ساعدوني في البونساي

[سمارتي]

من فترة اسبوع اشتريت شجرة بونساي وكانت ماشاء الله عليها خضرة كتير وأوراقها قوية
واليوم فجأة لاحظت انو بعض الأوراق مصفرة وأول ما المسها فورا تطيح
ياريت تفيدوني شو السبب وكيف العلاج
وعندي سؤال تاني
انا جديدة في عالم النبات واتمنى اعرف كيف ممكن اعمل من الشجرة شجرة تانية يعني باي طريقة مثلا مثل التعقيل واي نبات يصلح معه التعقيل
أنا جربت اخد من نبتة البونساي فرع عليه ورقة وبرعم وحطيتة بالتراب وسقيته ماء كتير ولي تقريبا اسبوع حاطته بالتربة بس ما طلعله جذر ولا دبلت الورقة يعني فيه أمل يطلع جذر ولا لاء؟؟
أسفة لأني طولت عليكم

[Dr Khaled]

و عليكم السلام و رحمة الله و بركاته
أهلين ببنت البلد لك أختي كم مرة عم تسقيها؟ و وين حاططيها هل المعترة؟
و كيف موديل تراب النبتة جاف متصلب يعني شوية شرح بعد إذنك؟

[سمارتي]

هلا وغلا فيك
هلأانا لما جبتها كان محططلا تراب ئلي بابا انو اسمو تورب وكان فيه سماد شوي وما بدلت التراب لاني مسافرة عسوريا اذا مشي الحال واخدتها معي رح بدلو هنيك وعم سقيها كل يوم والتراب مو قاسي أبدا وحاطتها عندي بالغرفة بعيد عن الشمس المباشرة بس دائما فيه ضوء يعني مو عتمة

[سمارتي]

اي وانا قريت بالنت انو لازم كل فترة شيلها من التراب وقص الزايد بالجذور ف أنا فورا حبيت اتفزلك وطلعتها وقصيت الجذور اللي كتير طويلة بس مو كلها يعني بفهم أنا شوي تركتلها كتير جذور مشان تعيش
معقولة لهيك عم يصفر الورق بس مو كلو يعني شي عشر ورقات

[Dr Khaled]

الله يسلمك يا رب و ليش كتر الغلبة هههه ...

عطيها جرعة قليلة سماد مركز مع رشة ماء و وقفي عن الحركة شو هاي قص جذور لتكوني مفكرتيها عم تقصليها أظافرها على هل الحالة ما خليتي شي فيها هههه......
بس غذا حستيها كبرت وسعي عليها الشفقة و المهم هلأ تكبر مو وقت الفزلكة

[سمارتي]

مشكور أخي
وخلص بطلنا قص رح اعمل متنل ما حكيت

[محب البيئة]

نبات البونساي حسااااس جدا من الماء وممكن ترشي الاوراق لتوفير الرطوبه
وبالنسبه للتكاثر ممكن تحطي هرمون تجذير وتغطيها بكيس ....
تقبلي تحياتي ....

[سمارتي]

المشاركة الأصلية كتبت بواسطة محب البيئة

نبات البونساي حسااااس جدا من الماء وممكن ترشي الاوراق لتوفير الرطوبه
وبالنسبه للتكاثر ممكن تحطي هرمون تجذير وتغطيها بكيس ....
تقبلي تحياتي ....

مشكور على مرورك ومساعدتك