افيدوني تكفون من ذوي الخبره ترويش المكاو

[عبدالعزيز محب المكاو]

السلام عليكم
كيف حالكم عساكم بخير
هاذي اول مشاركة لي في هذا المنتدى الرائع
قبل يومين شريت مكاو بلو ان قولد بعمر السنه وتآلف على البيت ويرقص ويطلع من القفص
مالكم فالطويلة المهم ريحته خايسه كنها ريحة تيس
رشيت عليه الموية الا وخذ لك ذيك الصرخه الي خلتني ادق سبرنت
ويجعر جعر قوي مره ما هدى الا بعد ما ابعدت البخاخ عنه وانا خايف اروشه يكرهني مع العلم الان ياكل من يدي ويطلع ايضا على يدي واناديه يطلع من القفص ويطير لي ابي حل لخوفه من الترويش

[AVOCADO]

عليكم السلام


عجبني وصفك للصرخه هههه

كيف تروشه انت ؟ ايش تستخدم ؟ عشان يخاف كل الخوف هذا

وهل المويه الي روشته فيها كانت بارده مره او حاره ؟؟


عموما في طريقه

طلعه تحت الشمس شوي كذا خمس دقايق بالكثير

خلي الشمس تضربه مضبوط

طبعا هو راح يحتر ويحس بحرار الجو واحتمال يفتح منقاره ويبدا يلهث

وبعدها ابدا رش مويه خفيف على رجوله فقط وبشكل خفيف

انا ما ادري كيف البخاخ الي عندك

لكن هناك بخاخات خاصه لترويش الطيور , وتقدر تتحكم بقوتها

بحيث تخليها خفيفه ما ترعب الطير

وخليك ترش رجله الين تشوف انه هدا شوي بعدين ابدا اطلع فوق شوي شوي

بس احذر يكون في تيارات هوائيه في الخارج عشان ما يمرض

وبعد الترويش خله يتشمس شويه تحت الشمس حق ابو دقيقتين
بعدين دخله لغرفه ما يكون فيها مكيف

موفق

[عبدالعزيز محب المكاو]

الله يعطيك العافيه يامشرفنا الغالي ماقصرت
شريت البخاخ الي ينضغط بالهواء وطلعت الطير فالشمس والحمدلله الحين احلا استراخاء مع المويه علما اني استخدم الموية الدافيه دائما

[روجيادا]

استخدم ماي فاتر احسن
وممكن تخلي الماي مفتوح وهو بيروح وحده بسبح بس لا تخلي ضغط الماي قوي ولا واجد وبالتوفيق