اشترك في نشرتنا البريدية ليصلك كل جديد

زينه ونحول · 06-06-2009, 03:18 PM

كونيتشووواا مينا سان

كيف الحال

اليوم وانا ازاكر حاسب بالصباح الساعه تسعه وكنا انا وياه لحالنا بالصالــه سمعته يصفر .. هي مو تصفيره زيت صوت العصافير اكثر ..

بس حسيته متردد .. يعني يصفر بشويش ويوقف بعدين يكمل بعدين عادها وسكت

يدلبوو اناا يزنن

وانا عاد كنت امس الساعه 3 الفجر احاول اعلمه الكلام وجبت له اسهل كلمه ( بوبو ) بس ماحسيت انه استجاب لي ولا فكر فيها

مع انو لمن كلت اعيدها له واعلمه يميل رقبته وكأنه مستغرب

..

قلت خلاص بغير الكلمه وخليتها بامبينو ..

جيت من الجامعه وقلت له بامبينو ( قبل شويا قلتها ) وجلس يطاالع

وعدتها بعدين احسه يحرك فمه كأنه يبغى يقول بس مو عارف .. وكل ماعدتها يحرك فمه بنفس الحركه يعني كأنه يتعلم النطق .. وجلست اعيدها .. واحسه يطاالع فيييي مرره فرحت

وصح لمن يحرك فمه .. احسه كأنه لمن احد يبلع ريقه ( تتحرك اللوز تطلع فوق وتنزل تحت

) يعني مدري كيف اوصفه المهم بس انتو افهموها عاد

بعدينه حسيته بدأ ينعس

.. سيبته ...

الحين احيانا أحسه يطقق بمنقاره .. يعني يحكهم ببعض وتطلع منها صوت غريب دايما الاحظ هذا الشي .. هل معناته يبغى ينطق ؟

اليوم اكلته خياره .. طبعا ماأكلها يقطعها اوصال ويرمي .. يشربها جالس صح

؟

المهم قولي لي كده كانت ببغانتكم تسوي ؟

وهل في تطور لببغاني ؟

وصحيح انو الببغان يحب البليله ( الحمص الكبير ) ؟ لأنو ببغاني ماأكلها رماها بالأرض

؟

يلا .. مابغيت اطول اكثر من كده جومييه ..

جانا

الكوس · 06-06-2009, 03:44 PM

في تطور كبير .. خصوصاَ ان الفترة قصيرة

و بداية التطقطق تكون مؤشرات حلوه

و انتفاخ اللوز يكون عند الكلام لدى الكثير من البغبغاوات

.: الأسيف :. · 06-06-2009, 04:25 PM

مبروووووك عالتصفير

وعقبال ما ينطق اساميكم كلها

ولكن مثل ما اقول دايم الصبرررررررررررررررررر

سكر · 06-06-2009, 07:54 PM

لسى بدري يا زينة

لا تتوقعي انه بيتكلم بسرعة,,,

أقل شي شهرين تقريباً اذا كان مرتاح معاك,,,

تحياتي

زياد محمد · 06-06-2009, 09:20 PM

اختي تقريبا مربيين الببغآوآت يقولون >>> آن اسهل الحروف عند الببغاوات هي 1 حرف الالف 2 حرف الواو مثلا الله ياواد ياولد الو السلام مثل كذا اما بوميبو مادري شنهو ماينفع من البداية ههههه

الكوس · 06-06-2009, 09:44 PM

اقتباس:

المشاركة الأصلية كتبت بواسطة سكر

لا تتوقعي انه بيتكلم بسرعة,,,

أقل شي شهرين تقريباً اذا كان مرتاح معاك,,,

تصدق حطمتني

شهرين !!!

كاجو · 06-06-2009, 10:42 PM

هههههههههههه

مراحب أختي (بامبينو) ياساترررررررررررر ليش التعقيد!!!

وكأنك تقولين لواحد عمره ماساق سياره سق الطياره ههههههه

أكيد بيجلس سنه عبال مايقولها !!!

أولاً أتركيه فتره عشان يكون اليف معاك ومتعود أكثر عليك

وبعد كذا علميه كلمات سهله مثل بابا ، ماما ، تعال... الببغاوات ينطقون الكلمات هذي بسرعه

وحاولي ترددين الكلمه مرات كثيره بصوت عالي وخليه يحاول معاكي هذي من أفضل الطرق

أمس جلست أردد لببغاء عندي كلام جديد أول مره يسمعه واليوم وأنا أردد نفس الكلام بدأ ينطق

بعض الحروف والبعض الاخر نغمة الحرف بشكل مدغم وراح أستمر معاه كم يوم وراح يردد الكلمه معاي

وبدوني ماراح يقدر يقولها لوحده لكن بعد فتره لما يأخذ على ترديد الكلمه معاي راح يقدر يقولها لوحده..

وهذي أفضل الطرق لتعليمه الكلام ومايحتاج الكلام الصعب في البدايه أو التنقل بين الكلمات وتغييرها

باستمرار علشان ماتلخبطين الببغاء ..

أتمنى تكون وصلت الفكره وهذا رابط للأفاده :

http://www.2zoo.com/vb/showthread.php?t=105430

تحياتي،،،،،

كاجو · 06-06-2009, 10:48 PM

اقتباس:

المشاركة الأصلية كتبت بواسطة الكوس

تصدق حطمتني

شهرين !!!

أسف زينه ونحول !! أي واحد أنتي فيهم ؟ أو الاثنين مع بعض!!

أسف أني أخذت مساحه من موضوعك ..

الكوس لا تتحطم لو الببغاء متعود عليك ممكن يتعلم بسرعه هو ومهارته

فيه ببغاء يتعلم الكلمه بشهر وببغاء يتعلم الكلمه بثلاث أيام وهذا الكلام من واقع تجربه

أنت بس شد حيلك معاه ولا تيأس..

زينه ونحول · 06-06-2009, 10:51 PM

ياربي .. انا مررره تحطمت ==

بس كثيييييرر شهرين -_-"

زينه ونحول · 06-06-2009, 10:52 PM

اقتباس:

أسف زينه ونحول !! أي واحد أنتي فيهم ؟ أو الاثنين مع بعض!!

مافهمت ؟