شباب والله احترت وخايف فزعتكم

[عبدالعزيز محب المكاو]

قبل يومين كذا لاحظت فالقفص وحواليه ريش بديت اتابع الطير هل ينتف او لاء .
ما لاحظت شي فجأه وهو يصفد ريشه تلقاها طايحه ولا يلعب فيها بفمه والحمدلله الطير صحته زينه ويلعب ولافيه اي فراغات في جسمه ابدا بس كأنها باديه حكه عنده في منطقة الرقبه بشكل شبه ملحوظ

وهاذي صور الريش

[روجيادا]

كم عمر طيرك اخوي؟ ممكن يكون تبديل ريش بس اشوف الاطراف مش طبيعيه هل هالريش اللي ف الصور متعبث فيها الطير؟ والثانيات عاديه؟ اذا الريش الثاني اطرافها طبيعيه وطيرك ما كمل السنه ف هذا تبديل ريش يبدأ من الراس وينزل لتحت ممكن حتى يتظهر عليه بقع صلع مكان تبديل الريش مثلا لو كان التبديل بعده ع الراس ممكن تشوف خط صلع ... تطمن بتلاحظ الريش الجديد بادي يطلع بس العمليه تطول فوق الشهر التبديل بصفه عامه... بالتوفيق

[عبدالعزيز محب المكاو]

مشكور على الرد الله يجزاك الجنه يارب
طيري كمل السنه و3 اشهر والي لاحظته اليوم الصبح العب معه فجأه تساقط منه ريش ولا ادري هل ناتفه من قبل ولا تساقط لحاله

[عبدالعزيز محب المكاو]

ملاحظه لقيت ريش مغلف في جسمه من جهت الذيل وجهت الرقبه من الخلف

[AVOCADO]

ادعمه بالفيتامينات + الترويش بالاسبوع مره وفي فتره الصباح او الظهيره + التشميس

وعدم تعريضه للهواء بعد الترويش


أفضل فيتامين لنمو الريش والمحافظه على شكله وجماله وايضا يستخدم في فترة القلش هو ( موتا فيت )




وايضا يفضل ان تقدم لها الاومني فيت , لدعمه بالأحماض الامينيه والأملاح

يوم ( اومني فيت ) ويوم (موتا فيت)

احذر من تعرض الطائر في هذه الفترة الى تقلبات الجو و احرص على أن تكون الحرارة مناسبة له

احذر المواد التي تصدر روائح مثل العطور ، معطر الجو ، دخان السجائر وغيرها

النظافة في القفص و العش ضرورية , أيضا التأكد من عدم تواجد أي نوع من الحشرات في الطير او القفص

[عبدالعزيز محب المكاو]

ماقصرت يامشرفنا الغالي الله يعطيك العافيه من الفجر الى الآن تقريبا عدد الريش الي تساقط 13 هل هو في مرحلة التبديل او داخل مرحلة نتف
الله يجزاك الخير يارب وبيض الله وجهك
وهاذي ايضا صورة لريش توها طايحه بالحالها بعد نفض ريشه

[روجيادا]

لا تطمن اخوي مرحله تبديل ريش ^^ وبيطلع واجد حتى وانت تمسح ع جسمه بتطلع ف يدك ريشه ريشتين اهم شي تعطيه الفيتامينات اللي خبرك عنهن افوكادو عشان يطلع الريش الجديد صحي وقوي ولامع والاهتمام بالترويش والتشميس ..... بالتوفيق مع الطير

[عبدالعزيز محب المكاو]

المشاركة الأصلية كتبت بواسطة روجيادا

لا تطمن اخوي مرحله تبديل ريش ^^ وبيطلع واجد حتى وانت تمسح ع جسمه بتطلع ف يدك ريشه ريشتين اهم شي تعطيه الفيتامينات اللي خبرك عنهن افوكادو عشان يطلع الريش الجديد صحي وقوي ولامع والاهتمام بالترويش والتشميس ..... بالتوفيق مع الطير

الله يعطيك الصحه والعافيه وربي كنت خايف وتطمنت الله يطمنك على من تحب ولاننحرم من ارائكم الاكثر من رائعه