| دعوة للنقاش | أسباب شراسة طائر البادجي |

[صمت الأمل]

وعليكم السلام ورحمة اللهـ وبركاتهـ .


لاحول ولاقوة الا باللهـ ,, ياساتر يارب .


شدني موضوعكـ اخي سعد ومعاناتكـ اللي تعانيها مع هالبادجي .


اللهـ يعوضكـ بأحسن منهم ويبعد عنكـ شرهم .


انا أتفق تماما مع كلام أخي طيور الزينة ,, هالبادجي قنابل شراسهـ مؤقتهـ .. لاحظت عليهم هالشيء مع اني ربيتهم لفترهـ بسيطهـ .


تتحركـ اذا لاحظت أي ضعف أو مرض في أي طير معهم بالمجموعهـ وتهجم عليهـ كمجموعهـ وليس فرد .


ويقضون على فريستهم تماما وينهشوها من لحمها .


لكن الحالهـ اللي عندكـ جدا خطيرهـ وصعبهـ .


واللهـ ما أعرف نظام التربيهـ اللي تستخدمهـ حاليا .


لكن افصل صغار السن عن الكبار والأزواج ,, وان شاء اللهـ يكون فصلهم فيهـ الحل .


وعطهم شيء يعضعضو فيهـ وياخذو راحتهم ,, مثلا غصن شجرهـ نظيف أو خضار مثل الخس .


انا شفت واحد بموقع أجنبي أعتقد عندهـ مثل حالتكـ , يقول السؤال :


البادجي عنيفين مع بعض بشكل دائم _ القفص وسيع ومع ذلكـ يتناقرون _ يتدافعو على العمود اللي يوقفو فيهـ _ الأكل والماء متوفر بكثرهـ ومع ذلكـ تكون عندهم حرب عليهـ _ الذكور تصرخ بأعلى صوتها في الليل وتخوف باقي المجموعهـ _ مايتزاوجو .


قال لهـ واحد عطهم فيتامينات بالماء يمكن يكون سبب نقص لديهم ,, ووفر حصى صغير حتى ياكلوهـ .


ممكن تعطيهم رمل نظيف لعل وعسى يكون نقص المعادن لديهم ويكفي الرمل بحل المشكلهـ .


شخص آخر قال انا تقريبا متأكد ان اللي يهاجم بهالعنف هو الأنثى ..


احيانا بوقت التزواج تكون متسلطهـ جدا ومتوترهـ وتهجم على الذكر بعنف .


ممكن تضيف عندهم مرآهـ أو ألعاب أو حبال تسليهم وتشغلهم عن تنقير بعض .


واللهـ يعينكـ عليهم .