طمنوني هل هو تسمم او جرعة زايدة؟!

[بسبس مياو]

انا اعتذر منك ....يمكن كلامي كان قاسي..بس والله انقهرت عالقطوة
العطاس شي طبيعي كل القطط تعطس ممكن ماخذة برد بس اللي مش طبيعي انه يشخصها حساسية وابر كورتيزون
ابر الكورتيزون تنعطى في حالات الحساسية الشديدة زي حساسية الجلد وازمات الربو..يعني علشان اعطيها كورتيزون لازم تكون عندها اعراض الربو صعوبة بالتنفس ,صفير بالصدر،اختناق وقت النوم ،ولازم هالاشيا تكون مستمرة لفترات طويلة...مش قطوة تعطس لها كم يوم اقوم اقول كورتيزون....انا اعاني من ربو وحساسية دائمة وتعالجت بإبر الكورتيزون فأعرف متى مفروض نستخدمها (>﹏<)

1) اول شي اذا العطاس مستمر وفي افرازات من الانف جيبي بيتاموكس عطيها نص مل مرتين باليوم لمدة خمس ايام

2) ابغاكي تركزي وتشيكي على لسانها وفمها..هل فيه جروح
وتقرحات....ليش؟ لان اعراض البرد زي الزكام والعطس وافرازات الانف لو اقترنت بتقرحات وجروح بالفم ممكن يكون فايروس الكالسي
والفايروس هذا واضح جدا ..حتلاحظي انها مش قادرة تاكل بسبب الم الفم..وبتلاحظي خروج افرازات من الفم..واحتمال ترتفع حرارتها
ويبغالها عناية وعلاج لحد مايطلع الفايروس من جسمها
القط لو مطعم بيقاوم المرض اسرع من الغير مطعم وبتحتاج فيتامينات ومضادات حيوية واحيانا مغذيات بالوريد

3)الفطريات....صدقيني من خبرة سنوات في تربية القطط عالجت حالات كثيرة فطريات واقولك ان البيتادين افضل وآآمن علاج للفطريات
العياداتوالمواقع والمنتديات حيقولولك جيبي الكريم الفلاني والبخاخ الفلاني وشامبو وخل وصابون كبريت....وكل هالاشياممكن تعالج الفطريات بسس... تبهدل القط وتوسخه واذا لعقها تسبب مشاكل واستفراغ وبعضها سام...ويبغالك تكوني منتبهة له..غير انها دهنية ويعلق فيها الاوساخ وصعب ازالتهامن الشعر الا بغسيله بالشامبو
علشان كذا انا دائما اوصف البيتادين فقط...وتأكدي انه غير سام ولا له مشاكل لو لعقه القط...بس بشرط انك تمسكيه لحد ماينشف ويمتصهالجلد
ومو شرط تغرقي المكان مجرد مس بالقطنة من ثلاث لاربع مرات باليوم
وانا اظمنلك لو استمريتي عليه بنفس ماقلتلك خلال عشر ايام بتختفي..
انا عالجت كل قططي بس بالبيتادين
مافي فطريات تجلس شهور الا لو ما انتظمنا في علاجها ...اهم شي الاستمرار....انتي ممكن حتى بعد ماتحطي البيتادين وينشف بعد ربع ساعة كذا جيبي خل مخفف وبقطنة امسحي المكان ..منها تنظفيها وكمان الخل جدا ممتاز بالفطريات

4) عث الاذن او السواد الليفي اذنها ماله اي شغل بالفطريات ومافي اي قطرة بشرية تعالج عث الاذن لسبب بسيط ان العث حشرة مش فطريات
اذا انتي متأكدة ان اذنها صارت سليمة وماتحكها ولا تهز راسها ولا عاد يطلع سواد بالاذن كل فترة فمعناته اللي كان فيها مش عث احتمال شمع متراكم او التهاب بالاذن....العث له ادوية خاصة لقتل الحشرة وخلال سبع ايام من العلاج تنتهي المشكلة....مافي عث يتعالج اكثر من سبع ايام

بخصوص العيادات صراحة انا ما اعرف احد يعرف عيادتك ..واذا تبغين اسماء عيادات كويسة هابي بيت ممتازة وكمان الحمرا كويسة..
بس اذا القطوة مش محتاجة عيادة لاتوديها...اذا الموضوع عطس وزكام وبس عطيها بيتاموكس ..واذا لسانها وفمها ملتهب هنا ضروري بيطري..
شوفي وا رجعي طمنينا..علشان نساعدك

اذا تقدري تصوري الفيتامين واضح صوريه

[mona83]

لا الحمد لله لسانها كويس مافيه شي بس في سن طايح صغير وشكله اللبنية بدأت تتغير .. العطاس مستمر لكن الافراز من انفها شفاف وخفيف بس العطسة قوية اكبر منها .. تاكل كويس امس بدأت ارجع ااكلها دجاج مسلوق لاني جلست يوم ونص بس زبادي ..
عندي معليش سؤال ليش الدراي فود ما صارت تستلطفه اعطيها رويال كانون الوردي للكيتن تاكل شوي وتسيبه وهي مرة جيعانة لازم اعملها دجاج او بيض مسلوق او عالصاج بس احياناً اكون برا البيت اضطر احط لها دراي فود ارجع الاقيها جيعععانة وماكلة منه بس شوي..


الفطريات كانت كل جسمها بس اللي يقهر رغم انه الان جسمها ٨٠٪‏ سليم لكن تتنقل لمكان ثاني مثلا كانت بكف اليد الحمدلله اتعافت الحين طلع ببطن الذراع هو هذا المزعج الاماكن اللي عالجناها راحت وطلع بمكان ثاني وبصراحة ما ابغا احميها ..
منتداكم الله يسعدكم هو اللي طمني استخدم البيتادين بس
لكن عيادة الحمرا ربنا يسماحهم ادوني لاموزيل بخاخ وكريم وكان طالب اروشها كل يومين بالنيزورال وهي ماعدت شهرين ..

انا وقفت البيتادين فترة ماكانت مريضة باستشارة الدكتور ورجعت ثاني

طمنتيني اني ما اروح لعيادة ما راح اتحمل يعطوها ابر كمان .. خلاص باذن الله اجيبلها بيتاموكس..
انا اللي خلاني اتأكد انها احتمال حساسية انف انه قبل اسبوع جانا غبار وبعدها صبغنا بويا بالبيت وكلنا صدورنا وخشومنا ضربت حساسية .. قلت شكلها مسكينة نفس الشي ما اتحملت