ماني عارف اش اكل طيريا

[franklin]

السلام عليكم
كيفكم ياشباب
الموضوع : ماني عارف اش اكل الطير ، اخاف لو اعطيه حب شمسي وبعدين يتعود عليه وما يكل غيره .
حاليا انا باعطيه الاكل المنقوع بالمويه بس احس انو حيصيره اسهال وكمان لازم اغيره كل 8 ساعات وانا ماقدر.
وابغ اعطيه اشي يخفف الاسهال ، اي اكل ناشف ؟؟
اعطيه حضار وفواكه بس برضو البراز. زي المويه؟
فهل احد عندو حل ، او اي نوع من انواع اكل مشكل يتاكل من غير ما انقعو او اتضطر اني اغيره كل شوي .
وشكرااااا

[أسيــــر]

وعليكم السلام ورحمة الله وبركاتة
اخوي شنهو نوع طيرك وكم عمره
اذا كنت تمتلك كاسكو ومفطوم
وفر له الخلطات وتحتوى على بذرة دوار الشمس وبعض الفواكه المجففه والفيتامينات
وكل اسبوع قدم له التفاح والخس
الفول السوداني (السبال ) اعطيه كل مابين يومين حبتين
مافي شي يحير ان شالله

[franklin]

المشاركة الأصلية كتبت بواسطة أسير.

وعليكم السلام ورحمة الله وبركاتة
اخوي شنهو نوع طيرك وكم عمره
اذا كنت تمتلك كاسكو ومفطوم
وفر له الخلطات وتحتوى على بذرة دوار الشمس وبعض الفواكه المجففه والفيتامينات
وكل اسبوع قدم له التفاح والخس
الفول السوداني (السبال ) اعطيه كل مابين يومين حبتين
مافي شي يحير ان شالله

مشكور على رد .
طيري كاسكو ومفطوم زي ما قلت عمره ما اعرف بس صغير .
طيب من فين اوفر هاذي الخلطات هل في منها شي جاهز وينباع في جدة لانو دورت وما لقيت ؟؟

[Abu Thamer]

أخوي تحصل بذور مشكلة عليها صورة المكاو والكاسكو في واحدة الحيوان بجدة وفيها فيتامينات سعر الكيلو 30 ريال وهي مفيدة جداً للببغاء وكمان تحصل عند أي محل طيور خلطات مشكلة لاكن اقل جودة من اللي في واحة الحيوان وسعر الكيلو من 15 ريال الي 20 ريال وهل الفتره مراح تحصل في محلات الطيور إلا بصعوبه وان حصل تأكدك انو مافيه سوس(دود) لانه مو متوفر بكثرة

[franklin]

المشاركة الأصلية كتبت بواسطة Abu Thamer

أخوي تحصل بذور مشكلة عليها صورة المكاو والكاسكو في واحدة الحيوان بجدة وفيها فيتامينات سعر الكيلو 30 ريال وهي مفيدة جداً للببغاء وكمان تحصل عند أي محل طيور خلطات مشكلة لاكن اقل جودة من اللي في واحة الحيوان وسعر الكيلو من 15 ريال الي 20 ريال وهل الفتره مراح تحصل في محلات الطيور إلا بصعوبه وان حصل تأكدك انو مافيه سوس(دود) لانه مو متوفر بكثرة

مشكور يا عسل بس كيف اعرف انو ما فيها دود؟
هل يبان واضح ولا لزم ادور في وسط الكيس؟؟ او في طريقه تانيه

[ابو على2]

وعليكم السلام اخوي تحصل في محلات الطيور وجبه غذايه كامله من الحبوب وحطله مرتين في الاسبوع فواكه بالتوفيق

[Abu Thamer]

المشاركة الأصلية كتبت بواسطة franklin

مشكور يا عسل بس كيف اعرف انو ما فيها دود؟
هل يبان واضح ولا لزم ادور في وسط الكيس؟؟ او في طريقه تانيه

ماسوسنا إلا الواجب يا أخوي أما الدود حاول تقلب الأكل كويس وتفتشه بيدك وراح تشوفه بنفسك لانه راح يكون واضح لو فيه دود وانا أفضلك اللي في واحة الحيوان هوا أغلي من اللي في السوق بس مضمون لانه مخلوط بعسل وفيتامينات وصناعية ألمانيا