شوفو الانثى اش سوت في فروخها

[**البتول**]

السلام عليكم
عندي جوز بيض 7بيضات وفقصت مات اثنين وهم صار وخمس عاشو وكبروو اكبر واحد طلع من العش وضربته امه لين ماااتوبعده بيومين طلع واحد ولقيتها ضاربته بس لحقت عليه كسرت منقارة من اسفل طلعتها كلها من العش والصغير مدري اش فيه مو راضي يكبر وشكله بيموت الانثى ماتاكله وطلعته اليوم
السؤال اللي انكسر منقارها هل يرجع او لا وكيف تاكل واذا انا اكلها اش اعطيها اليوم اعطيتها حليب مدري صح والا غلط
http://img838.imageshack.us/img838/8331/imagelcw.jpg
http://img854.imageshack.us/img854/9039/imagekis.jpg

[سمسم746]

ههههههه
نفس الكلام بس مؤ لدرجة كسر المنقار
أن شاء الله ينمو المنقار بس يبغا له وقت
الله يعوض خير

[لمســة خيـــال]

الله يعين

الصراحه انفطر قلبي
اعزلي الطيور اذا بقي منهن احد عن الام

عقمي الجروح والمنقار بهدواء شوي شوي

اي مطهر عشان مايلتهب

الاكل بيض وبقصماط اهرسيه وخففيه بماء وعطيه باالسرنجه

واطحني حلب ناعم وحطي مع البيض يقوي العظم و

عظمت الحبار اطحنيه وضعي شوي مع البيض لانه كالسيوم

وانصحك توديه دكتور بيطري يفحص عليه

موفق يارب

[الجوهرة هنادي]

و عليكمـ السلآمـ و رحمة الله و بركآته

يا قلبييييي ، و الله مسكيييييييييييييييييييين

الأفضل تعزلي الفروخ عن الأنثى إذا عمرهمـ شهر

و غريهمـ بنفسكـ مع وضع الحبوب على أرضية القفص النظيفة

و تقليل كمية الغر تدريجيآ حتى تنفطمـ الطيور

و إذا أقل من شهر ( مثل الذي في الصور )

فالأفضل أنكـ تعزلي الأنثى و تخلين الذكر يكمل المهمة

تأكدي من توقف النزيف ، مع تعقيمـ المنقآر بهدوء و حذر شديد

الأكل أعطيهـ مثل ما قآلت ام عيسى ، أو سيريلآكـ طيور

و الأفضل الذهآب إلى أقرب بيطري خطير

و إن شآء الله خير يآ رب // موفقة .. ))

[**البتول**]

الله يعطيكم العافيه
اش هو الحلب ماعرفته
والجرح اطهره بديتول والا مسحات طبيه
الله يجزاكم خيرر

[الكادي هواها]

وعليكم السلام
اختى عقميه بالديتول او صبغه اليود من الصيدليه
البشريه فهي مفده وتوقف النزيف
بنسبه للحلبه او الحلب تلاقيه عند العطار
اهم حاجه اسحبي الفروخ من لام واذا اذكر ياكلهم خليه
معاهم وراقبيهم اذا يطعمهم او لا كذلك يمكنك غرهم انتي
والفرخ المصاب اهتمي فيه ونوعي له بالتغذيه حتى يشفئ
وهذي صوره الحلب

موفقه

[الجوهرة هنادي]

المشاركة الأصلية كتبت بواسطة **البتول**

الله يعطيكم العافيه
اش هو الحلب ماعرفته
والجرح اطهره بديتول والا مسحات طبيه
الله يجزاكم خيرر

و يعآفيكـ يآ رب

الجرح نعمـ طهريهـ بالديتول

و هذهـ صورة الحلب :





موفقة

[**البتول**]

ماقصرتو جزاكم الله خيرررر

[لمســة خيـــال]

اختي البتول

كيف الطائر !!؟

عطي الفرخ رز مسلوق مره وبطاطس مسلوقه
اهرسي البطاطس مع الرز وخففيه بماء وغري الفرخ

لاتقدمي الطعام للفرخ يكون بارد خليه دافي حتى

البيض والبقصماط خفخيه بماء دافي وقدميه

مايشوف شر

[نمط]

اخواني المربين
لو تابعتوا مواضيع المنتدى للاخوة كان راح تتلافو كثير من المشاكل اللي تصيدكم
دائماً نحذر من وجود الانثى مع الفروخ
الانثى مهمتها في حضانة البيض والاهتمام بالزغاليل لعمر اسبوعين تقريباً
بعدها نراقبها واي مشكلة نعزلها ونترك الذكر يتولى باقي المهام
من اول فرخ طلع ولقيتي شراسة الانثى مفترض تخرجي الانثى نهائياً حتى لا يجي الدور على الفرخ اللي بعده

في أناثي صحيح تفطم الطيور في عمر 40 يوم وحتى بعد الفطام ما تؤذيهم
تكون قاسية معهم لكن بحذر وبدون أي أذى يذكر
لكن غالبية اناثي البادجي تكون قاسي مع الفروخ بمجرد خروجهم من العش لبناء عش ثاني