كلب يغيظ . . .

[aheed_rashad]

بسم الله الرحمن الرحيم

الاخوة الافاضل . .
أمتلك مجموعة من كلاب الجيرمان شيبرد منهم كلب يعيش مع أنثتان و عمره سنتين تقريبا . هو معهم مهيمن و مسيطر ( مفترى ) و فى مكانه كالاسد الهصور اللى يفوت يموت و لا أحد يجرؤ على الدخول عليه أو التعامل معه غير أهل البيت فقط لا غير . أى فى مكانه وحش لا يشق له غبار . و بمجرد خروجى معه للشارع ( رغم أنى كثير الخروج معه ) يتحول إلى حمل وديع لا يتعامل مع أحد حتى القطط رغم إنه بمجرد دخوله أى شارع تجد القطط تفر هاربة فى كل إتجاه وهو مالهوش دعوة . و إذا إقترب منى أحد تجده كالفتاة البكر مكسوف و خجلان و يتدارى فيا مع العلم إنه لم يؤذيه أحد و لم يتعامل معه أحد حتى يسبب له عقدة نفسية . غلبت معاه حتى أعطيه ثقة فى نفسه فالكل يخاف منه ( بشر - حيوانات - قطط ) لأن حجمه ضخم و شكله مرعب و مع ذلك مش قادر أغير طبعه و خوفه و جبنه من الشارع . و أول ما يروح يفرد عضلاته على الإناث اللى معاه ( علما بأن الإناث اللى معاه فى الشارع إسود ) . بذمتكم مش كلب يغيظ ؟؟؟؟؟؟؟ قولوا لى أعمل مع الحمار ده إيه ؟ اللى عنده حل لهذه المشكلة يلحقنى بيه قبل ما تتفقع مرارتى .

[m_land_2]

ههههههههههههههههههه فعلا حاجة تغيظ والله انا مليش فى تربية الكلا ب بس الموضوع عجبنى على فكرة اعتقد انه مكنش بيخرج الشارع وهو صغير ومتعودش علية واكيد هو دة السبب

[Musab Pro]

نعم يا صديقي تحتاج وقت تطلع معه بين وقت و وقت وتخليه يشوف العالم

من غير ما يلمسونه والعب معه وخله ياخذ شخصيته تدريجيا و شجعه .

بعدفتره اطلع مع الكلب واربطه في عمود كهرب او شجره وخل احد اصدقائك اللي

ما يعرفهم يدفك ويثير ضجه وكأنه يضربك وشوف الكلب كيف راح يفاجئك

ممكن هذا المقطع يفيدك

http://www.youtube.com/watch?v=uRaCv4Njcnk


تحياتي

[aheed_rashad]

الاخ الفاضل / m_land_2
أشكرك على مرورك الكريم و إدعى لى إن ربنا يصبرنى .
الاخ الفاضل / Musab Pro
أشكرك على ردك الجميل و أحيط سيادتكم علما بأنى شوفت الفيديو و طبعا مجهود رائع منك . و البرود اللى عند الكلب اللى فى الفيديو نسخة من صاحبنا إياه علما بأن مدربين من مدرسة الكلاب التابعة لكلية الشرطة كانوا قائمين على تدريبه و وصل معاهم إنه فى بيته قاتل . ثم ربطوه فى شجرة فى الشارع و زاولوه و بدل ما يزيلوا منه البرود أصابهم هم بالبرود .
غلبت و غلب حمارى مع هذا الكلب اللى يغيظ . . إيه بقى رأيك ؟

[مدرب2010]

والله غريبه

[الـــــــرازم]

المشاركة الأصلية كتبت بواسطة aheed_rashad

قولوا لى أعمل مع الحمار ده إيه ؟

يأسفني مشاهده هذه العبارات هنا فالقسم

هل هذه طريقة صحيحه للسؤال

!!!!!!!

فالمره القادمه يفضل ان تقوم بطرح السؤال

بالطريقه الصحيحه حتى يتم الرد عليك بالطريقه الصحيحه

لأننا لن نقبل بمثل هذه الأستفسارات التي تكون بهذه الجمل

>>> يغلق <<<