه بالقفص مايخاف

الي ابيه هل استطيع تعزيز الثقه فيه واحتاج منكم جدول للتروض من اهل الخبره

[ابوسهيل]

السلام عليكم ورحمة الله وبركاته
الف مبروك اخي فهد على الدرة
بس ياليت توضح لنا كم عمره تقريبا وادا كان فوق السنة
تبين جنس الطائر ادا كان ذكر او انثى
وفي كل الحالات تعزيز الثقة مع ببغاء الدرة
يحتاج صبر وتحمل عضاته حاول انك ماتجري وراه في كل مكان
حتى مايعتبرك عدو له ويظن انك راح تأديه
اتركه يتمشى خارج القفص
اذا كان خايف مارح يبعد عن القفص
جرب تعطيه الاكلل بيدك بدون خوف
لانه لو شعر بخوفك راح يتمرد عليك
تابع سلسلة ترويض الدرة راح تستفيد كثير
وجرب كمان طريقة الغرفة المظلمة عن نفسي جابت معي نتائج حلوة
وفالك التوفيق

[رآبت]

بعطيك خطوات لعلها تفيدك

1 - اترك الببغاء لمدة اسبوع في القفص لاتسو اي شي الا تنظيف القفص وتبديل الاكل والماي

2 - الاسبوع الثاني هات تفاحة قص منها شريحة كل التفاحه وانت قدامه خله يشوفك ^_^ و حاول تاكله من الشريحة يمكن يرفض اول يوم يومين لكن في نهاية الاسبوع اكيد راح ياكل

3 - الاسبوع الثالث حاول تاكله حب من ايدك حبه حبه طبعا ( بس انتبه اهم شي لايعضك )

4- الاسبوع الرابع حاول تخليه يطلع على الاستاند ( خله روحه يطلع لاتطلعه انت )

5 - الاسبوع الخامس حاول تاكله وهو على الاستاند وكلمه وغن له وقوله اي شي فضفضله هههه

6 - الاسبوع السادس حاول تقرب عصا خشبية منه عشان يطلع عليها وقوله كلمه اصعد يمكن يرفض لكن مع التكرار راح يقبل وبعدين قربه للستاند وقوله انزل الين مايتعود

7 - الاسبوع السابع قرب ايدك منه بدل العصا راح يعضك مرة ومرتين عادي لاتبعد ايدك وكل اللي يقولون عضة الدرة قوية وتعور ومدري شو كلام خطا انا جربت عضة الدرة تعور مو ماتعور لكن مو بذيك المبالغة اللي يقولونها

كرر العملية لين مايتعلم يرقي على ايدك وحاول تنقله من مكان لمكان وعلمه على اصعد وانزل

8 الاسبوع الثامن اي في نهاية الشهر الثاني حاول وهو على الستاند تمد ايدك على راسه بشكل قوي يعني وانت فارد ايدك بجنب جسمك حركه على شكل قوس على راسه طبعا ماراح يخليك راح يرفع راسه عشان يعض ع باله انك تبي تئذيه لكن ماعليه انت كررها لكن لاتلمس راسه سوها فوق ال 100 مرة بدون لاتلمس راسه وكل شوي قرب ايدك اكثر وطبعا مو كل الوقت نفس الشي .. لا .. نوع بين انك تاكله وانك تكلمه وانك تخليه على ايدك وانك تطبق الحركة هذي

9 الاسبوع التاسع نفس الشي وكل شوي حاول تقرب ايدك من راسه لين تلاحظ انه خلاص بدا يثق فيك ومايرفع راسه انه يعض المس ريشه ع الخفيف وكرر الين بعد كذا مرة جرب تحط راسه شوي شوي وكل شوي زيد

مع الايام راح يخليك تمسح على راسه بدون اي خوف

وشوي شوي راح يخليك تمسح عليه كله

طبعا هنا الببغاء راح يكون مروض تقريبا بنسبه 80%

الباقي عليك انت

كل ماتكون معه اكثر وتلعب معاه وتاخذه في البيت وتشتريه العاب .. الخ راح يتعود اكثر


ملاحظات مهمة :

لاتتبع طريقة المنشفة مع ببغاء الدرة
لاتلحقه من مكان لمكان وان هرب حاول معاه بلطف
اذا جناحه مو مقصوص لازم توديه لاحد يقص جناحه بدون عن يشوفك لان الدرة يحقد على اللي يقص جناحه
بعكس باقي الببغاوات .. فانتبه انك انت اللي تقص جناحه

دمت

[فهد خبراني]

بيض الله وجيهكم

ابو سهيل الله يعطيك الف عافيه ماقصرت

رآبت اتعبك معاي هذا الي ابيه والف شكر لك ياغالي وعساه بميزان حسناتكم