محميتي المتواضعة

[zxooozx]

السلام عليكم ورحمة الله وبركاته

يسعد مساكم جميعا

مثل ماوعدتكم بصور المحمية المتواضعة

اذكروا الله وصلوا على النبي يالربع وسامحونا على الصور ترى اخوكم ماهو محترف تصوير

الفروخ مابغيت ازعجهم وان شاء الله اذا صار فرصة يمكن اصورهم

بسم الله نبدي





































وهذا طيري كاسكو صابه انهيار عصبي من شغل الحدادين ادعوله ان الله يشفيه










بالنسبة لملاحظات الاخوة يرجى الاطلاع على الصورة:

رقم 1 مخصص للدرة او يمكن احط كاسكو

رقم 2 للكوكتيل

رقم 3 الارضية مغطاة بمشمع بلاستيك قوي شاري رول 50 متر كل اسبوع اغير متر تقريبا


بالنسبة للبياضات الموجوده مؤقته

راح افصل ان شاء الله حسب المقاسات الموجوده بالرقم 1 و 2 خانات جديدة والفتحة تكون خارجية

ناطر بس الفروح تطلع من الخانة

درجة حرارة المحمية ثابتة بين 28 الى 32 وبعيد عن اي تيار هواء مباشر او اشعة شمس مباشرة


حبيت اهديكم صور فروخ الكوكتيل اعمارهم تقريبا شهر

بعد الانتقال الى المحمية هجرهم والديهم وهذا امر طبيعي بعد تغيير المكان

تدخلت باطعامهم وجبة في اليوم الاول ومثلها في اليوم الثاني مكونه من سيرلاك الاطفال

نهاية اليوم الثاني اشوف الام بدأت تدخل رأسها في البياضة ثم تدخل وتخرج سريع ثم تجلس

على الباب مترددة

اعتقد غدا سوف تطمئن الام وتعود لرعاية الصغار بنفسها ان شاء الله اما اخونا الذكر مطنش الموضوع


اترككم مع الصور مع الصلاة على النبي



















سامحونا على القصور

مع اطيب التمنيات

[<عبود>]

ماشاء الله محميه حلوه وطيور احلى

بس الباب كبيييييير وممكن يهربو منه الطيور الله لايقول لو دخلت تبدل الماء والاكل

يعني لو تحط باب صغير حق تبديل الماء و الاكل يكون 100%

والله يشفي الكاسيكو حقك

[rafatm2007]

ماشاء الله

[zxooozx]

المشاركة الأصلية كتبت بواسطة <عبود>

ماشاء الله محميه حلوه وطيور احلى

بس الباب كبيييييير وممكن يهربو منه الطيور الله لايقول لو دخلت تبدل الماء والاكل

يعني لو تحط باب صغير حق تبديل الماء و الاكل يكون 100%

والله يشفي الكاسيكو حقك

جزاك الله خير

تسلم على النصيحة بس المحمية داخل البيت يعني مايروحون ان شاء الله بالاضافة ان فيه

تحسينات بضيفها على الفتحات اللي على الاجناب

تقبل اطيب التمنيات

[zxooozx]

المشاركة الأصلية كتبت بواسطة rafatm2007

ماشاء الله

جزاك الله خير وبارك فيك

[qassem]

ماشاء الله محمية جدا جميلة افكر اسويلي وحده بس سؤال كم سعرها الي انت سويت لاني بحطلي زوج واحد وبخليه ينتج ويشحنو المحمية بكم سعرها تكفى قلي

[basil-ramahi]

ما شاء الله الله يطرحلك البركة بس الباب كانو كبير زيادة؟؟؟؟؟؟؟؟

[zxooozx]

عفوا نسيت ابين بعض المعلومات

عرض المحمية مترين و 40 سم

الارتفاع مترين و 20 سم

العمق 70 سم

الحديد المستخدم قياس 3 سم

التكلفة بدون الطيور 50 د.ك

وسلامتكم

[Elham]

ماشاء الله تبارك الله

محميـــة جميلة ..

ربي يحفظلك طيورك ويباركلك فيهم

ويشافي ببغائك

[ابو التواريخ]

ماشاء الله شغل ممتاز بس

مادام راح تخلي الطيور بدون أقفاص

ليش ماتحط شوية رمل على الأرضية

ليسهل عليك التنظيف وأفظل لرجايل الطيور بعد