اشترك في نشرتنا البريدية ليصلك كل جديد

ام ماجد · 09-01-2011, 10:37 PM

السلام عليكم ورحمة الله

كيف حالكم اخواني

دجاجتي بعد الالفه والمحبه اللي بيننا

انا اشوف ان الشباب تروض الطير بقوتهم البدنيه والبنات تروضهم بقوتهم العاطفيه

مثل ماقلت لكم مااجبرته على شي اغلب الوقت عنده واعطيه من ايدي وقدرت امسح على راسه
طلع على ايدي من بعد الشهرين و10 ايام بدون اي تدريب حطيت ايدي وطلع
لاني قبلها من 20 يوم اطلعه على العصا واتمشى فيه وحب الوضع ولما تركت العصا وحطيت ايدي طلع

شهرين و15 يوم يطير لي

ثلاث شهور بالضبط يركض وراي اذا بطلع من الغرفه لأن وقت الصباح انا وياه بروحنا
واطلع اغسل صحن مويته واكله ويسبقني على الباب ويطق لي ويصفر تصفيره كلمت سر بيننا > متعلمها مني

حاليا يآكل ويشرب ويلعب ويرتب ريشه على كتفي وبعد احيانا يريح ويرفع رجل > مريح على الاخر
كله على كتفي ماشاء الله تبارك الله
يبي طول الوقت معاي ولما احطه بين الاهل بالمجلس احط ستانده على زاويه اذا جيت بطلع صفر كلمة السر احسه يقول تعالي وين رايحه عني

اذا طلع على راسي وقلت له عيب يله مكانك بنزله على الاستاند نزل على كتفي ونزل راسه يعني تكفين لاتنزليني

امممم يسوي حركه حسيتها محبه لما يكون على كتفي يآكل واذا خلص اكل مسك ايدي ويعض على خفيف ويمسكها برجله
بعدها كأنه بيطلع شي من حلقه ويلف رقبته يمين يسار وبعدها رجع منه اكل > فسرو الحركه

وهذي صور الدجاجه

بس مشكلته مب قادر يولف الاهل مع انه بيننا بالمجلس من شهرين وهو بيننا ويشوفهم بس مب راضي يقربون منه
قبل اسبوعين طلع على ايد وحده من خواتي ولما رجعت بعد كم يوم تطلعه جعر
واللحين صار يخاف بشكل كبير قبل بس ينفش ريشه اذا قربوا اللحين صاير يجعر

وخلصنا

محبـه الكوكاتيـل · 09-01-2011, 10:41 PM

وهـ بس الله يخليه لكِ
والله احلى دجآآجه
ماشاء الله تبارك الله

الله يحفظه

medozoom · 09-01-2011, 11:43 PM

الف من ذكر الله ابدعتي اختي ام ماجد في تدريبك وصدقتي التدريب العاطفي النسائي والتدريب البدني الرجولي ولكن البعض منا يعطف لحد الجنون

المهم الصراحه انتي سويتي انجاز ووصلتي للقمه ماشاء الله بفتره تعتبر وجيزه لحد ما

والطير صاير يحبك والدليل حركه هز الراس واطلاع الاكل هذا معناها

ان الطير من كثر حبه للشخص يطلع الاكل الي في فمه للشخص الي يحبه عشان ياكل .. هذا معناها

وكثير من الناس لم يصل لها المرحله وانتي وصلتي ماشااء الله

والله يبارك لك فيه ويحميه لك

وبالنسبه للأهل

اغلب الناس تلاقيه كويس مع كل الناس بس فيه شخص قريب منه اكثر من هالناس كلهم وهذا الي قاعد يصير مع دجاجتك

انا افضل كلمه السر ما تكون تصفيره بعد الان تكون كلمه ولو من ثلاث حروف دربيه عليها عشان يبدا معاك مرحله الكلام والابداع الصوتي

الله يبارك لك

طولت ادري ههههههههههه

بالتوفيق لك اختي

ابونجاة · 10-01-2011, 01:18 AM

مشاء الله تبارك الله

الله يطرحلك البركه

Parrota · 10-01-2011, 01:20 AM

مـآإأشـآإأء آإألله ^^

آإأحووب دجاجتج

أإأسمهآإأ يجنن هع

إأإلله يخليهإأ لج عقبآإأل يوصل عمرهأآإ 10 إأآعواآإم وآإآكثر ^^

يوفاوي الكويت · 10-01-2011, 01:26 AM

ما شالله تبارك الرحمن

الله يديم المحبه بينكم

الطير لما يرجع الاكل هذا دليل المحبه

انا اقول خلي الاهل يعطونه الاكل بيدهم وراح يتعود عليهم