ارجو المساعدة....مش فاهمة حاجة

[lou]

السلام عليكم
من ثلاث ايام اشتريت كلبة صغيرة هافانيز البائع قاللى ان عمرها شهرين
المهم اول ما جت البيت كانت تلعب كتير و فرحانة و بتهز ذيلها على طول ورايحة جاية وراية و اكلت و شربت كويس لكنها كانت تعطس بسيط
قلت يمكن واخدة برد لما كانت عند البائع لكن على بالليل لاقيتها بتكح (سعال) و تانى يوم الصبح لاقيتها رافضة الاكل تماما و حتى الماء ما تشربه و مش بتلعب زى اول ما جت
المهم وديتها للطبيب و قاللى ان عمرها صغير جدا 40 او 45 يوم بالكثير و ان عندها مرض اسمه ديستمبر و فى الغالب اتنقل لها من امها اللى فى الغالب مش متطعمة
الاعراض اللى عندها سعال و رشح من الانف و العين و اسهال بس ما فيش حرارة
الطبيب بيديها حقنة كل يوم لمدة 3 ايام و النهاردة ان شاء الله اخر حقنة
بس اللى قالقنى جدا انها مش بتاكل و لا بتشرب و باضطر اعطيها الطعام و الماء بالسرنجة
و مش عايزة تطلع من القفص بتاعها مهما احاول اغريها باللعب او الاكل و حاسة انها اصلا مش عايزة تتفاعل معايا خالص ... كمان قريت على النت ان المرض ده له اثار جانبية خطيرة تقعد مع الكلب طول عمره
يا ترى الكلام ده اكيد و للا فيه امل انها لو شفيت ما يترك اثار جانبية؟

و يا ترى طبيعى بسبب المرض انها تكون مبتعدة عنى كدة و مش عايزة تلعب ولا حتى تطلع من القفص بتاعها ولما تخف ترجع تتفاعل معانا تانى وللا ده كده طبعها و مش حيتغير

انا محتارة و قلبى واجعنى عليها جدا

ممكن تفيدونى بآرائكم

لكم منى الشكر و ادعولى ربنا يشفيهالى

[lou]

شكرااا

[killer]

والله اختي

انا مابغي أحزنج

لكن الغلط منك في البداية انك خذيتي كلب غير مطعم

يفترض ان يكون الكلب مطعم ومعه اوراقه

وبالنسبة عن الكسل والتعب

هذا يعني حالها حال الانسان لما يمرض

مايستسيغ طعم الاكل والماء....تعبان

وهكذا يعني

وان شاء الله تشفى ومن رايي تكلمون البائع على الكذب والاحتيال

[lou]

اشكرك يا كيللر على ردك
بس انا ماعرفش من فين اجيب كلاب معاها شهاداتها و اوراقها
كمان انا جبتها صغيرة حسب كلام البائع شهرين يعنى يا دوب على ميعاد اول تطعيم
و من حولى نصحونى ارجعها للبائع لانها مريضة بس انا خفت انه ما يعتنيش بيها و يسيبها تموت, فقلت اعمل اللى عليا و اعتنى بيها على قد ما اقدر و الشفاء من عند الله

اشكرك مرة ثانية

[killer]

والله اختي
رجعيها له وخليه يعطيكي الفلوس

ولو تحصلين كلب من 3 الى 5 شهور يكون احسن واحسن